ပလောက်မြို့၊ ညောင်ရှင်ကုန်းကျေးရွာ၌ နေအိမ်တစ်လုံး မီးလောင်မှုဖြစ်ပွား


ပလောက် စက်တင်ဘာ ၂၅

တနင်္သာရီတိုင်းဒေသကြီး၊ မြိတ်ခရိုင်၊ ပလောက်မြို့၊ ကျောက်လုံးကြီးကျေးရွာအုပ်စု၊ ညောင်ရှင်ကုန်း ကျေးရွာ နေထိုင်သူ ဒေါ်စန်းမူ အသက်(၄၈နှစ်)သည် စက်တင်ဘာလ ၂၅ ရက်နေ့ နံနက် ၇ နာရီ ၃၀မိနစ်တွင် မီးသွေးမီးဖိုဖြင့် ထမင်းဟင်းချက်ရာ အနီးရှိဂက်(စ်)အိုးမှ မီးသွေးမီးဖို၏ အပူရှိန်ကြောင့် ဂက်(စ်)ပိုက်ပေါက် ထွက်ပြီး အနီးရှိ ပစ္စည်းများသို့ မီးလောင်ကျွမ်းခြင်းဖြစ်ကြောင်း သိရသည်။

မီးလောင်မှု ဖြစ်ပွားရာသို့ ပလောက်မြို့အထွေထွေအုပ်ချုပ်ရေးဦးစီးဌာနမှ မြို့အုပ်ချုပ်ရေးမှူး၊ ပလောက် နယ်မြေရဲစခန်းမှူး၊ သန္ဓေမီးသတ်တပ်ဖွဲ့ဝင်များနှင့်အရန်မီးသတ်တပ်ဖွဲ့ဝင်များ ဒေသခံ ရွာသူ/ရွာသားများ ပူးပေါင်း၍ မီးငြှိမ်းသတ်ယာဉ်တစ်စီးဖြင့် ၀ိုင်းဝန်းစုပေါင်းမီးငြှိမ်းသတ်ရာ နံနက် ၈ နာရီ ၁၅ မိနစ်တွင် မီးငြှိမ်းသွားကြောင်း သိရသည်။

မီးလောင်မှုဖြစ်စဉ်တွင် ယင်းအိမ်၌ ရောင်းချရန် ကုန်ခြောက်ပစ္စည်းများနှင့် အုတ်ညှပ်တစ်ထပ်တိုက် သွပ်အမိုးများ မီးလောင်ဆုံးရှုံးခဲ့ပြီး လူထိခိုက်ဒဏ်ရာရရှိမှုမရှိကြောင်း မီးကိုပေါ့ဆစွာသုံးစွဲသူ ဒေါ်စန်းမူအား ပလောက်မြို့နယ်မြေရဲစခန်းက အမှုဖွင့်စစ်ဆေးအရေးယူ ဆောင်ရွက်လျက်ရှိကြောင်း သိရသည်။

နိုင်ဦး(ပြန်/ဆက်)
Myanmaalinn
https://www.facebook.com/MYANMAALINNNEWS/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ