ဆစ်ခ်ကျောင်းသား ကျောင်းဝင်ခွင့်မရ

သူ့သားကို ခေါင်းပေါင်း စည်းခွင့် မပေးတာ ခွဲခြား ဆက်ဆံတာလို့ တုံ့ပြန်
သြစတြေးလျ နိုင်ငံမှာ ဆစ်ခ်ဘာသာဝင် ကျောင်းသားလေးတယောက်ကို ခေါင်းပေါင်း ပေါင်းလို့ ဆိုပြီး ကျောင်းဝင်ခွင့် မပေးဘဲ ထားခဲ့ပါတယ်။

မဲလ်ဘုန်းမြို့ မယ်လ်တန် ခရစ်ယာန် ကျောင်းက ယောက်ျားလေးတွေ ခရစ်ယာန် မဆန်တဲ့ ခေါင်းစည်း ဝတ်ဆင်တာကို ခွင့်မပြုပါဘူး။

ဒါပေမဲ့ ၅ နှစ်သား ကျောင်းသားရဲ့ ဖခင်က သူ့သားကို ခေါင်းပေါင်း စည်းခွင့် မပေးတာက ခွဲခြား ဆက်ဆံတာ ဖြစ်လို့ တုံ့ပြန်ခဲ့ပါတယ်။

ဒီအတွက် ခုံရုံးက ဆစ်ခ် ကျောင်းသား ဘက်က အနိုင်ပေးလိုက်ပါတယ်။

ဆစ်ခ်ဘာသာဝင်တွေရဲ့ ထုံးစံအရ အမျိုးသားတွေ ဆံပင်အရှည်ထားပြီး ခေါင်းပေါင်း ပေါင်းဖို့ လိုပါတယ်။

ဒါကို ကျောင်းက ဒီကျောင်းသားအတွက် သီးသန့် ခွင့်ပြုချက် မပေးခဲ့ပါဘူး။

သြစတြေးလျ လို တိုးတက်တဲ့ နိုင်ငံမှာ ဒီလို မျိုး ဖြစ်တဲ့အတွက် တုန်လှုပ်မိကြောင်း ကျောင်းသား ဖခင် မစ္စတာ အာရိုရာက ပြောပါတယ်။

သြစတြေးလျ စစ်တပ်နဲ့ ရဲထဲက ဆစ်ခ် လူမျိုးတွေ ဒီလို ခေါင်းပေါင်းပေါင်းတာတွေ ရှိပါတယ်၊ ကျွန်တော့် သားကျမှ ကျောင်းမသွားရဘူးလို့ သူက ပြောပါတယ်။

တပ်ထဲက ဆစ်ခ် စစ်သားတွေ
မဆီလျော်တဲ့ ကျောင်းဝတ်စုံ မူ

၂ဝ၁၄ တုန်းက ကျောင်းရဲ့ ဝတ်စုံ မူဝါဒကို ပြန်လည် သုံးသပ်တုန်းက ရပ်ကွက်ထဲက လူတွေရဲ့ အမြင်ကို ထည့်မစဉ်းစားတဲ့ အတွက် ဆီလျော်မှု မရှိဘူးလို့ ဝိတိုရိယ ပြည်နယ် တရားမ ခုံရုံး က ပြောကြား ပါတယ်။

ကျောင်းက ခရစ်ယာန် ကျောင်း ဖြစ်ပေမယ့် ကျောင်းသား တဝက်ကျော် က ခရစ်ယာန်မဟုတ်ဘူးလို့လည်း ဆိုပါတယ်။

ကျောင်းသားရဲ့ ခေါင်းပေါင်းကို ကျောင်းဝတ်စုံ အရောင် ဖြစ်အောင် စီစဉ် ပေးနိုင်တယ် လို့လည်း ပြောပါတယ်။

ဒီလို ဆုံးဖြတ်ပေးလို့ အင်မတန် ပျော်ရွှင်ကြောင်း၊ ဒါဟာ သြစတြေးလျက ဆစ်ခ်လူမျိုးတွေ အတွက် သတင်းကောင်း ဖြစ်ကြောင်း ကျောင်းသား ဖခင်က ဆိုပါတယ်။

ကျောင်းနဲ့ ကျောင်းသား မိဘ မကြာခင် တွေ့ဖို့ ရှိပြီး နောက်နှစ် အဲဒီကျောင်းကို သူတို့သား တက်ခွင့်ရမယ်လို့ မျှော်လင့်နေကြပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ