မောင်တော စီးပွားဇုန် နားလည်မှု စာချွန်လွှာ လက်မှတ်ထိုးဖို့ ရှိနေ

 မောင်တောနဲ့ ဘင်္ဂလားဒေ့ရ်ှကြား နယ်စပ် ကုန်သွယ်ရေး အားကောင်း
မောင်တောဒေသမှာ လုံခြုံရေး ဆိုင်ရာ မတည်ငြိမ်မှုတွေ၊ စိုးရိမ် ကြောင့်ကြမှုတွေ ရှိနေပေမယ့် အထူးစီးပွားရေးဇုန် တည်ဆောက်ဖို့ အခု စက်တင်ဘာ လကုန်ပိုင်းမှာ နားလည်မှု စာချွန်လွှာ လက်မှတ် ရေးထိုး လာနိုင်ဖွယ် ရှိပါတယ်။

ဧက တစ်ရာ အကျယ် သတ်မှတ်ထားတဲ့ ဒီ အထူး စီးပွားရေး ဇုန် ဖော်ဆောင်ဖို့ နဂိုမူလ ကတည်းက စီစဉ် ထားတာကို လက်တွေ့ အကောင်အထည် ဖော်မှာ ဖြစ်ပြီး၊ ပြည်နယ် အစိုးရနဲ့ နတ်မြစ်အလင်းတန်းလို့ ခေါ်တဲ့ ကုမ္ပဏီတို့ကြား လက်မှတ် ထိုးကြမှာ ဖြစ်ပါတယ်။

နတ်မြစ်အလင်းတန်း ကုမ္ပဏီဟာ အစုအဖွဲ့ ကုမ္ပဏီဖြစ်ပြီး နယ်မြေခံ ကုမ္ပဏီ သုံးခုနဲ့ ရန်ကုန် အခြေစိုက် ကုမ္ပဏီ တချို့လည်း ပါဝင်တယ်လို့ ဘီဘီစီ သတင်းထောက်က ဆိုပါတယ်။

တိုက်ပွဲတွေ ပေါ်ပေါက် လာခဲ့တဲ့ အတွက် လုံခြုံရေး ဆိုင်ရာ ထိခိုက် သွားရပေမယ့်၊ စီးပွားရေး အားဖြင့်တော့ မောင်တောဒေသနဲ့ ဘင်္ဂလားဒေ့ရ်ှကြား နယ်စပ် ကုန်သွယ်ရေး အားကောင်း နေတယ်လို့ ရခိုင်ပြည်နယ် ဘဏ္ဍာရေး အခွန် စီမံကိန်းနဲ့ စီးပွားရေး ဝန်ကြီး ဦးကျော်အေးသိန်းက ဘီဘီစီကို ပြောပါတယ်။

စီးပွားရေးဇုန်ရဲ့ လုံခြုံရေးကို စနစ်တကျ လုပ်ဆောင်သွားမယ်လို့လည်း ဝန်ကြီး ဦးကျော်အေးသိန်းက ဆိုပါတယ်။

မောင်တော နယ်စပ်ကုန်သွယ်ရေးဟာ အဓိကအားဖြင့် ဆန်နဲ့ တခြား စားသုံးကုန်ပစ္စည်းတွေကို ဘင်္ဂလားဒေ့ရ်ှဘက်ကို ရေလမ်းနဲ့ ပို့ဆောင်ကုန်သွယ်တာဖြစ်ပါတယ်။

ဘူးသီးတောင်၊ မောင်တောနဲ့ ရသေ့တောင် မြို့နယ်တွေမှာ ဩဂုတ်လ ၂၅ရက်နေ့ စတင် ပေါ်ပေါက်လာတဲ့ တိုက်ခိုက်မှုတွေ နောက်ပိုင်းမှာတော့ ကုန်သွယ်မှုတွေ အလိုလို ရပ်တန့် သွားခဲ့ပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ