ကလေးမြို့မှာ ရေဘေးဒုက္ခသည် တစ်သောင်းကျော်ရှိလာ

စစ်ကိုင်းတိုင်းဒေသကြီး ကလေးမြို့မှာ ရေကြီးနေတာကို တွေ့ရစဉ်။ Photo: Chit Zaw Oo facebook
စစ်ကိုင်းတိုင်းဒေသကြီး ကလေးမြို့နယ်နဲ့ ကလေးဝမြို့နယ်တွေမှာ မြစ်သာမြစ်ရေ မြင့်တက်တာကြောင့် ကလေးမြို့က ကယ်ဆယ်ရေးစခန်းတွေကို ပြောင်းရွှေ့လာသူအရေအတွက်ဟာ မနေ့ကအထိ ၁ သောင်းကျော် ရှိနေပြီလို့ တိုင်းဒေသကြီး ကယ်ဆယ်ရေးနဲ့ ပြန်လည်နေရာချထားရေးဦးစီးဌာနက ပြောပါတယ်။

ဒီနေ့မှာတော့ မြစ်ရေပြန်ကျနေတာကြောင့် ကယ်ဆယ်ရေးစခန်းတွေကို ထပ်ပြီး ပြောင်းရွှေ့လာသူတွေ မရှိကြောင်းနဲ့ တချို့လမ်းပိုင်းတွေက လက်ရှိအချိန်အထိ သွားလာလို့ မရသေးဘူးလို့ စစ်ကိုင်းတိုင်းဒေသကြီး ကယ်ဆယ်ရေးနဲ့ ပြန်လည်နေရာချထားရေးဦးစီးဌာန ဦးစီးမှူး ဦးစ၀ီလီဖရန့်က ပြောပါတယ်။

"လူဦးရေက အခုဆိုရင် ၁ သောင်းကျော်ကျော်ပေါ့။ ၁ သောင်း ၁ ရာ ကျော်လောက်တော့ ရှိတယ်ဗျ၊ မနေ့ကအထိပေါ့။ အခုကတော့ ၃ ပေလောက်အထိ ကျသွားပြီဗျ၊ အခုအနေထားက အခုလောလော ဆယ်တော့ မုံရွာကနေ ကလေးအထိတော့ သွားလို့ရပါပြီ။ လောလောဆယ် တမူးအထိကတော့ မရသေး ဘူး။ မနက်ဖြန်လောက်ဆိုရင်တော့ သွားလို့ရမယ့် အနေထားရှိပါတယ်"

ကလေးမြို့နယ်နဲ့ ကလေးဝမြို့နယ်တွေက ကျေးရွာ ၂၂ ခုမှာ ရေလွှမ်းမိုးနေတာဖြစ်ပြီး ကလေးမြို့မှာ ကယ်ဆယ်ရေးစခန်း ၁၇ ခု ဖွင့်လှစ်ထားပြီး ဖြစ်ပါတယ်။ ရေဘေးသင့်ပြည်သူတွေရဲ့ စားဝတ်နေရေးကို လက်ရှိအချိန်မှာ ကယ်ဆယ်ရေးနဲ့ပြန်လည်နေရာချထားရေးဦးစီးဌာနက ထောက်ပံ့နေတယ်လို့ သိရပါတယ်။

မြစ်သာမြစ်ရေဟာ ဒီကနေ့မှာ ကလေးမြို့ရဲ့ စိုးရိမ်ရေမှတ်ကို ၃ ပေခွဲလောက် ကျော်နေပြီး နောက် ၁ ရက်အတွင်း စိုးရိမ်ရေမှတ်အောက်ကို ကျဆင်းနိုင်တယ်လို့ မိုးလေ၀သနဲ့ ဇလဗေဒ ညွှန်ကြားမှုဦးစီးဌာနက ထုတ်ပြန်ထားပါတယ်။

ချင်းတွင်းမြစ်ရေဟာလည်း မင်းကင်းမြို့မှာ ပေ၀က်လောက်၊ မုံရွာမြို့မှာ ၁ လက်မလောက်အထိ စိုးရိမ်ရေမှတ်ကို ကျော်လွန်နေပြီး နောက် ၂ ရက်အတွင်း ရေပြန်ကျနိုင်တယ်လို့ မိုးဇလက ခန့်မှန်းထားပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ