ဥပဒေ အရ လူမျိုးရေး ရှင်းလင်းမှု ဝေါဟာရက ဘာဆိုလိုလဲ

 လေးရက် ခြေကျင် လျှောက်ပြီး ဘင်္ဂလားဒေ့၇ှ်ဘက် ရောက်လာသူ
ရခိုင်ပြည်နယ် မြောက်ပိုင်းက ပဋိပက္ခတွေ အတွင်း မြန်မာအစိုးရက ရိုဟင်ဂျာတွေ အပေါ် တိုက်ခိုက်မှုဟာ Ethnic Cleasing လူမျိုးရေး ရှင်းလင်းမှု ပုံစံမျိုး ဖြစ်နေတယ်လို့ ကုလသမဂ္ဂ လူ့အခွင့်အရေး ကောင်စီ အကြီးအကဲက ပြောဆို ခဲ့ပါတယ်။

ပဋိပက္ခဖြစ်နေတဲ့ နေရာတွေကို ကုလသမဂ္ဂ စုံစမ်း စစ်ဆေးရေးမှူးတွေ ဝင်ရောက်ခွင့် မရတဲ့အတွက် အဲဒီက အခြေအနေတွေကို သေသေချာချာ အကဲဖြတ်လို့ မရနိုင်သေးပေမယ့် ရိုဟင်ဂျာ မွတ်ဆလင်တွေအပေါ် လူမျိုးရေး ရှင်းလင်းမှု ဖြစ်နိုင်တယ်လို့ ဆိုပါတယ်။

ဒီတော့ Ethnic Cleasing လူမျိုးရေး ရှင်းလင်းမှုဆိုတာ ဥပဒေပညာအရ ဘာကို ဆိုလိုတာလဲ၊ အခုဖြစ်နေတာဟာ ဘယ်လို အနေအထားမျိုး အဖြစ် သုံးသပ် နိုင်သလဲ ဆိုတာကို လန်ဒန် Queen Mary တက္ကသိုလ်က ဥပဒေနဲ့ ကမ္ဘာလွှမ်းခြုံမှုဆိုင်ရာ ပါမောက္ခ လည်းဖြစ်၊ International State Crime Initiative ရဲ့ ဒါရိုက်တာလည်း ဖြစ်တဲ့ ပါမောက္ခ Penny Green ကို ဘီဘီစီက မေးမြန်းထားပါတယ်။

ဘီဘီစီ ။ ။ Ethnic Cleasing လူမျိုးရေး ရှင်းလင်းမှုဆိုတာ ဥပဒေပညာအရ ဘာကို ဆိုလိုတာလဲ ။

Penny Green ။ ။ Ethnic Cleasing လူမျိုးရေး ရှင်းလင်းမှု ဆိုတာ ဥပဒေအသုံးအနှုံး မဟုတ်ပါဘူး။ လူမျိုးရေးအခြေခံနဲ့ လူမျိုးနွယ်စု တခုခုကို ဖယ်ရှားပစ်ဖို့ စီစဉ်ကြိုးစားတာကို ယူဆ ပြောဆိုကြတဲ့ အသုံးအနှုံးပဲ ဖြစ်ပါတယ်။

ဒါနဲ့ ပတ်သက်တဲ့ ဥပဒေလည်း မရှိသလို ဥပဒေကြောင်းအရ ပြောဆို ဆွေးနွေးတာမျိုးလည်း မရှိပါဘူး။ Genocide လူမျိုးတုံး သတ်ဖြတ်မှု ဆိုတာအတွက်သာ ဥပဒေရှိပြီး ဒီဥပဒေကို နိုင်ငံတကာ လူမျိုးတုံး သတ်ဖြတ်မှုဆိုင်ရာ ပဋိဉာဉ် အရ ဖော်ဆောင် ပြဌာန်း ခဲ့တာ ဖြစ်ပါတယ်။

ဒီတော့ ကျမတို့ လုပ်ထားတဲ့ လေ့လာမှုတွေအရ ရိုဟင်ဂျာတွေအပေါ် မြန်မာအစိုးရရဲ့ ပြုမှုနေပုံတွေဟာ ကျမတို့အမြင်အရ Genocide လူမျိုးတုံး သတ်ဖြတ်မှု ဖြစ်ပါတယ်။

ဘီဘီစီ။ ။ ဘယ်လို အထောက်အထားတွေနဲ့ ဒီလို Genocide လူမျိုးတုံး သတ်ဖြတ်မှုလို့ ပြောရတာလဲ။

Penny Green ။ ။ Genocide လူမျိုးတုံး သတ်ဖြတ်မှုဆိုတာ အခုချက်ခြင်း လူအများအပြားကို အကြမ်းဖက် သတ်ဖြတ်တာမျိုးကိုချည်း ရည်ညွှန်းတာ မဟုတ်ပါဘူး။ စီစဉ် ဆောင်ရွက်မှုတခုရဲ့ နောက်ဆုံး ရလာဒ်လည်း ဖြစ်နိုင်ပါတယ်။

ဆိုလိုတာက လူမျိုးတုံး သတ်ဖြတ်မှုဆိုတာ လူမျိုးစုတစုစု အပေါ် ပစ်မှတ်ထား ပြီး လူ့ခွင့်အရေး ချိုးဖေါက်တာမျိုးတွေနဲ့ အစပြုလို့ ဖိနှိပ်မှုတွေ နဲ့ တဖြေးတဖြေး အကြမ်းဖက်တဲ့အထိ စီစဉ် လုပ်ဆောင်တဲ့ လုပ်ငန်းစဉ်တခုလည်း ဖြစ်နိုင်ပါတယ်။

လူမျိုးစုတခုကို တနေရာတည်းမှာ သီးခြားထားတာ ၊ စခန်းဖွင့်ပြီး ထားတာမျိုးပေါ့၊ ၂၀၁၂ခု ရိုဟင်ဂျာတွေ အကြမ်းဖက် တိုက်ခိုက် ခံခဲ့ရချိန်က လုံခြုံရေး တပ်ဖွဲ့တွေက အကာအကွယ် မပေးပဲ ကြည့်နေခဲ့တာတွေ ၊ ဒီနောက် စခန်းသွင်း ထားခဲ့တာတွေ ၊ ကန့်သတ် ခံရတာတွေ ရှိနေခဲ့ပါတယ်။

၂၀၁၆ မှာလည်း အလားတူဖြစ်ခဲ့တယ်။ အခုလောလောဆယ်မှာလည်း လုံခြုံရေး တပ်ဖွဲ့ဝင်တွေ ရခိုင်အမျိုးသားရေးဝါဒီတွေရဲ့ အကူအညီနဲ့ အစိုးရက ဒီအတိုင်း လုပ်နေတာတွေ့ရပါတယ်။

ဒီအတွက် ဘင်္ဂလားဒေ့ရ်ှကို သိန်းချီ ထွက်ပြေးနေကြတယ်။ ဒီတော့ လူမျိုးတုံး သတ်ဖြတ်မှုဆိုတာ လူတွေကို အစုလိုက်အပြုံလိုက် သတ်ဖြတ်တာမျိုး ဖြစ်နိုင်သလို … အခုဖြစ်နေတဲ့ ရိုဟင်ဂျာတွေကို မနေနိုင်အောင် မောင်းထုတ်တာမျိုးလည်း ဖြစ်နိုင်ပါတယ်။

ဘင်္ဂလားဒေ့ရ်ှဘက် ရောက်လာတာ ၃ သိန်း ကျော် နေပြီ
ဘီဘီစီ။ ။ နာဇီတွေက ဂျူးတွေကို သုတ်သင်တာကို လူမျိုးတုံး သတ်ဖြတ်မှု လူအများက လက်ခံကြပေမယ့် အခုဖြစ်နေတဲ့ အပေါ် လူမျိုးတုံး သတ်ဖြတ်မှုလို့ စွပ်စွဲတာက မပြင်းထန်လွန်ဘူးလား။

Penny Green ။ ။ ဟုတ်တယ်၊ ဒီအသုံးအနှုံးက ပြင်းထန်ပါတယ်။ တကယ်လည်းဖြစ်နေလို့ သုံးတာပါ။ ကျမတို့ In ternational State Crime Initiative က ၂၀၁၅ မှာ ရခိုင်ပြည်နယ်က လူမျိုးစုံ လူ ၂၀၀ လောက်ကို မေးမြန်းပြီး ထုတ်ခဲ့တဲ့ အစီရင်ခံစာမှာ ကတည်းက ရိုဟင်ဂျာတွေ အပေါ် အစီအစဉ်ရှိရှိနဲ့ လူမျိုးတုံးအောင် လုပ်နေတယ်လို့ ဖေါ်ပြခဲ့ပါတယ်။

ဒီတော့ အခုကျမတို့ တွေ့နေရတာက အဲဒီအစီအစဉ်ရဲ့ နောက်ဆုံးပိုင်းဖြစ်ပါတယ်။ ဒါကြောင့် လူမျိုးတုံး သတ်ဖြတ်မှုလို့ စွပ်စွဲတာဟာ ပြင်းထန်တယ်လို့ မယူဆပါဘူး။

ဘီဘီစီ။ ။ အခု လူမျိုးတုံး သတ်ဖြတ်မှုလို့ စွပ်စွဲထားပြီဆိုတော့ ဘယ်လို ဆက်လုပ်မှာလဲ၊ နိုင်ငံတကာ ခုံရုံးတင်တာမျိုး ဥပဒေကြောင်းအရ လုပ်ဆောင်မှာလား။

Penny Green ။ ။ နိုင်ငံတကာ ဥပဒေနဲ့တော့ အစိုးရကို လူမျိုးတုံး သတ်ဖြတ်မှုနဲ့ အရေးယူဖို့ ဆိုတာက ခက်ခဲပြီး ဖြစ်နိုင်မယ်မထင်ဘူး။ ဒါပေမယ့် မြန်မာနိုင်ငံက ရိုဟင်ဂျာ၊ ကချင်နဲ့ တခြား တိုင်းရင်းသားတွေ အပေါ် အစိုးရက ကျူးလွန်တဲ့ ရာဇဝတ်မှုတွေနဲ့ ပတ်သက်လို့ People Tribunal ပြည်သူ့ခုံရုံးဆိုတာ ဒီနှစ် အစောပိုင်းက ကျမတို့ ဖွဲ့စည်းပြီး ကြားနာ စစ်ဆေးနေပါတယ်။ နောက်ဆုံးကြားနာတာကို ဒီလ နှောင်းပိုင်းလုပ်မှာပါ။ ဒါက ဥပဒေကြောင်း အရ မဟုတ်ပဲ မြန်မာနိုင်ငံမှာ ဘာဖြစ်နေသလဲဆိုတာ ကမ္ဘာက သိအောင် လုပ်တာပဲ ဖြစ်ပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ