မောင်တောမှာ စိတ်ကြွဆေးပြား ၂ သန်း နီးပါး ဖမ်းမိပြန်

အနောက်ဘက်နယ်စပ်ဒေသဟာ ဘင်္ဂလာဒေ့ရ်ှကို ယာဘားဆေးပြားတွေ သယ်ယူရာ လမ်းကြောင်းဖြစ်နေ
လုံခြုံရေး အထူးတင်းကျပ်ထားတဲ့ ရခိုင်ပြည်နယ် အနောက်ဘက် အစွန်ဆုံး မောင်တောမြို့နယ်မှာ စိတ်ကြွဆေးပြား ၁,၈၀ဝ,ဝ၀ဝ ကျော်ကို လူတဦးနဲ့ အတူ ဖမ်းမိခဲ့ပါတယ်။

မြို့နယ် အုပ်ချုပ်ရေးမှူးနဲ့ ခရိုင်ရဲတပ်ဖွဲ့မှူး ပါဝင်တဲ့ အဖွဲ့ဟာ မောင်တောမြို့နယ် ဇူလရွာကနေအိမ် တအိမ်ကို သတင်းအရ မနေ့က ညနေ ၄ နာရီလောက်မှာ ဝင်ရောက် ရှာဖွေရာကနေ ယာဘ ဆေးပြားတွေ ဖမ်းဆီးမိခဲ့တာပါ။

ဒီဖမ်းဆီးရမှုနဲ့ ပတ်သက်ပြီး မောင်တောမြို့နယ် အုပ်ချုပ်ရေးမှူး ဦးမြင့်ခိုင်ကို ဘီဘီစီက မေးကြည့်ရာ ဇူလရွာနေ အဆော့ဒူလာရဲ့ နေအိမ်ကို ဝင်ရောက်ရှာဖွေရာကနေ ဖမ်းမိခဲ့တာ ဖြစ်တယ်လို့ အတည်ပြု ပြောဆိုပါတယ်။

ဖမ်းမိတဲ့ စိတ်ကြွဆေးပြားတွေရဲ့ တန်ဖိုးဟာ ကျပ်သိန်းပေါင်း သုံးသောင်းကျော်ထိ တန်ဖိုးရှိတယ်လို့သိရပါတယ်။ ဒီဆေးပြားတွေကို မြန်မာနိုင်ငံ အရှေ့ဘက် နယ်စပ် ဒေသတွေကနေ ရခိုင်ပြည်နယ် အနောက်ဘက်နယ်စပ်အထိ မှောင်ခိုလမ်းကြောင်းတွေက တဆင့် သယ်ယူလာတာ ဖြစ်ပါတယ်။

ဒီဆေးပြားတွေကို တဖက်ကမ်းမှာ ရှိတဲ့ ဘင်္ဂလာဒေ့ရ်ှနိုင်ငံဘက်ကို ပို့ဆောင်မယ်လို့ ယူဆရတယ်လို့လည်း အုပ်ချုပ်ရေးမှူး ဦးမြင့်ခိုင်က ပြောပါတယ်။

၂၀၁၇ ခု ဖေဖော်ဝါရီလဆန်းပိုင်းကလည်း မောင်တောမှာ စိတ်ကြွဆေးပြား သိန်းချီဖမ်းမိခဲ့
လွန်ခဲ့တဲ့ ဇူလိုင်လ ၂၀ ရက်နေ့ကလည်း သိန်းပေါင်း ၁,၅၆၀ ဖိုးတန်ဖိုးရှိတဲ့ ယာဘာစိတ်ကြွဆေးပြား ၇၈,ဝ၀ဝ ကို အဲဒီဒေသမှာ ဖမ်းဆီးမိခဲ့ပါတယ်။

ရခိုင်ပြည်နယ် အနောက်ဘက်နယ်စပ် မောင်တောဒေသဟာ ဘင်္ဂလာဒေ့ရ်ှကို ယာဘာစိတ်ကြွဆေးပြားတွေကို သယ်ယူတဲ့ လမ်းကြောင်းဖြစ်နေတာကြောင့် သန်းနဲ့ ချီရှိတဲ့ စိတ်ကြွဆေးပြားတွေကို မကြာခဏ ဖမ်းမိလေ့ရှိပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ