မြိုင်ကြီးငူ ဒုက္ခသည်စခန်း ရိက္ခာပြတ်နေ

မြိုင်ကြီးငူဒေသက ဒုက္ခသည်စခန်းမှာ ခိုလှုံနေသူတွေကို တွေ့ရစဉ်။ Photo: Kyaw Lwin Oo/RFA
ကရင်ပြည်နယ် လှိုင်းဘွဲ့မြို့နယ် မြိုင်ကြီးငူဒေသက လူ ၅၅၀၀ ကျော်ရှိတဲ့ ဒုက္ခသည်စခန်းမှာ စားနပ် ရိက္ခာပြတ်နေပြီး ဒုက္ခသည်တွေအတွက် စားသောက်ရေး အခက်အခဲဖြစ်နေတယ်လို့ စခန်းတာဝန်ခံ ဦးစောထွန်းက ပြောပါတယ်။

အစိုးရကရော ပုဂ္ဂလိက အလှူရှင်တွေကရော စက်တင်ဘာလအတွက် စားနပ်ရိက္ခာ လာရောက်လှူဒါန်း ထောက်ပံ့တာတွေ မရှိသေးဘူးလို့ ဦးစောထွန်းက ပြောပါတယ်။

"စားနပ်ရိက္ခာ အခုပြတ်နေပြီ။ ၉ လပိုင်း စားနပ်ရိက္ခာ တစ်ယောက်မှမလာဘူးလေ၊ အစိုးရရော ပုဂ္ဂလိက ရော မပေါ်လာကြဘူးလေ။ အဲဒီ ၉ လပိုင်းအတွက်က ၂ ရက် ၃ ရက် အတွက်တော့ လုံလောက်မှု ရှိသေးတယ်"

အဲဒီဒုက္ခသည်တွေဟာ လွန်ခဲ့တဲ့ ၂၀၁၆ ခုနှစ် စက်တင်ဘာလလောက်က ကရင်ပြည်နယ် မဲသဝေါဒေသမှာ တပ်မတော်နဲ့ နယ်ခြားစောင့်တပ်ဖွဲ့ BGF တို့ ပူးပေါင်းတဲ့အဖွဲ့နဲ့ DKBA ခွဲထွက်အဖွဲ့တို့ တိုက်ပွဲတွေ ဖြစ်ပွားခဲ့ တာကြောင့် ထွက်ပြေးလာကြတာဖြစ်ပါတယ်။

မြိုင်ကြီးငူ ဒုက္ခသည်စခန်းကို အရင်က အစိုးရနဲ့ အရပ်ဘက် အဖွဲ့တွေက စားနပ်ရိက္ခာ ၀ိုင်းပြီး လှူဒါန်း ထောက်ပံ့ ကြပေမယ့် နောက်ပိုင်းမှာ လှူဒါန်းမှု နည်းလာတယ်လို့ သိရပါတယ်။

ဒုက္ခသည်တွေအနေနဲ့ လက်ရှိအချိန်မှာ မြေမြှုပ်မိုင်းအန္တရာယ်တွေကြောင့် သူတို့နေရပ်တွေကိုလည်း မပြန်ရဲ ကြသေးဘူးလို့ ပြောပါတယ်။

အဲဒီ မြိုင်ကြီးငူ ဒုက္ခသည်စခန်းက ဒုက္ခသည် ငါးထောင်ကျော်အတွက် စားနပ်ရိက္ခာအဖြစ် တစ်နေ့ကို ဆန်အိတ် ၃၀ ကျော်လောက် ကုန်ကျတယ်လို့ သိရပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ