ပြည်နယ်နဲ့ တိုင်း ၁၁ ခုမှာ မိုးကြီးနိုင်

တိုင်ဖွန်းမုန်တိုင်း DOKSURI ရဲ့ ရွေ့လျှားသွားမယ့်ခန့်မှန်းလမ်းကြောင်းပြပုံ။ Photo: Tun Lwin facebook
တောင်တရုတ်ပင်လယ်ပြင်မှာဖြစ်နေတဲ့ ဒေါ့ဆူရီ တိုင်ဖွန်းမုန်တိုင်းကနေ လွင့်လာတဲ့တိမ်တိုက်တွေကြောင့် မြန် မာနိုင်ငံက ပြည်နယ်နဲ့ တိုင်းဒေသကြီး ၁၁ ခုမှာ မိုးထစ်ချုန်းရွာပြီး နေရာအလိုက် မိုးကြီးနိုင်တယ်လို့ မိုးလေ၀သနဲ့ ဇလဗေဒညွှန်ကြားမှုဦးစီးဌာနက သတင်းထုတ်ပြန်ပါတယ်။

ဒါ့ကြောင့် တောင်ပေါ်ဒေသတွေမှာ မြေပြိုတာ ၊ မြစ်ကမ်းနံဘေးနေထိုင်သူတွေအနေနဲ့ မြစ်ကမ်းပါးပြိုတာတွေကို သတိထားဖို့လိုတယ်လို့ မိုးလေ၀သနဲ့ ဇလဗဒညွှန်ကြားမှု ဦးစီးဌာန ဒုတိယညွှန်ကြားရေးမှူးချုပ် ဦးကျော်မိုးဦး က ပြောပါတယ်။

"ရေကြီးမှုဖြစ်စဉ် ဖြစ်တဲ့အခါကျတော့ နေရာကွက်မိုးကြီးတာ ဒေသအလိုက် မိုးကြီးတာတွေကျတော့ ရှမ်းပြည်နယ်တို့ ဘာတို့ တောင်ပေါ်ဒေသတွေမှာ မြေပြိုမှု ဘေးအန္တရာယ်တို့ နောက်တစ်ခု ကတော့ မြစ်ငယ်ချောင်းငယ်လေးတွေမှာ ရေလျှံမှုလေးတွေ ရုတ်တရက်ဖြစ်နိုင်တယ်။ ဒီဟာ မျိုးလေးတွေ သတိပေးဖို့လိုပါတယ်"

အပူပိုင်းမုန်တိုင်း ဒေ့ါဆူရီက လွင့်လာတဲ့တိမ်တွေကြောင့် ဒီကနေ့ ညနေပိုင်းကစပြီး စက်တင်ဘာ ၁၆ ကနေ ၁၈ ရက်အထိ ရှမ်း၊ ကယား၊ မွန်၊ ကရင် ၊ တနင်္သာရီ၊ မန္တလေး၊ နေပြည်တော်၊ ပဲခူး၊ ရန်ကုန် စတဲ့ တိုင်းဒေသကြီး နဲ့ ပြည်နယ်တွေမှာ နေရာကွက်ပြီး မိုးကြီးနိုင်တယ်လို့ သိရပါတယ်။

မိုးလေ၀သ ပညာရှင် ဒေါက်တာထွန်းလွင်ကလည်း မုန်တိုင်းကြောင့် လေဒဏ်၊ မိုးဒဏ်အပြင် မိုးတိမ်တောင်ကြောင့် မိုးကြိုးပစ်တာ၊ တောင်ကျချောင်းရေကျတာ စတာတွေကို သတိပြုဖို့ ပြောပါတယ်။

ရှမ်းပြည်နယ်၊ ကယားပြည်နယ်၊ ပဲခူးတိုင်း၊ မန္တလေးတိုင်းနဲ့ မကွေးတိုင်းတွေမှာ လေပြင်းအန္တရာယ် သတိပြုဖို့ လိုအပ်ပြီး ဧရာဝတီတိုင်း၊ ရန်ကုန်တိုင်း၊ ကရင်ပြည်နယ်တွေမှာတော့ မိုးရွာနိုင်တယ်လို့ ဦးထွန်းလွင်ရဲ့ လူမှု ကွန်ယက်စာမျက်နှာမှာ သတိပေးထားပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ