ရန်ကုန် စက်တင်ဘာ ၁၅
ရန်ကုန်အရှေ့ပိုင်းခရိုင်၊ ဒဂုံမြို့သစ်(မြောက်ပိုင်း)မြို့နယ်၊ အမှတ်(၃၈)ရပ်ကွက်၊ အဲမွန်ဒရာလမ်း၌ စက်တင်ဘာလ ၁၅ ရက် နံနက် ၁၀နာရီ ၅၀ မိနစ်အချိန်က အမှတ်(၆၂၂)တွင် အိမ်ငှားနေထိုင်သူ ဦးသိန်းမျိုးမင်း(၄၀)နှစ် (အဘ) ဦးမင်းလွင်၏ သွပ်မိုးပျဉ်ထောင်နေအိမ်မှ စတင်၍ မီးလောင်ကျွမ်းခဲ့ကြောင်း သိရသည်။
မီးလောင်မှုဖြစ်ပွားရာသို့ မီးသတ်ယာဉ်(၁၀)စီး၊ အုပ်ချုပ်မှုယာဉ်တစ်စီးတို့ဖြင့် လာရောက်မီးငြှိမ်းသတ်ခဲ့ရာ နံနက် ၁၁နာရီ ၅ မိနစ်အချိန်တွင် မီးထိန်းနိုင်ခဲ့ပြီး ၁၁ နာရီ ၁၀ မိနစ်အချိန်တွင် မီးငြိမ်းခဲ့သည်။ ယင်းမီးလောင်မှုဖြစ်စဉ်မှာ ဟင်းအိုး တည်ရာတွင် မီးကြွင်းမီးကျန်မှ စတင်လောင်ကျွမ်းခြင်းဖြစ်ပြီး အိမ်အမှတ်(၆၂၃-က) ဦးဘညို၏ သွပ်မိုးပျဉ်ထောင် နေအိမ်နှင့် အိမ်အမှတ်(၆၂၃-ခ)ဦးစန်းလွင်၏ သွပ်မိုးပျဉ်ထောင် နေအိမ်များသို့ မီးကူးစက်လောင် ကျွမ်းသွားရာ မီးလောင်ကျွမ်းမှုကို Level-1 အဆင့်ဖြစ်ကြောင်း သိရသည်။
ဆက်လက်၍ မီးလောင်ကျွမ်းရာသို့ ရန်ကုန်တိုင်းဒေသကြီး လွှတ်တော်ကိုယ်စားလှယ်၊ မဲဆန္ဒနယ်-၁ ဦးတင်ထွန်းနိုင်၊ ရန်ကုန်တိုင်းဒေသကြီးတိုင်း ဦးစီးမှူးဦးကြည်ဝင်းနှင့် တပ်ဖွဲ့ဝင်များ၊ ခရိုင်အုပ်ချုပ်ရေးမှူးဦးစိန်မြင့် မြို့နယ်အထွေထွေ အုပ်ချုပ်ရေးဦးစီးဌာန၊ အုပ်ချုပ်ရေးမှူး လက်ထောက်ညွှန်ကြားရေးမှူး ဦးတင်မောင်စိုး၊ မြို့နယ်ရဲတပ်ဖွဲ့မှူး ရဲမှူးမျိုးခိုင်၊ မြို့နယ်မီးသတ်ဦးစီးမှူး ဦးထိန်လင်းနှင့် တပ်ဖွဲ့ဝင်များ၊ ဒဂုံမြို့သစ်(အရှေ့ပိုင်း)မြို့နယ် မီးသတ်ဦးစီးမှူး ဦးမျိုးမြင့်အောင်နှင့် မီးသတ်တပ်ဖွဲ့ဝင်များက ကြီးကြပ်ကွပ်ကဲ ဆောင်ရွက်ခဲ့သည်။
မီးလောင်မှုဖြစ်စဉ်နှင့် ပတ်သက်၍ ဒဂုံမြို့သစ်(မြောက်ပိုင်း)မြို့နယ် မြို့မရဲစခန်းမှ ဦးသိန်းမျိုးမင်းအား (ပ)၁၄၈၂/၂၀၁၇၊ ပြစ်မှုပုဒ်မ(၂၈၅)ဖြင့် အမှုဖွင့်အရေးယူထားကြောင်း သိရသည်။
မြို့နယ်(ပြန်/ဆက်)
MOI Webportal Myanmar
https://www.facebook.com/MOIWebportalMyanmar/
ဒဂုံမြို့သစ်(မြောက်ပိုင်း)မြို့နယ်တွင် မီးလောင်မှုဖြစ်ပွား
Reviewed by THITHTOOLWIN
on
16:20
Rating: