ရခိုင်အကြမ်းဖက်ပဋိပက္ခမှာ သေဆုံးသူ ၁၀၀၀ ကျော်ရှိနိုင်ဟု ကုလပြော

မောင်တောမြို့နယ် တောင်ပိုင်းက ဂေါ်ဒူသာရ ကျေးရွာ စက်တင်ဘာလ ၇ ရက်နေ့က မီးလောင်နေပုံကို တွေ့ရစဉ်။ photo: Thiha Tun/ RFA
ရခိုင်ပြည်နယ်က အကြမ်းဖက်မှုအတွင်း သေဆုံးသူ ၁၀၀၀ ထက်မနည်းရှိနိုင်ပြီး၊ သေဆုံးသူ အများစုဟာ လူနည်းစု ရိုဟင်ဂျာမွတ်ဆလင်တွေလို့ ကုလသမဂ္ဂ လူ့အခွင့်အရေး အထူးကိုယ်စားလှယ် ယန်ဟီးလီက ဒီကနေ့ ပြောကြား လိုက်ပါတယ်။

ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး ပြောခွင့်ရအမျိုးသမီး ဗီဗီယန်းတန်ကလည်း လွန်ခဲ့တဲ့ သီတင်းနှစ်ပတ်အတွင်း မြန်မာနိုင်ငံဘက်ကနေ ဘင်္ဂလားဒေ့ရ်ှကို ရောက်လာတဲ့ ဒုက္ခသည် ၂ သိန်း ၇ သောင်းခန့်ရှိသွားပြီလို့ ပြောပါတယ်။

HRW လူ့အခွင့်အရေးစောင့်ကြည့်ရေးအဖွဲ့ကလည်း နောက်ထပ် ရိုဟင်ဂျာကျေးရွာတွ ရာနဲ့ချီ မီးလောင်နေတဲ့ ဂြိုလ်တုဓါတ်ပုံတွေ ရရှိထားတယ်လို့ ဒီကနေ့ ကြေညာချက်ထုတ်ပြန် ဖြန့်ဝေနေပါတယ်။

အမေရိကန်အစိုးရကတော့ ပဋိပက္ခဖြစ်ပွားနေတဲ့ နေရာတွေဆီ လူသားချင်းစာနာမှု အကူအညီတွေ ပေးအပ်ခွင့်ပြုဖို့ တိုက်တွန်းလိုက်ပါတယ်။ အီးယူ ဥရောပသမဂ္ဂ ဒုတိယဥက္ကဌကလည်း ဒေါက်တာ ကိုဖီအာအန် ဦးဆောင်တဲ့ ရခိုင်ပြည်နယ်အကြံပေးကော်မရှင်ရဲ့ အကြံပြုချက်တွေကို အမြန်ဆုံး အကောင်အထည်ဖော်ဖို့ တိုက်တွန်းလိုက်ပါတယ်။

တပြိုင်နက်တည်းမှာပဲ တောင်အာဖရိက ဘုန်းတော်ကြီး ဒက်စမွန်တူးတူးက ဒေါ်အောင်ဆန်းစုကြည် အနေနဲ့ မွတ်ဆလင်တွေကို အကာအကွယ်ပေးဖို့  စာတစ်စောင်ရေးသားပြီး တိုက်တွန်းလိုက်ပါတယ်။

ဒီအတောအတွင်း မလေးရှားနိုင်ငံက မြန်မာသံရုံးရှေ့မှာ လူ ၂၀၀ လောက် ဒီကနေ့ ဆန္ဒပြခဲ့ကြပြီး ရိုဟင်ဂျာ မွတ်ဆလင်တွေ အကြမ်းဖက်ခံနေရမှုနဲ့ပတ်သက်လို့ မြန်မာနိုင်ငံနဲ့ သံတမန်အဆက်အသွယ် ဖြတ်တောက်ဖို့ တောင်းဆိုခဲ့ကြပါတယ်။

BBC Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ