ရခိုင်အရေး ဒေါ်အောင်ဆန်းစုကြည်ရဲ့ ဖြေရှင်းမှု အပေါ် ထောက်ခံပွဲ ကျင်းပ

ရခိုင်ပြည်နယ်အရေးနဲ့ ပတ်သက်ပြီး နိုင်​ငံ​တော်​အတိုင်​ပင်​ခံပုဂ္ဂိုလ်​​ ဒေါ်​အောင်​ဆန်းစုကြည်​ရဲ့ ကိုင်တွယ်ဖြေရှင်းမှု ထောက်ခံပွဲကို စက်တင်ဘာလ ၂၄ ရက်နေ့က ရန်ကုန်မြို့မဟာဗန္ဓုလပန်းခြံရှေ့မှာ ကျင်းပစဉ်။ Photo: Htet Arker/ RFA

ရခိုင်ပြည်နယ်အရေးနဲ့ ပတ်သက်ပြီး နိုင်​ငံ​တော်​အတိုင်​ပင်​ခံပုဂ္ဂိုလ်​​ ဒေါ်​အောင်​ဆန်းစုကြည်​ရဲ့ ကိုင်တွယ်ဖြေရှင်းမှု ထောက်ခံပွဲကို ရန်ကုန်မြို့မဟာဗန္ဓုလပန်းခြံရှေ့ မှာ ဒီနေ့ ပြုလုပ်ခဲ့ပါတယ်။

အတိုင်ပင်ခံပုဂ္ဂိုလ်က နိုင်ငံရဲ့အကျပ်အတည်းကို ဖြေရှင်းနေရတဲ့အချိန်မှာ ပြည်သူတွေက အတူရှိတယ်ဆိုတာကို ပြချင်လို့ ဒီပွဲကိုပြုလုပ်​တာဖြစ်​တယ်​လို့ ​ထောက်​ခံပွဲကို ဦး​ဆောင်​တဲ့ ကိုပိုင်ရဲသူက​ ပြောပါတယ်​။

ထောက်ခံပွဲမှာ အနုပညာရှင်တွေ၊ နိုင်ငံရေးသမားတွေ၊ ကျောင်းသားတွေ စုစုပေါင်း လူဦးရေ ၅၀၀ လောက် ပါဝင်ခဲ့ပြီး ပန်းရဲ့လမ်းတေးဂီတအဖွဲ့နဲ့ အနုပညာရှင်တွေက ငြိမ်းချမ်းရေးသီချင်းတွေနဲ့ သီဆိုဖျော်ဖြေခဲ့သလို ကဗျာဆရာတွေက ငြိမ်းချမ်းရေးကဗျာတွေ ရွတ်ခဲ့ပါတယ်။

အလားတူ NLD အစိုးရက ကိုင်တွယ်ဖြေရှင်းတာတွေကို ထောက်ခံတဲ့အကြောင်းနဲ့ အကြမ်းဖက်မှု တွေကို ကန့်ကွက်ကြောင်း ကိုရီးယားနိုင်ငံရောက် မြန်မာ အလုပ်သမား ၂ ထောင်လောက်က ကုလသမဂ္ဂရုံးရှေ့မှာ ဒီကနေ့ ဆန္ဒပြကြပါတယ်။

မြန်မာအစိုးရအနေနဲ့ လူ့အခွင့်အရေးကို အလေးထားဆောင်ရွက်တာတွေ၊ ဒေသတွင်း ငြိမ်းချမ်းရေး၊ တည်ငြိမ်ရေး၊ မတူကွဲပြားတဲ့ဘာသာဝင်တွေနဲ့ တိုင်းရင်းသားတွေအကြား သဟဇာတဖြစ်ကာ အတူနေနိုင်ရေးအတွက် ဆောင်ရွက်နေတာတွေကို အပြည့်အ၀ယုံကြည်တဲ့အကြောင်း ကိုရီးယားရောက် မြန်မာနိုင်ငံသားတွေက ထုတ်ပြန်ချက်ထုတ်ပြန်ပြီး တိုက်တွန်းပါတယ်။

မြန်မာပြည်ရဲ့ ဒီမိုကရေစီအသွင်ကူးပြောင်းရေး ကာလအတွင်းမှာ ရင်ဆိုင်နေရတဲ့ စိန်ခေါ်မှုတွေ၊ အကဲဆတ်တဲ့ အခြေအနေတွေကို မိတ်ဆွေကောင်းပီပီသသနဲ့ အတူလက်တွဲပြီး ကူညီပေးကြဖို့ ကုလသမဂ္ဂ၊ နိုင်ငံတကာအသိုင်းအ၀ိုင်းနဲ့ သက်ဆိုင်ရာအစိုးရတွေကိုလည်း မေတ္တာရပ်ခံတဲ့အကြောင်း အဲဒီထုတ်ပြန်ချက်မှာ ပါရှိပါတယ်။

RFA Burmese
http://www.rfa.org/burmese