ကမ္ဘာ့မြို့ကြီးတချို့မှာ မြန်မာကို ကန့်ကွက်ဆန္ဒပြ

Belgium တွင်ဆန္ဒပြနေပုံ
မြန်မာနိုင်ငံ၊ ရခိုင်ပြည်နယ်အတွင်းက နေရပ်စွန့်ခွာ ထွက်ပြေးသွားကြတဲ့ သူတို့အခေါ် ရိုဟင်ဂျာတွေကို ထောက်ခံတဲ့အနေနဲ့ နိုင်ငံတချို့က မြို့ကြီးတွေမှာ တနင်္ဂနွေနေ့က ချီတက် ဆန္ဒပြခဲ့ကြပါတယ်။ အင်္ဂလန်နိုင်ငံ၊ လန်ဒန်မြို့မှာတော့ ရာနဲ့ချီတဲ့သူတွေ မြန်မာသံရုံးရှေ့မှာ တနင်္ဂနွေနေ့က ချီတက် ဆန္ဒပြခဲ့ကြကြောင်း ရိုက်တာ သတင်းမှာ ဖော်ပြထားပါတယ်။

အလားတူပဲ သူတို့အခေါ် ရိုဟင်ဂျာတွေအပေါ် မြန်မာအစိုးရရဲ့ ပြုမူဆက်ဆံပုံတွေကို ပြစ်တင် ရှုတ်ချတဲ့အနေနဲ့ အီရန် ကျောင်းသားတချို့ဟာ တီဟီရန်မြို့မှာရှိတဲ့ ကုလသမဂ္ဂ ဌာနေကိုယ်စားလှယ်ရုံးရှေ့မှာ ချီတက် ဆန္ဒပြခဲ့ကြကြောင်း အေပီ သတင်းမှာ ဖော်ပြထားပါတယ်။ ဆန္ဒပြသူတွေဟာ မြန်မာ၊ အစ္စရေးနဲ့ အမေရိကန် အစိုးရတို့ကို ဆန့်ကျင်တဲ့ ကြွေးကြော်သံတွေ အော်ဟစ်ခဲ့ကြသလို၊ ရိုဟင်ဂျာ မွတ်ဆလင်တွေနဲ့ သွေးစည်း ညီညွတ်ကြောင်းလည်း အော်ဟစ်ခဲ့ကြပါတယ်။
Pakistan တွင် ဆန္ဒပြနေပုံ
ပါကစ္စတန်နိုင်ငံရဲ့ အကြီးဆုံး မြို့တခုဖြစ်တဲ့ ကရာချိမြို့မှာလည်း သူတို့အခေါ် ရိုဟင်ဂျာ မွတ်ဆလင်တွေအပေါ် မြန်မာအစိုးရရဲ့ ပြုမူ ဆက်ဆံပုံကို ကန့်ကွက်တဲ့အနေနဲ့ ထောင်နဲ့ချီတဲ့ ပြည်သူတွေ တနင်္ဂနွေနေ့က ချီတက် ဆန္ဒပြခဲ့ကြပါတယ်။ ရိုဟင်ဂျာများကို ထောက်ခံတဲ့ ချီတက်ပွဲလို့ အမည်ပေးထားတဲ့ အဲဒီ ဆန္ဒပြပွဲကို နဖူးစည်း စာတန်းတွေ၊ ပိုစတာတွေ ကိုင်ဆောင်ထားတဲ့ လူပေါင်း ၇ ထောင်လောက် ပါဝင်ခဲ့ကြောင်း ရိုက်တာ သတင်းမှာ ဖော်ပြထားပြီး သူတို့တွေဟာ ကီလိုမီတာ တ၀က်လောက် ချီတက် ဆန္ဒပြခဲ့ကြတာလို့ ဆိုပါတယ်။

တရုတ်နိုင်ငံ အုပ်ချုပ်မှုအောက်မှာရှိတဲ့ ဟောင်ကောင်ကျွန်းမှာလည်း သူတို့အခေါ် ရိုဟင်ဂျာတွေအပေါ် ဖိနှိပ် ညှဉ်းပန်းမှုတွေကို ဆန့်ကျင်တဲ့အနေနဲ့ရော၊ လူသားချင်း စာနာတဲ့ အကူအညီတွေ ပေးအပ်ဖို့ တောင်းဆိုတဲ့အနေနဲ့ရော တနင်္ဂနွေနေ့က ချီတက် ဆန္ဒပြခဲ့တဲ့ အကြောင်း South China Morning Post သတင်းမှာ ဖော်ပြထားပါတယ်။ အဲဒီ ဆန္ဒပြပွဲကိုတော့ Hong Kong Islamic Youth Association လို့ခေါ်တဲ့ ဟောင်ကောင် အစ္စလာမ်မစ်အဖွဲ့အစည်းက ဦးဆောင် ကျင်းပခဲ့တာဖြစ်ပေမယ့် ကက်သလစ်နဲ့ တခြား ခရစ်ယာန် မဟာမိတ် အဖွဲ့အစည်းတွေလည်း ပူးပေါင်း ပါဝင်ခဲ့ကြတယ်လို့ ဆိုပါတယ်။

သြဂုတ်လ ၂၅ ရက်နေ့က ဘူးသီးတောင်၊ မောင်တောဒေသမှာရှိတဲ့ လုံခြုံရေး ကင်းစခန်းတွေကို ARSA ရိုဟင်ဂျာ အစွန်းရောက် အကြမ်းဖက်သမားတွေက ၀င်ရောက် တိုက်ခိုက်ခဲ့ပြီးတဲ့နောက် အခုချိန်ထိ ဘင်္ဂလားဒေ့ရ်ှနိုင်ငံဘက်ကို ထွက်ပြေး တိမ်းရှောင်သွားကြတဲ့ ရိုဟင်ဂျာ ဒုက္ခသည်ပေါင်း ၃ သိန်းအထိ ရှိသွားပြီလို့ ကုလသမဂ္ဂက ထုတ်ပြန်တဲ့ စာရင်းတွေမှာ ဖော်ပြထားပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ