မန္တလေးတိုင်းဒေသကြီး၊ သပိတ်ကျင်းမြို့နယ်မှာ မိုးကြီးပြီး တောင်ကျချောင်းရေ ကျဆင်းမှုကြောင့် နေအိမ်တွေပျက်စီးနေသည်ကို ကူညီကယ်ဆယ်ရေး လုပ်ငန်းတွေ ဆောင်ရွက်နေစဉ်။ Photo: Thank Zin Oo/ Facebook |
နေအိမ်တချို့ရေထဲမျောပါသွားပြီး တချို့က နေလို့မရအောင် ပျက်စီးသွားသလို အနည်းငယ်ပျက်စီး သွားတာတွေလည်း ရှိတယ်လို့ ချောင်းကြီးကျေးရွာအုပ်စု အုပ်ချုပ်ရေးရုံး စာရေး ဦးသောင်းလူ က ပြောပါတယ်။
"လက်ရှိစာရင်းအရတော့ ကျနော်တို့ ရေထွက်မှာ လုံးဝမျောပါသွားတာ ၁၄ လုံးပါ၊ အိမ်က မဖြစ်မနေ ဖျက်ရမယ့်အနေအထား နေထိုင်လို့မရတာ ၁၀ လုံးပေါ့၊ အနည်းအပါး အနည်းအကျဉ်းပျက်စီးသွားတာ ၂၇ လုံး စုစုပေါင်း ၅၁ လုံးပေါ့၊ ကျောက်ဖြူကျတော့လည်း ကျနော်တို့ လုံးဝမျောပါသွားတာ ၈ လုံးပါ၊ နေထိုင်လို့ မရတာ ၄ လုံးပါ၊ အနည်းငယ်ထိခိုက်ပျက်စီးတာတော့ အလုံး ၄၀ ပေါ့၊ စုစုပေါင်း ၅၂ လုံးပါ။"
ဒီနေ့ မနက် ၂ နာရီလောက်မှာ တောင်ကျချောင်းရေတွေ စတင်ကျလာခဲ့တာဖြစ်ပြီး ရေထွက်နဲ့ ကျောက်ဖြူ ကျေးရွာတွေအပြင် ကမ်းပါးနီနဲ့ လိပ်ကျကျေးရွာတွေ မှာလည်း နေအိမ်တွေထဲ ရေတွေ ဝင်ရောက်ခဲ့တယ်လို့ သိရပါတယ်။
ရေဘေးကြောင့် နေအိမ်တွေပျက်စီးဆုံးရှုံးခဲ့တဲ့ ကျေးရွာတွေထံ သပိတ်ကျင်းမြို့နယ် ရဲတပ်ဖွဲ့ဝင်တွေ၊ မီးသတ်တပ်ဖွဲ့ဝင်တွေနဲ့ ကြက်ခြေနီ တပ်ဖွဲ့ဝင်တွေက ကူညီကယ်ဆယ်ရေးလုပ်ငန်းတွေ ဆောင်ရွက် ပေးခဲ့တယ်လို့ သိရပါတယ်။
နေအိမ်ပျက်စီးသွားတဲ့သူတွေက နီးစပ်ရာ ဘုန်းကြီးကျောင်းတွေမှာ နေထိုင်နေကြရပြီး တချို့ကလည်း ဆွေမျိုးအိမ်တွေမှာ နေထိုင်နေကြတယ်လို့ ပြောပါတယ်။
RFA Burmese
http://www.rfa.org/burmese
မိုးကြီးပြီး တောင်ကျရေများတာကြောင့် သပိတ်ကျင်းမှာ နေအိမ် ၁၀၀ ကျော်ပျက်စီး
Reviewed by THITHTOOLWIN
on
20:12
Rating: