တရားမ၀င် ပိတောက်သစ်များ သယ်ဆောင်လာသည့် ဘုန်းကြီးကျောင်း စာတမ်းပါ ကားတစ်စီး လမ်းဘေးသစ်ပင်တိုက်


မုံရွာ၊ စက်တင်ဘာ ၁၅

ဘုန်းကြီးကျောင်း စာတမ်းအမှတ်အသားများ တပ်ဆင်ကပ်ထားသည့် မှန်လုံကားတစ်စီးသည် စက်တင်ဘာလ ၁၅ ရက် ညနေ ၃ နာရီခွဲအချိန်က မုံရွာမြို့ ကန်သာဦးရပ်ကွက်နှင့် ရတနာပုံရပ်ကွက်အကြား သပြေပင်တောရကျောင်းလမ်းနှင့် မြနန္ဒာလမ်းဆုံ၏ တောင်ဘက်အနီးရှိ လမ်းဘေးသစ်ပင်အား ၀င်ရောက်တိုက်မိရာ ယာဉ်မောင်းသူမှာ ထွက်ပြေးတိမ်းရှောင်သွားကြောင်း မုံရွာနယ်မြေရဲစခန်းမှူး ရဲအုပ် ရဲအောင်ထံမှ သိရသည်။
“ .. အဲ့ဒီသစ်ကားရှေ့နောက်က ကားတစ်စီး လိုက်လာတဲ့အခါ သစ်ကားက အပြေးမောင်းရင်း အရှိန်မထိန်းနိုင်ဘဲ လမ်းဘေးသစ်ပင်ကို ၀င်တိုက်မိတာဖြစ်တယ် .. ယာဉ်မောင်းက ချက်ချင်းဘဲ ကားပေါ်က ခုန်ချထွက်ပြေးသွားတာပါ.. “ ယင်း နေရာသို့ရောက်ရှိနေသည့် လာရောက်ကြည့်ရှု့နေသူတစ်ဦးက ပြောသည်။


အဆိုပါ သစ်ကားပေါ်တွင် တင်ဆောင်လာသည့် သစ်များမှာ ပိတောက်သစ် လေးထောင့်တုံး(၁၆)တုံးဖြစ်ပြီး ၎င်းသစ်များမှာ တရားမ၀င်သယ်ဆောင်လာသည့် သစ်များဖြစ်ကြောင်း သစ်တန်ချိန်များအား ဆက်လက်၍ တွက်ချက်တိုင်းတာသွားမည်ဖြစ်ကြောင်း သစ်တောရေးရာ ဘိနယ်တာဝန်ခံ ဦးနောင်နောင်ထံမှ သိရသည်။


ထို့အပြင် အဆိုပါ သစ်ကား၏ ရှေ့လေကာမှန်နှင့် နောက်လေကာမှန်များပေါ်တွင် “ ရွှေပုလဲကျောင်းတိုက် ကြာပင်လှကျေးရွာ.” ဟု စာတမ်းများပါရှိပြီး ယာဉ်အမှတ်မှာ YGN – 9G / 4127 စိမ်းပုတ်ရောင် စူပါချာဂျာ ယာဉ်အမျိုးအစားဖြစ်သည်။ ထို့ကြောင့် ယာဉ်ပတ်သက်သည့် သတင်းအချက်အလက်များကို စစ်ဆေးလျက်ရှိပြီး မုံရွာနယ်မြေရဲစခန်းမှ အမှုဖွင့်အရေးယူနိုင်ရန် ဆောင်ရွက်လျက်ရှိကြောင်း ကနဦးသိရှိရသည်။

ကိုတိုးကြီး
သတင်း + ဓာတ်ပုံ = ကိုတိုးကြီး

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ