ကုလလုံခြုံရေးကောင်စီခေါ်ဖို့ ၇ နိုင်ငံ တောင်းဆို

၂ဝ၁၇ သြဂုတ်လ ၃ဝ ရက်နေ့က ကုလသမဂ္ဂ လုံခြုံရေးကောင်စီ အစည်းအဝေးပြုလုပ်စဉ်။ (UN Photo/Manuel Elias)
ဗြိတိန်၊ အမေရိကန်၊ ပြင်သစ်၊ အီဂျစ်၊ ကာဇက်စန်၊ ဆီနီဂေါနဲ့ ဆွီဒင် နိုင်ငံတို့က မြန်မာနိုင်ငံထဲမှာဖြစ်ပေါ်နေတဲ့ အကြမ်းဖက်မှုတွေနဲ့ပတ်သက်ပြီး ကုလသမဂ္ဂလုံခြုံရေးကောင်စီ အစည်းအဝေးခေါ်ဖို့ တောင်းဆိုလိုက်တယ်လို့ မနေ့ကထုတ်ဝေတဲ့ AFP သတင်းတစ်ပုဒ်မှာ ဖော်ပြထားပါတယ်။

အဲဒီ ၇ နိုင်ငံက မြန်မာနိုင်ငံ ရခိုင်ပြည်နယ်ထဲက မွတ်ဆလင်တွေကို စစ်တပ်က ရှင်းလင်းရေးလုပ်နေတာနဲ့ ပတ်သက်ပြီး ဆွေးနွေးဖို့ ကုလသမဂ္ဂ အထွေထွေအတွင်းရေးမှူး အန်တိုနီယို ဂူးတားရက်စ်ကို တောင်းဆိုလိုက် တာပါ။

အဲဒီကိစ္စနဲ့ပတ်သက်ပြီး လုံခြုံရေးကောင်စီ အစည်းအဝေးခေါ်ဖို့ ရက်ကိုညှိနှိုင်းနေတယ်လို့ လုံခြုံရေးကောင်စီ ရဲ့အလှည့်ကျ ဥက္ကဌဖြစ်တဲ့ အီသီယိုပီးယားနိုင်ငံက ပြောပါတယ်။

မြန်မာစစ်တပ်ရဲ့ နယ်မြေရှင်းလင်းရေး ဆောင်ရွက်ချက်တွေကြောင့် ရိုဟင်ဂျာ ၄ သိန်းကျော် ဘင်္ဂလားဒေ့ရ်ှနိုင်ငံ ထဲ ထွက်ပြေးနေတယ်လို့ ကုလသမဂ္ဂက ပြောဆိုထားတာပါ။

ပြီးခဲ့တဲ့ သြဂုတ်လ ၂၅ ရက်နေ့က မွတ်ဆလင်စစ်သွေးကြွတွေက ရခိုင်ပြည်နယ်ထဲက ရဲစခန်းတွေကို တိုက်ခိုက်ခဲ့ပြီးတဲ့နောက် မြန်မာစစ်တပ်က ခုလိုနယ်မြေရှင်းလင်းမှု စစ်ဆင်ရေးဆောင်ရွက်ခဲ့တာ ဖြစ်ပါတယ်။

အဲဒီစစ်ဆင်ရေးကို ကုလသမဂ္ဂက လူမျိုးစုရှင်းလင်းရေးလို့သုံးပြီး ပြင်သစ်သမ္မတ အီမန်နြူရယ် မက်ခရွန် ကတော့ လူမျိုးတုံးသတ်ဖြတ်မှုလို့ ပြောဆိုပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ