မကွေးတိုင်းမှာ ရေဘေးဒဏ်ခံရသူ ၂ သောင်းနီးပါးရှိ

ဧရာဝတီမြစ်ရေ မြင့်တက်နေမှုကြောင့် မကွေးတိုင်းဒေသကြီးအတွင်းရေကြီးနေသည်ကို သြဂုတ်လ ၂၆ ရက်နေ့က တွေ့ရစဉ်။ Photo: Prof Win Myat Aye/ Facebook
ဧရာဝတီမြစ်ရေ မြင့်တက်နေမှုကြောင့် မကွေးတိုင်းဒေသကြီးအတွင်း မြို့နယ် ၈ မြို့နယ်က လူဦးရေ ၂ သောင်း နီးပါးဟာ ရေလွတ်ရာနေရာတွေ ကို ပြောင်းရွှေ့နေထိုင်နေကြပါတယ်။

ရေစကြို၊ ပခုက္ကူ၊ အောင်လံ၊ မင်းဘူးနဲ့ သရက် စတဲ့မြို့နယ်တွေမှာ ပြောင်းရွှေ့ရတာ အများဆုံး ဖြစ်တယ်လို့ မကွေးတိုင်း ကယ်ဆယ်ရေးနဲ့ ပြန်လည်နေရာ ချထားရေးဦးစီးဌာန ညွှန်ကြားရေးမှူး ဦးမြင့်စိုး က ပြောပါတယ်။

" ရေစကြိုမှာက ၂၁၇၇ ဦးပေါ့နော် ရွှေ့ပြောင်းတာ၊ ပခုက္ကူမှာက ၁၀၄၁ ဦး၊ နောက် အောင်လံမှာက ၄၀၀၀၊ မင်းဘူးမှာက ၄၉၇၇  ဦး၊ သရက်မှာက ၁၄၇၅ ရွှေ့ပြောင်းထားတာ၊ အဲမြို့နယ်တွေမှာ အများဆုံးဖြစ်တာပေါ့"

ကံမ၊ မင်းလှ၊ ရေနံချောင်းမြို့နယ်တွေမှာလည်း ရေတွေဝင်ရောက်နေတာကြောင့် ဒေသခံတွေ ပြောင်းရွှေ့ ထားရပါတယ်။

ဒီတစ်ကြိမ်ဟာ ဒုတိယအကြိမ် မြစ်ရေမြင့်တက်လာတာဖြစ်ပြီး မကွေးတိုင်းအတွင်းက စာသင်ကျောင်း ၁၅၀ လောက် ယာယီပိတ်ထားရတယ်လို့လည်း သိရပါတယ်။

ပြောင်းရွှေ့ကြသူတွေအတွက် ဆန်ရိက္ခာ တပတ်စာ ထောက်ပံ့ပေးထားတယ်လို့လည်း မကွေးတိုင်း ကယ်ဆယ်ရေးနဲ့ ပြန်လည်နေရာချထားရေး ဦးစီးဌာနက ပြောပါတယ်။

ဧရာဝတီမြစ်ရေဟာ မင်းဘူးမှာ စိုးရိမ်ရေမှတ်ရောက်နေပြီး ပခုက္ကူနဲ့ အောင်လံတို့မှာ စိုးရိမ်ရေမှတ် အထက်ကို ကျော်လွန်နေတယ်လို့ မိုးလေ၀သနဲ့ ဇလဗေဒ ညွှန်ကြားမှုဦးစီးဌာနက သတင်းထုတ်ပြန်ထားပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ