သေဆုံးသူ ၁၇ ဦး ရုပ်အလောင်းကို ထပ်မံတွေ့ရှိ

မောင်တောမြို့နယ် ရဲဘော်ကျကျေးရွာ အနောက်မြောက်ဘက်မှာ မြှုပ်နှံထားတဲ့ ဟိန္ဒူဘာသာဝင်တွေရဲ့ အလောင်းတွေကို စက်တင်ဘာလ ၂၄ ရက်နေ့က တွေ့ရှိစဉ်။ Photo: Information Committee's Facebook
ရခိုင်ပြည်နယ် မောင်တောမြို့နယ် ရဲဘော်ကျကျေးရွာအနီးမှာ ရုပ်အလောင်း ၁၇ခုကို ဒီနေ့ ထပ်မံတွေ့ရှိထားတယ်လို့ အဲဒီနေရာကို ရောက်ရှိနေတဲ့ ဟိန္ဒူဘာသာဝင် ကူညီရေးခေါင်းဆောင် ဦးနီမော်လ်က ပြောပါတယ်။

မနေ့ကတွေ့ရှိတဲ့နေရာနဲ့ ပေ ၁၀၀၀ လောက်အကွာမှာရှိတဲ့ မြေကျင်း ၂ ခုကနေ ထပ်တွေ့တာဖြစ်ပြီး အားလုံးက အမျိုးသား ရုပ်အလောင်းတွေ ဖြစ်တယ်လို့ အဲဒီနေရာကို သွားရောက်ခဲ့တဲ့ ဟိန္ဒူဘာသာ ဝင်ကူညီရေး ခေါင်းဆောင် ဦးနီမောလ် က ပြောပါတယ်။

" ဒီနေ့သွားကြည့်တဲ့အခါကျတော့ မနေ့ကရတဲ့ကျင်းကနေ ပေ ၁၀၀၀ လောက်အကွာအဝေးရှိတယ်၊ အဲဒီမှာ ကျင်း ၂ ကျင်းတွေ့ရတာကတော့ တစ်ကျင်းမှာ ၁၄ လောင်း၊ တစ်ကျင်းမှာ ၃ လောင်း ၁၇ လောင်းရတယ်၊ အားလုံးကအမျိုးသားပဲ၊ အမျိုးသမီးမပါတော့ဘူးဗျ"

ရဲဘော်ကျကျေးရွာ အနောက်မြောက်ဘက် မီတာ ၁၂၀၀ အကွာက မြေကျင်း ၂ ကျင်းကနေ မနေ့က  လူသေအလောင်း ၂၈ လောင်းကို တွေ့ရှိခဲ့တာကြောင့် စုစုပေါင်း ၄၅ လောင်းတွေ့ထားပြီ ဖြစ်ပါတယ်။

အဲဒီအလောင်းတွေတွေ့ရှိတဲ့နေရာကို ပြည်ထောင်စုဝန်ကြီး ဒေါက်တာဝင်းမြတ်အေး၊ ရခိုင်​ပြည်​နယ်​ ဝန်​ကြီးချုပ်​ ဦးညီပု၊ လုံခြုံ​ရေးနဲ့ နယ်​စပ်​​ဒေသ​ရေးရာဝန်​ကြီး ဗိုလ်​မှူးကြီး ဖုန်းတင့်​၊ လူမှု​ရေးဝန်​ကြီး ​ဒေါက်​တာချမ်းသာနဲ့ တာဝန်​ရှိသူတွေ ဒီကနေ့ သွားရောက်လေ့လာရာမှာ ဦးနီမောလ် လည်း လိုက်ပါသွားခဲ့ တာ ဖြစ်ပါတယ်။

ARSA အစွန်းရောက် အကြမ်းဖက်သမားတွေကြောင့် စစ်တွေမြို့ကို ထွက်ပြေးရောက်ရှိနေတဲ့ မောင်တောလေးမိုင်က ဟိန္ဒူဘာသာဝင် ဦးနီမောလ် ဆီကို တစ်ဖက်နိုင်ငံမှာ ရောက်ရှိနေတဲ့ ရဲဘော်ကျကျေးရွာဒေသခံတစ်ဦးက ဖုန်းနဲ့ဆက်သွယ် ပြောကြားချက်အရ သြဂုတ်လ ၂၅ ရက်နေ့က ARSA အစွန်းရောက် အကြမ်းဖက်သမား ၃၀၀ ခန့်ဟာ ရဲဘော်ကျကျေးရွာမှာရှိတဲ့ အမျိုးသား၊ အမျိုးသမီး အယောက် ၁၀၀ ခန့်ကို ဖမ်းဆီးခေါ်ဆောင်သွားခဲ့တယ်လို့ သတင်းထုတ်ပြန်ရေး ကော်မတီက မနေ့က ထုတ်ပြန်ထားပါတယ်။

ရွာရဲ့အနောက်ဘက် မီတာ ၁၀၀၀ ခန့်အကွာကို ရောက်တဲ့အခါမှာ အမျိုးသား၊ အမျိုးသမီးတွေကို သတ်ဖြတ်ပြီး အမျိုးသမီး ၈ ဦးကို အစ္စလာမ်ဘာသာထဲ ၀င်ခိုင်းခဲ့ကာ ဘင်္ဂလားဒေ့ရ်ှနိုင်ငံထံ ခေါ်ဆောင်သွားခဲ့တယ်လို့လည်း အဲဒီဒေသခံတစ်ဦးရဲ့ဦးနီမောလ်ဆီ ဆက်သွယ်ပြောကြားချက်အရ သိရကြောင်းလည်း ထုတ်ပြန်ထားပါတယ်။

အဲဒီအချက်အလက်တွေအရ ဦးနီမောလ်နဲ့ သက်ဆိုင်ရာ ပူးပေါင်းအဖွဲ့တွေက ရဲဘော်ကျကျေးရွာသို့ မနေ့က သွားရောက်ရှာဖွေခဲ့တာ ဖြစ်ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ