မောင်တောမြို့နယ် ညောင်ချောင်းကျေးရွာတွင် မီးလောင်မှုဖြစ်ပွား၊ နေအိမ် ၃ဝ ခန့်မီးလောင်ဆုံးရှုံး


မောင်တော စက်တင်ဘာ ၁၅

မောင်တောမြို့နယ် ညောင်ချောင်းကျေးရွာ၌ စက်တင်ဘာလ ၁၅ရက်နေ့ ညနေပိုင်းက မီးလောင်မှုဖြစ်ပွားရာ နေအိမ် ၃ဝ ခန့် မီးလောင်ဆုံးရှုံးခဲ့ကြောင်း သိရသည်။

အဆိုပါမီးလောင်မှုကို မောင်တောခရိုင်အထွေထွေအုပ်ချုပ်ရေးဦးစီးဌာနမှ ခရိုင်ဦးစီးမှူး ဦးရဲထွဋ်နှင့် တာဝန်ရှိသူများ၊ လုံခြုံရေးတပ်ဖွဲ့ဝင်များနှင့် မီးသတ်တပ်ဖွဲ့ ဝင်များက သွားရောက်ငြှိမ်းသတ်ခဲ့ရာ တစ်နာရီခန့် အကြာတွင် မီးငြိမ်းသွားခဲ့သည်။

'' ကျွန်တော်တို့အနေနဲ့ သတင်းရတာနဲ့ သက်ဆိုင်ရာ လုံခြုံရေးအဖွဲ့တွေ၊ မီးသတ်တပ်ဖွဲ့တွေခေါ်ပြီး ချက်ချင်းသွား ရောက် ငြှိမ်းသတ်ခဲ့တယ်။ အဲဒီ ညောင်ချောင်း ကျေးရွာက လမ်းပန်းဆက်သွယ်ရေးမကောင်းတော့ မီးသတ်ကားတွေ ဝင်လို့မရတဲ့အတွက် မီးသတ်စက်တွေ အသုံးပြုပြီးတော့ နီးစပ်ရာ ရေတွင်းတွေက ရေပိုက်တွေ သွယ်တန်းပြီး ခက်ခက်ခဲခဲ သွားရောက်ငြှိမ်းသတ်ခဲ့ရပါတယ်'' ဟု ခရိုင်အုပ်ချုပ်ရေးမှူး ဦးရဲထွဋ်က ပြောကြားသည်။

မီးလောင်မှုကြောင့် နေအိမ် ၃ဝ ခန့် မီးလောင်ဆုံးရှုံး သွားကြောင်း၊ မီးလောင်မှုနှင့် ပတ်သက်ပြီး ဆက်လက်စစ်ဆေး ဆောင်ရွက်လျက်ရှိကြောင်း၊ အဆိုပါ ညောင်ချောင်း ကျေးရွာ သည် ဘင်္ဂါလီများ နေထိုင်သည့် ကျေးရွာတစ်ရွာဖြစ်ပြီး မီးလောင် မှုဖြစ်ပွားချိန်တွင် အနီးဝန်းကျင်ရှိ မီးမလောင်သေးသည့် နေအိမ်များအား လုံခြုံရေးတပ်ဖွဲ့ဝင်များက စစ်ဆေးရာ လူတစ်ဦး တစ်ယောက်မျှ မတွေ့ရှိရကြောင်း သိရသည်။

တင်မောင်လွင်၊ မင်းထက်အောင်၊ ဓာတ်ပုံ-မောင်မွှေး
Myanmaalinn
https://www.facebook.com/MYANMAALINNNEWS

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ