ရေးမြို့နယ် အစင်ကျေးရွာအုပ်စုတွင် လှေလုပ်သားအချင်းချင်းလူသတ်မှုဖြစ်

လူသတ်တရားခံအဖြစ် ဖမ်းဆီးခံထားရသူ မောင်ထွန်းအေး(MNA)
ရေးမြို့နယ်၊ အစင်ကျေးရွာအုပ်စု၊ ဓမင်းကုန်းရပ်ကွက်၌ စက်တင်ဘာလ ၅ ရက်နေ့တွင် လှေလုပ်သားအချင်းချင်း စကားများရန်ဖြစ်ရာမှ လူသတ်မှုတစ်ခုဖြစ်ပွားရာ တရားခံအား ဖမ်းဆီးအရေးယူခဲ့ကြောင်း ရေးမြို့မ ရဲစခန်းမှူး ဒုရဲမှူးစိုးမွန်က ပြောသည်။

ရေလုပ်ငန်းရှင် ဒေါ်မီးငယ် ငါးဖမ်းစက်လှေတွင် စက်ဆရာနှင့် လှေလုပ်သားများ အလုပ်လုပ်နေကြစဉ် ပိုက်ဖာသည့်ကိစ္စဖြင့်စကားများကြပြီး ထွန်းအေးမှ ဆိတ်ဂျိုတူဖြင့် မောင်စိုး၏ဦးခေါင်းကိုရိုက်လိုက်သောကြောင့် ရေထဲသို့ပြုတ်ကျသွားပြီးနောက် အလောင်းအား ပြန်လည်ရှာဖွေတွေ့ရှိခဲ့ခြင်း ဖြစ်သည်။

အလောင်းအား ရေးမြို့ဆေးရုံကြီးစစ်ဆေးတွေ့ရှိချက်အရ မောင်စိုးမှာ ယာဘက်နားထင်သွေးထွက်ပေါက်ပြဲဒဏ်ရာဖြင့် သေဆုံးခဲ့သည်ဟု မှတ်ချက်ပြုခဲ့သည်ဟု ရဲမှတ်တမ်းအရ သိရသည်။

ရေးမြို့နယ်လူမှုအကျိုးဆောင်အဖွဲ့အတွင်းရေးမှူးဦးအောင်နိုင်ဝင်းက “သူတို့ရဲ့လုပ်ငန်းသဘာဝအရ ကြမ်းတမ်းတာလဲပါသလို ဒေသခံတွေမဟုတ်ဘဲ တစ်နိုင်ငံလုံးက လာတဲ့သူတွေဆိုတော့ တစ်ယောက်နဲ့တစ်ယောက် သံယောဇဉ်လည်းမရှိကြဘူး၊ ရောက်လာတဲ့ပုံစံတွေကလည်း မျိုးစုံပြီး
ကွဲပြားကြတယ်၊ ဒီဖြစ်စဉ်မျိုးတွေ ဖြစ်နေတာကို တစ်နည်းနည်းနဲ့ ကုစားဖြေရှင်းပေးနိုင်မှ ဖြစ်မယ်လို့တော့ မြင်တယ်၊ အဓိကကတော့ တရားဥပဒေစိုးမိုးရေးရှိဖို့ပေါ့ဗျာ ” ဟု မှတ်ချက်ပြုသည်။

အဆိုပါပြစ်မှုတွင် ဆိတ်ဂျိုတူဖြင့်ရိုက်ခဲ့သည့် ရခိုင်ပြည်နယ်၊ မြောက်ဦးမြို့မှ
တရားခံအဖြစ်ယူဆရသူ မောင်ထွန်းအေး (၃၆)နှစ်အား ရေးမြို့မရဲစခန်းက မမစ(ရေး) (ပ) ၂၁၆/၂၀၁၇၊ ရာဇသတ်ကြီးပုဒ်မ-၃၀၂ အရ ဖမ်းဆီးအရေးယူထားသည်ဟု သိရသည်။

“ရေးမြို့နယ်မှာဖြစ်တဲ့ သေမှုသေခင်းနဲ့ လူသတ်မှုအများစုက ရွှေ့ပြောင်းရေလုပ်သားတွေအများစုရှိတဲ့ အဘော်ကျားတန်းနဲ့ အစင်ကျေးရွာအုပ်စုအတွင်းမှာ အဖြစ်များတယ်၊ ပြောရလို့ရှိရင် ၆၀% ကျော်ကအဲဒီနေရာတွေမှာဖြစ်နေကြပဲ” ဟု ဦးအောင်နိုင်ဝင်းက မှတ်ချက်ပြုသည်။

ရေးမြို့နယ်၌ ၂၀၁၆ ခုနှစ်အတွင်း သေမှုသေခင်းနှင့် လူသတ်မှုပေါင်း ၆၉ ခုဖြစ်ပွားခဲ့ကြောင်း၊ သေမှုသေခင်းဖြစ်စဉ် ၅၈ ခုအနက် ပင်လယ်ပြင်တွင်ဖြစ်ပွားခဲ့သည့် သေမှုသေခင်းဖြစ်စဉ်ပေါင်း ၄၅ ခုပါဝင်ကြောင်း၊ လူသတ်မှုဖြစ်စဉ် ၁၁ ခုအနက် ပင်လယ်ပြင်တွင်ဖြစ်ပွားခဲ့သည့်ဖြစ်စဉ်ပေါင်း ၆ ခုပါဝင်ကြောင်း၊ လာမည့်ပွင့်လင်းရာသီတွင် ရေလုပ်ငန်းရှင်များ၊ ရေလုပ်သားများအား ပညာပေးဟောပြောမှုများ ဆောင်ရွက်ရန်ရှိကြောင်း ရေးမြို့နယ်ရဲတပ်ဖွဲ့မှူးရုံးမှ သိရသည်။

ရေးသားသူ: နိုင်သက်(ရေး)
မွန်သတင်းအေဂျင်စီ
http://burmese.monnews.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ