ဟာရီကိန်းတွေကြောင့် ကန်စီးပွားတိုးနှုန်းလျော့နိုင်

ဆိုးရွားတဲ့ရာသီဥတုကြောင့် မိုင်ယာမီလေဆိပ်မှာ လုပ်ငန်းတွေ ရပ်လိုက်ရ။ ( စက်တင်ဘာ ၇-၂၀၁၇)
Irma နဲ့ Harvey ဟာရီကိန်းမုန်တိုင်းတွေရဲ့ဒဏ်ကြောင့် အမေရိကန်စီးပွားရေး တိုးတက်မှုဟာ လအနည်းငယ် လျော့သွားနိုင် တယ်လို့ စီးပွားရေးဆိုင်ရာ ဆန်းစစ်လေ့လာတဲ့ IHS Markit ကုမ္ပဏီကပြောပါတယ်။ Imra မုန်တိုင်း ဖြတ်သွားပြီးချိန်ထိ လေ့လာသူတွေ သေချာပေါက် ပြောနိုင်ဦးမှာ မဟုတ်သေးဘူးလို့ Bankrate ကုမ္ပဏီက Mark Hamrick ကပြောပါတယ်။

Harvey မုန်တိုင်းတခုထဲနဲ့ကိုပဲ အမေရိကန်စီးပွားရေးဟာ တတိယသုံးလပတ်မှာ ဒဿမ ၅% ကျသွားနိုင်တယ်လို့ သူကပြောပါ တယ်။ Irma မုန်တိုင်းဒဏ်ကြောင့် သိသာတဲ့ ဆုတ်ယုတ်မှုဖြစ်မယ်ဆိုတာ သံသယဖြစ်စရာမရှိဘူးလို့လဲ ဆိုပါတယ်။

ဖလော်ရီဒါပြည်နယ်တခုထဲဟာ အမေရိကန် ပြည်တွင်းထုတ်ကုန်တန်ဖိုး GDP ရဲ့ ၅% လောက်ရှိပြီး အမေရိကန် အလုပ်အကိုင် အားလုံးရဲ့ ၆% ရှိပါတယ်။ Harvye နဲ့ Irma မုန်တိုင်းတွေကြောင့် တတိယသုံးလပတ်မှာ အမေရိကန်စီးပွားရေး တိုးတက်မှုနှုန်း ခနတာ နှေးသွားဖွယ်ရှိတယ်လို့ PNC ဘဏ်ရဲ့ ထိပ်တန်းစီးပွားရေးပညာရှင် Gus Faucher ကပြောပါတယ်။ ဒါပေမဲ့လဲ ဒီနှစ် နှောင်းပိုင်းနဲ့ နောက်နှစ်အစောပိုင်းမှာ ပြန်တက်လာမယ်လို့ သူထင်တဲ့အကြောင်းပြောပါတယ်။

Irma ဟာရီကိန်းမုန်တိုင်းကြောင့် လေကြောင်းလိုင်းတွေလဲ အထိနာနေပြီး ကာရစ်ဘီယံနဲ့ ဖလော်ရီဒါပြည်နယ်ကို အ၀င်အထွက် လုပ်မယ့် လေယာဉ်ခရီးစဉ်ပေါင်း ၄,၆၀၀ ကို ပယ်ဖျက်ထားရပြီးပါပြီ။ ဆိုးရွားတဲ့ရာသီဥတုကြောင့် မိုင်ယာမီလေဆိပ်မှာ သောကြာ နေ့က လုပ်ငန်းတွေရပ်လိုက်ရပြီး အော်လန်းဒိုးမှာတော့ လေယာဉ်ခရီးစဉ်တွေအားလုံး စနေနေ့မှာ ရပ်ဆိုင်းမှာဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ