ဒုက္ခသည် မဟာမင်းကြီး ဘင်္ဂလားဒေ့ရ်ှရောက်


UNHCR ကုလသမဂ္ဂ ဒုက္ခသည်များဆိုင်ရာ မဟာမင်းကြီး Filippo Grandi ဟာ ဘင်္ဂဘလားဒေ့ရ်ှနိုင်ငံကို ရောက်လာကြတဲ့ သူတို့အခေါ် ရိုဟင်ဂျာ ဒုက္ခသည် စခန်းတွေရှိရာ တိုင်းပြည်တောင်ပိုင်းက Kutupalong ကို စနေနေ့က သွားရောက်ပြီး ဒုက္ခသည်တွေနဲ့ တွေ့ဆုံခဲ့တယ်လို့ ဘင်္ဂလားဒေ့ရ်ှကလာတဲ့ သတင်းတွေမှာ ဖော်ပြထားပါတယ်။

မြန်မာနိုင်ငံက ထွက်ပြေးလာကြသူတွေဟာ ဆိုးရွားတဲ့ အကြမ်းဖက်မှုတွေကို ရင်ဆိုင်ခဲ့ကြရကြောင်း၊ သူတို့ ခံစားနေရတာတွေဟာ လတ်တလော သူတို့ရဲ့ လိုအပ်ချက်တွေကို ဖြည့်ဆည်းပေးနိုင်တာထက် ကာလ ရှည်ကြာစွာ တည်ရှိနေမှာ ဖြစ်ကြောင်း မဟာမင်းကြီး Filippo Grandi က ပြောပါတယ်။

ပြီးခဲ့တဲ့ သြဂုတ်လ ၂၅ ရက်နေ့က ရခိုင်ပြည်နယ်အတွင်း တကျော့ပြန် ဖြစ်ပေါ်ခဲ့တဲ့ ပဋိပက္ခတွေကြောင့် ဘင်္ဂလားဒေ့ရ်ှနိုင်ငံဘက်ကို ဒုက္ခသည် လေးသိန်း ကျော် ထွက်ပြေးလာကြတယ်လို့ ဆိုပါတယ်။ ဒုက္ခသည်တွေ အလုံးအရင်းနဲ့ ထွက်ပြေးလာကြတာကြောင့် ဘင်္ဂလားဒေ့ရ်ှနိုင်ငံအတွင်းက Cox’s Bazaar ဒေသမှာ ထောင်နဲ့ချီတဲ့ ယာယီစခန်းတွေ တည်ဆောက်ခဲ့ရတယ်လို့ ဆိုပါတယ်။

ရခိုင်ပြည်နယ်အတွင်း ဖြစ်ပေါ်ခဲ့တဲ့ ပဋိပက္ခအပေါ် မြန်မာ လုံခြုံရေး တပ်ဖွဲ့တွေရဲ့ ကိုင်တွယ်ပုံနဲ့ ပတ်သက်လို့ နိုင်ငံတကာက ဝေဖန် ပြောဆိုမှုတွေ ကျယ်ကျယ်ပြန့်ပြန့် ဖြစ်ပေါ်ခဲ့ပြီး လုံခြုံရေး တပ်ဖွဲ့တွေရဲ့လုပ်ရပ်ဟာ လူမျိုးတုံး သတ်ဖြတ်မှု ပုံစံပေါက်နေကြောင်း ကုလသမဂ္ဂ အပါအ၀င် နိုင်ငံတကာ လူ့အခွင့်အရေး အဖွဲ့အစည်းတွေက ဝေဖန် ပြောဆိုိခဲ့ကြပါတယ်။

ဒုက္ခသည်များဆိုင်ရာ မဟာမင်းကြီး Filippo Grandi ဟာ ပြီးခဲ့တဲ့ ဇူလိုင်လတုန်းကလည်း မြန်မာနိုင်ငံကို သွားရောက်ခဲ့ပြီး သူ့အခေါ် ရိုဟင်ဂျာတွေကို နိုင်ငံသားအဖြစ် အသိအမှတ်ပြုဖို့ မြန်မာအစိုးရကို တောင်းဆိုခဲ့ပါတယ်။

ဗွီအိုအေ (မြန်မာဌာန)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ