မြောက်ကိုရီးယားက ပစ်လွှတ်လိုက်တဲ့ ပဲ့ထိန်းဒုံးကျည်တစင်းဟာ ဂျပန်နိုင်ငံမြောက်ပိုင်းကို ကျော်ပြီး ပစိဖိတ်သမုဒ္ဒရာထဲ ကျသွား တယ်လို့ ဂျပန်အစိုးရက ပြောတဲ့အကြောင်း NHK ဂျပန်သတင်းဌာနက ရေးပါတယ်။ ဒုံးကျည် အပျက်အစီး အပိုင်းအစ ဖြစ်နိုင်ခြေ အရာတွေနားကို မကပ်ဖို့ ဂျပန်အစိုးရက လူထုကို သတိပေးထားတယ်လို့လဲ သတင်းမှာ ဖော်ပြထားပါတယ်။
မြောက်ကိုရီးယားက နျူကလီးယားနဲ့ ဒုံးကျည်စမ်းသပ်တာတွေကို ခပ်စိတ်စိတ် လုပ်လာပြီးတဲ့နောက် သိပ်မကြာခင်ကပဲ ကုလသမဂ္ဂက ဒဏ်ခတ်အရေးယူမှုအသစ်တွေ ချမှတ်ပြီးတဲ့နောက် သောကြာနေ့မနက် အစောပိုင်းမှာ အခုထပ်ပြီး ဒုံးကျည် ပစ်လွှတ်တဲ့သတင်း ထွက်လာတာပါ။
သောကြာနေ့က ပစ်လွှတ်တဲ့ဒုံးကျည်ဟာ ဂျပန်နိုင်ငံပေါ်ကနေ မြောက်ကိုရီးယားဒုံးကျည် ကျော်ပစ်တာ ၆ ကြိမ်မြောက်ဖြစ်ပြီး ဒီ့မတိုင်ခင် နောက်ဆုံးပစ်လွှတ်ခဲ့တာက သြဂုတ်လ ၂၉ ရက်နေ့ကဖြစ်ပါတယ်။
စက်တင်ဘာလ ၃ ရက်နေ့ကတော့ မြောက်ကိုရီးယားက ဟိုက်ဒရိုဂျင်ဗုံးတလုံးကို ဖောက်ခွဲစမ်းသပ်တယ်လို့ ကြေညာခဲ့ပါတယ်။
ဗွီအိုအေ (မြန်မာပိုင်း)
https://burmese.voanews.com
မြောက်ကိုရီးယား ဒုံးကျည်ပစ်ပြန်ပြီ
Reviewed by THITHTOOLWIN
on
08:20
Rating:
Reviewed by THITHTOOLWIN
on
08:20
Rating:
