ဝါးဆစ်ပိတ်တုတ်ဖြင့်ရိုက်ကာ လုယက်မှုကျူးလွန်းသူများ ဖမ်းမိ

ဒလမြို့နယ်တွင် ဖြစ်ပွားခဲ့သော လုယက်မှုကျူးလွန်းသူများအား ရဲတပ်ဖွဲ့မှ အချိန်တိုအတွင်း ဖော်ထုတ်ဖမ်းဆီးရမိ
ရန်ကုန်၊ စက်တင်ဘာ ၁၇

စက်တင်ဘာလ ၁၇ ရက်နေ့ နံနက် ၀၂း၀၀ အချိန်ခန့်တွင် ဒလမြို့နယ်၊ ညောင်းကုန်းရပ်ကွက်၊ ဧရာဝတီ ၂ လမ်းနေ ဆိုင်ကယ်ကယ်ရီမောင်းသူ ကိုလှိုင်မင်းသူသည် သမ္ဗာန်ဆိပ်မှ ခရီးသည်ပို့ပြီးနောက် အမှတ် ၉ ရပ်ကွက်သို့ ပြန်လာစဉ် ၁၁ ကွေ့အရောက်၌ နောက်ဘက်မှနေ၍ လူငယ် ၄ ဦး စီးနင်းမောင်းနှင်လာသော ဆိုင်ကယ်စီးလူငယ်များမှ ၎င်းအား ၀ါးဆစ်ပိတ်တုတ်ဖြင့် ရိုက်သဖြင့် လဲကျသွားခဲ့သည်။

 အဆိုပါ လူငယ် ၄ ဦးမှ ”ဓားထုတ် ဓားထုတ် ” ဟုပြောသံကြားရသဖြင့် ၎င်းပိုင်ဆိုင်ကယ်အား
ထားကာ အမှတ် ၉ ရပ်ကွက်အတွင်းသို့ ထွက်ပြေးခဲ့ပြီး အော်ဟစ်အကူညီတောင်းခံခဲ့ကြောင်း သိရသည်။

၎င်းနောက် ရပ်ကွက်အုပ်ချုပ်ရေးမှူးများနှင့်အတူ အဆိုပါနေရာသို့သွားရောက်၍ ဆိုင်ကယ်အားကြည့်ရှုရာ ဆိုင်ကယ်မှာ ပျောက်ဆုံးနေကြောင်းနှင့် ၎င်းတွင် အဆိုပါ လူငယ် ၄ ဦးမှ ၀ါးဆစ်ပိတ် တုတ်နှင့်ရိုက်သဖြင့် ကျောကုန်းဖူးရောင်းဒဏ်ရာရရှိကာ ဒလမြို့နယ်၊ ပြည်သူဆေးရုံတွင် ပြင်ပလူနာ(မစိုးရိမ်ရ)အဖြစ် ဆေးကုသမှုခံယူရကြောင်း တိုင်တန်းချက်အရ ဒလမြို့မ ရဲစခန်း (ပ) ၇၃၄/၂၀၁၇၊ ရာဇသတ်ကြီးပုဒ်မ ၃၉၄ ဖြင့် အမှုဖွင့်ကာ ပြစ်မှုကျူးလွန်သူများအား ဖမ်းဆီးရမိရေး စုံစမ်းဆောင်ရွက်ခဲ့သည်။

အမှုနှင့်ပတ်သက်၍ ရဲတပ်ဖွဲ့ဝင်များက ပိတ်ဆို့ရှာဖွေဖမ်းဆီးဆောင်ရွက်ခဲ့ရာ ဒလမြို့နယ်၊ ညောင်ကုန်းရပ်ကွက်၊ ဧရာဝတီ ၂ လမ်းထိပ်ရှိ သက်ကိုဦး၏နေအိမ်အတွင်းမှ ပြစ်မှုကျူးလွန်စဉ် အသုံးပြုခဲ့သည့် အနီရောင်၊ Kenbo အမျိုးအစား ၅၇ယ/--------နှင့်အတူ သက်ကိုဦး၊ (၂၅)နှစ်အား ဖမ်းဆီးရမိခဲ့ပါသည်။

ဖမ်းဆီးရမိသူ သက်ကိုဦးအား စစ်ဆေးရာ ၎င်းနှင့်အတူ ပြစ်မှုကျူးလွန်းရာတွင် ဒလမြို့နယ်နေသူများဖြစ်ကြ သည့် ကိုရဲ(၁၉)နှစ်၊ အောင်ကြည်(၁၈)နှစ်၊ ရန်နိုင်ထွန်း တို့ပါဝင်ကြောင်း စစ်ဆေးသိရှိသဖြင့် ဖမ်းဆီးရမိရေးစုံစမ်းဆောင်ရွက်ခဲ့ရာ ယင်းနေ့နံနက် ၀၃း၅၅ အချိန်တွင် ၎င်းတို့နေထိုင်ရာနေအိမ်အသီးသီးမှ ဖမ်းဆီးရမိခဲ့ပြီး အမှုမှပါဆုံး ဆိုင်ကယ် ၅၆ယ/--------အား အခင်းဖြစ်နေရာနှင့် ကိုက် ၁၀၀ခန့် အကွာရှိ ရေကန်ဘေးတွင် ဇက်သော့ခတ်ကာ ၀ှက်ထားကြောင်း ပေါ်ပေါက်ခဲ့ပါသည်။

ဖမ်းဆီးရမိသူ သက်ကိုဦးပါ (၄)ဦးတို့အား အမှုဖြင့် အရေးယူဆောင်ရွက်လျက်ရှိကြောင်းနှင့် အမှုမှပါဆုံး သက်သေခံ ဆိုင်ကယ်အား ပြန်လည်သိမ်းဆည်းနိုင်ခဲ့ပြီး ၎င်းတို့ ၄ ဦးအား အခြားလုယက်များကျူးလွန်းခြင်း ရှိ မရှိ တိုက်ဆိုင်စစ်ဆေးဆောင်ရွက်လျက်ရှိကြောင်း သတင်းရရှိပါသည်။

Yangon Police
https://www.facebook.com/yangonpolice

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ