Harvey မုန်တိုင်းကြောင့် Texas မှာတဦးသေ

Harvey ဟာရီကိန်းမုန်တိုင်းကြောင့် Texas ပြည်နယ်မှာ မြုပ်နေတဲ့ ငါးဖမ်းလှေတစင်း (Aug. 26, 2017)
တက္ကဆက်စ်ပြည်နယ်၊ Rockport မြို့ကို သောကြာနေ့ညက Harvey ဟာရီကိန်းမုန်တိုင်း ၀င်တိုက်သွားပြီးတဲ့နောက် လူ တယောက်ထက်မနည်း သေဆုံးသွားတယ်လို့ တာဝန်ရှိသူတွေကပြောပါတယ်။ Harvey ဟာရီကိန်းမုန်တိုင်းဟာ အခုတော့ အပူ ပိုင်းမုန်တိုင်းတခုဖြစ်သွားပါပြီ။

ကုန်းတွင်းပိုင်းကို မုန်တိုင်းဝင်သွားပြီးတဲ့နောက် သေဆုံးသူရဲ့အလောင်းကို တွေ့ခဲ့ရ တယ်လို့ မြို့တော်ဝန် C. J. Wax က စနေနေ့ လုပ်တဲ့ သတင်းစာရှင်းလင်းပွဲအတွင်း ပြောသွားပါတယ်။ သေဆုံးသူ ဘယ်သူဘယ်ဝါဆိုတာ သူကမပြောပေမဲ့ အိမ်မီးလောင်တာနဲ့ ဆက်စပ်ပြီး သေဆုံးတာလို့ ပြောပါတယ်။

မုန်တိုင်းဟာ ကုန်တွင်းပိုင်းကိုဝင်သွားပြီး အပူပိုင်းမုန်တိုင်းအဖြစ် အဆင့်လျှော့ချလိုက်ပြီ ဖြစ်ပေမဲ့လဲ နောက်ထပ် သေဆုံးသူတွေ တွေ့လာဖို့် မျှော်လင့်ထားတယ်လို့ တက္ကဆက်စ်ပြည်နယ် တာဝန်ရှိသူတွေကပြောပါတယ်။

ကမ်းရိုးတန်းတလျှောက်က ဒေသတွေမှာ အပြင်းအထန် မိုးရွာနေဆဲဖြစ်တာမို့ ဆိုးဆိုး ရွားရွား ရေကြီးမယ့်အရေးက အဓိကစိုးရိမ် ချက်တခုအဖြစ် ရှိနေတုန်းပဲလို့ တက္ကဆက်စ် ပြည်နယ် အုပ်ချုပ်ရေးမှူး Greg Abbot က စနေနေ့ သတင်းစာရှင်းလင်းပွဲအတွင်း ပြောသွားပါတယ်။ ကျနော်တို့ရဲ့ အကြီးမားဆုံး စိုးရိမ်ချက်က Corpus Christi မြို့ ပတ်ဝန်းကျင်ဒေသတွေမှာ မိုးရေချိန် လက်မ ၂၀ ကနေ ၃၀ အထိ ရွာနိုင်ခြေရှိနေတာပဲ ဖြစ်ပါတယ်လို့ ပြည်နယ်အုပ်ချုပ်ရေးမှူးကပြောပါတယ်။ လက်ရှိမှာကိုပဲ မုန်တိုင်းကြောင့် တချို့နေရာတွေမှာ မိုးရေချိန် လက်မ ၂၀ နီးပါးရွာထားပြီးဖြစ်ပြီး ကီလိုမီတာ ၆၀၀ ရှည်လျားတဲ့ တက္ကဆက်စ် ကမ်းရိုးတန်း တလျှောက် မုန်တိုင်း ရွေ့သွားမယ်လို့ ခန့်မှန်းထားကြပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ