မြန်မာ-ဘင်္ဂလားဒေ့ရ်ှနယ်စပ်မှာ မြေမြှုပ်မိုင်းချထားမှု ဆန့်ကျင်ကန့်ကွက်


မြန်မာနဲ့ ဘင်္ဂလားဒေ့ရ်ှနယ်စပ်တလျာက်မှာ မြေမြှုပ်မိုင်းတွေချထားတဲ့အပေါ် ဆန့်ကျင်ကန့်ကွက်ကြောင်း ဘင်္ဂလားဒေ့ရှ် နိုင်ငံခြားရေးဝန်ကြီးရုံးက မြန်မာသံအမတ်ကြီးကို ဆင့်ခေါ် ပြောဆိုခဲ့ကြောင်း AFP သတင်းက ဖေါ်ပြပါတယ်။

အခုရက်ပိုင်းအတွင်း ရခိုင်ပြည်နယ်က ပဋိပက္ခတွေကြောင့် ဘင်္ဂလားဒေ့ရ်ှနိုင်ငံတွင်းကို ဒုက္ခသည်တွေ အလုံးအရင်းနဲ့ ဝင်ရောက်လာနေတာကို တားဆီးဖို့ဘင်္ဂလားဒေ့ရှ် နိုင်ငံခြားရေးဝန်ကြီးရုံးက မြန်မာသံအမတ်ကြီးကို ပထမအကြိမ်ဆင့်ခေါ်ပြောဆိုခဲ့ပြီး၊ အခု ဒုတိယအကြိမ် ဆင့်ခေါ်ခဲ့တာဖြစ်ပါတယ်။ နယ်စပ်အနီး မြေမြှုပ်မိုင်းတွေချထားတဲ့အပေါ် အထူးစိုးရိမ်ကြောင်းပြောဆိုခဲ့တယ်လို့လည်း ဘင်္ဂလားဒေ့ရှ် နိုင်ငံခြားရေးဝန်ကြီးရုံးက ကြေညာချက်ထုတ်ပြန်ပါတယ်။

ဒီသီတင်းပတ်အတွင်း နယ်စပ်မှာ ပြင်းထန်တဲ့ ပေါက်ကွဲသံတွေကြားခဲ့ရပြီးတဲ့နောက်၊ ထွက်ပြေးလာတဲ့ ဒုက္ခသည်တွေ ထိခိုက်ဒဏ်ရာရခဲ့ကြတာတွေရကြောင်း၊ အမျိုးသမီးတဦး ခြေနှစ်ဖက်ပြတ်တောက်သွားခဲ့လို့ ဆေးရုံတင်ကုသပေးနေကြောင်း၊ ဒုက္ခသည်တွေ နေရပ်မပြန်နိုင်အောင် မြေမြှုပ်ဗုံးတွေချထားတာလို့ ဘင်္ဂလာေးဒ့ရှိ်အစိုးရက ယုံကြည်နေကြောင်း ဘင်္ဂလားဒေ့ရ်ှနယ်ခြားစောင့်တပ်ဖွဲ့ အကြီးတန်းအရာရှိတဦးက ပြောဆိုတယ်လို့လည်း ဖေါ်ပြပါတယ်။

ဒီကိစ္စနဲ့ပတ်သက်ပြီး မြန်မာဘက်က တစ်စုံတရာ မတုန့်ပြန်ကြောင်းလည်း သတင်းမှာ ဖေါ်ပြပါတယ်။

ဒီအတွင်း အမေရိကန် အောက်လွှတ်တော် ဒီမိုကရက်အမတ်များအဖွဲ့ ဥက္ကဌ Joe Crowley က အလွန်တရာ စိုးရိမ်ဖွယ်ရာဖြစ်နေတဲ့ မြန်မာနိုင်ငံ ရခိုင်ပြည်နယ် ပဋိပက္ခတွေနဲ့ ပတ်သက်ပြီး အမေရိကန်အစိုးရအနေနဲ့ တည်ငြိမ်အေးချမ်းမှုတွေရရှိဖို့၊ ဒုက္ခသည်တွေကို မြန်မာ့အိမ်နီးချင်းနိုင်ငံတွေက လက်ခံပေးဖို့နဲ့ ကာကွယ်စောင့်ရှောက်ပေးဖို့ အတတ်နိုင်ဆုံးဆောင်ရွက်ပေးသင့်ကြောင်း၊ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်အနေနဲ့လည်း တိုက်ခိုက်မှုတွေကို တုန့်ပြန်ရာမှာ နှစ်ဖက်အသိုင်းအ၀ိုင်းကို အတတ်နိုင်ဆုံး အထိအခိုက်နည်းအောင် ဆောင်ရွက်သင့်ပါကြောင်း ကြေညာချက်ထုတ်ပြန် တိုက်တွန်းလိုက်ပါတယ်။

RFA Burmese
https://www.facebook.com/rfaburmese/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ