ထရန့် မိန့်ခွန်းက ခွေးဟောင်သံနဲ့တူလို့ မြောက်ကိုးရီးယားပြော

 မြောက်ကိုးရီးယားဟာ တာဝေးပစ်ဒုံးကျည်တွေနဲ့ သူ့ရဲ့ နျူးကလီးယား အစီအစဉ်တွေကို လျင်မြင်စွာ ပြုလုပ်လာနိုင်နေတယ်လို့ ပြောကြပါတယ်
အမေရိကန်သမ္မတ ဒေါ်နယ်ထရန့်ရဲ့ ကုလသမဂ္ဂမှာ ပြောဆိုခဲ့တဲ့ မိန့်ခွန်းဟာ ခွေးဟောင်သံနဲ့တူတယ်လို့ မြောက်ကိုးရီးယား ထိပ်တန်း သံတမန်တဦးက ပြောပါတယ်။

ပြီးခဲ့တဲ့ ဗုဒ္ဓဟူးနေ့က ကုလသမဂ္ဂမှာ ပြောဆိုခဲ့တဲ့ ထရန့်ရဲ့ မိန့်ခွန်းမှာ မြောက်ကိုးရီးယားအနေနဲ့ အမေရိကန်နဲ့ သူ့ရဲ့ မဟာမိတ်တွေကို စိုးရိမ်ဖွယ်ရာ ခြိမ်းခြောက်မှုတွေ လုပ်ခဲ့မယ်ဆိုရင် အကုန်လုံးပျက်စီးအောင် တုံ့ပြန်ရလိမ့်မယ်လို့ ပြောခဲ့တာပါ။

မြောက်ကိုးရီးယား နိုင်ငံခြားရေးဝန်ကြီး ရီယောင်ဟိုရဲ့ တုံ့ပြန်မှုဟာ ထရန့်ရဲ့ မိန့်ခွန်းပြောဆိုမှုအပြီး ပထမဆုံး တုံ့ပြန်တဲ့ မြောက်ကိုးရီးယားရဲ့ တုံ့ပြန်မှုလည်းဖြစ်ပါတယ်။ ကုလသမဂ္ဂရဲ့ ပိတ်ဆို့ထားမှုတွေကို အာခံပြီး မြောက်ကိုးရီးယားအနေနဲ့ သူ့ရဲ့ နျူကလီးယားနဲ့ လက်နက်စမ်းသပ်မှုတွေကို ဆက်လက်လုပ်ဆောင်သွား ဦးမှာဖြစ်ပါတယ်။

ဆိုရိုးစကားရှိပါတယ် ခွေးကဟောင်နေတဲ့တိုင်အောင် စစ်ရေးပြချီတက်မှုတွေက ဆက်လုပ်နေတယ် ဆိုတဲ့အတိုင်းပါပဲလို့ မစ္စတာရီက ကုလသမဂ္ဂ အဆောက်အအုံမှာ သတင်းထောက်တွေကို ပြောပါတယ်။

ဒုံးပျံသမားဟာ သူ့ရဲ့စီမံကိန်းတွေကြောင့် သူ့ဘဝနဲ့ သူ့အစိုးရကို ကိုယ့်ကိုကိုယ်သတ်သေစေပါလိမ့်မယ်လို့ မြောက်ကိုးရီးယား ခေါင်းဆောင် ကင်ဂျုံအမ်နဲ့ ပတ်သက်လို့ ဒေါ်နယ်ထရန့်က ပြောခဲ့ပါတယ်။

လေ့လာသူတွေကတော့ မြောက်ကိုးရီးယားဟာ တာဝေးပစ်ဒုံးကျည်တွေနဲ့ သူ့ရဲ့ နျူးကလီးယား အစီအစဉ်တွေကို လျင်မြင်စွာ ပြုလုပ်လာနိုင်နေတယ်လို့ ပြောကြပါတယ်။

စက်တင်ဘာလ ၃ ရက်နေ့ကတော့ မြောက်ကိုးရီးယားဟာ သူ့ရဲ့ ၆ ကြိမ်မြောက်နဲ့ အကြီးမားဆုံး နျူးကလီးယား စမ်းသပ်မှုကို ကြေငြာခဲ့ပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ