လူ၂၀၀ ကျော်သေဆုံးတဲ့ မက္ကဆီကို ငလျင် ကယ်ဆယ်ရေးစတင်


ပြင်းအား ၇.၁ ရှိတဲ့ ငလျင်ကြောင့် လူပေါင်း အနည်းဆုံး ၂၂၅ ဦး သေဆုံးပြီး ဒါဇင်နဲ့ချီတဲ့ အဆောက်အအုံတွေ ပြိုပျက်သွားပြီးတဲ့နောက် မက္ကဆီကိုစီးတီး မြို့တော် အနီး ပြည်နယ်တွေဟာ အပြိုအပျက်တွေ ကြားထဲမှာ အသက်မသေဘဲ ကျန်ရစ်သူတွေကို ကယ်ဆယ်ရေး လုပ်သားတွေက ဗုဒ္ဓဟူးနေ့မှာ ရှာဖွေခဲ့ကြပါတယ်။

အသက်ရှင်ကျန်ရစ်သူတွေ တွေ့နိုင်မယ့် အလားအလာ ကုန်ဆုံးသွားတဲ့ အထိ မက္ကဆီကို စစ်တပ်နဲ့ ရဲတပ်ဖွဲ့ဝင်တွေက ဆက်လက်ကြိုးပမ်းသွားမယ်လို့ ပြည်ထဲရေး ၀န်ကြီး မန်နျူရယ်လ်အိုဆေးရိုးချွန်းက ဆိုပါတယ်။

အင်္ဂါနေ့က ငလျင်လှုပ်ခတ်ပြီး မကြာခင်မှာဘဲ ရှာဖွေကယ်ဆယ်ရေး လုပ်ငန်းတွေမှာ အရပ်သားတွေလည်း ပါဝင်ကူညီခဲ့ကြပါတယ်။ ငလျင်ရဲ့ ဗဟိုက မက္ကဆီကိုစီးတီး မြို့တော်ရဲ့ တောင်ဘက် ၁၂၃ ကီလိုမီတာမှာ ရှိတဲ့ ပွာဘလာ ကို ဗဟိုပြုခဲ့တာ ဖြစ်ပါတယ်။

မက္ကဆီကို သမ္မတ Enrique Nieto က အပြိုအပျက်တွေ အောက်က ပိတ်မိနေဆဲ လူတွေ ရှိနေတယ်။ ဒီလူတွေရဲ့ အသက်ကို ကယ်နိုင်ဖို့ အတွက် မိနစ်တိုင်း အရေးကြီးနေတယ်။ ဒါဟာ တိုင်းပြည်ရဲ့ ထိပ်တန်း ဦးစားပေး ဖြစ်တယ်လို့ ဆိုပြီး သေဆုံးသူတွေ အတွက် ၀မ်းနည်းမှု အထိမ်းအမှတ် သုံးရက်ကြေညာထားပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ