ပြည်ထောင်စုလမ်းမကြီးပေါ်ရှိ မန္တလေး-လားရှိုးရထားသံလမ်းကူး၌ တွဲကားတစ်စီးတိမ်းမှောက်

မန္တလေး-လားရှိုး-မူဆယ်ပြည်ထောင်စုကားလမ်းမကြီးပေါ်ရှိ မိုင်တိုင်အမှတ် (၉၈)အကျော်ကျောက်မဲမြို့နယ်၊ အိုက်ခန့်ကျေးရွာအနီးရှိ မန္တလေး- လားရှိုးမီးရထားသံလမ်းကူးနေရာမှာ သြဂုတ် (၂၄)ရက် နံနက်(၄)နာရီခန့်က တွဲကားတစ်စီးတိမ်းမှောက်မှုဖြစ်ပွားခဲ့ပါတယ်။

နောင်ချိုဘက်ကနေကျောက်မဲဘက်ကိုမြေဆီအိတ်တွေတင်ဆောင်မောင်းနှင်လာတဲ့တွဲကားဟာသံလမ်းကူးနေရာမှာတင်ဆောင်လာတဲ့ပစ္စည်းအလေးချိန်ကြောင့် ယိမ်းယိုင်တိမ်းမှောက်တာ ဖြစ်တယ်လို့ သိရပါတယ်။

 ယာဉ်တိမ်းမှောက်မှုဖြစ်စဉ်ကြောင့်ယာဉ်နောက်လိုက်ဟာကားအတွင်းပိုင်းမှာညပ်နေခဲ့ပြီး ကရိန်းယာဉ်အကူအညီနဲ့ မ ထုတ်ကယ်ဆယ်ခဲ့ပေမယ့် ဒဏ်ရာပြင်းထန်တာကြောင့်သေဆုံးခဲ့တယ်လို့သိရပါတယ်။

တွဲယာဉ်တိမ်းမှောက်ရာကိုကျောက်မဲမြို့နယ်ရဲတပ်ဖွဲ့ဝင်တွေ၊အမှတ်(၁၂၀)ယာဉ်ထိန်းရဲတပ်ဖွဲ့ဝင်တွေ၊မီးသတ်တပ်ဖွဲ့နဲ့ကယ်ဆယ်ရေးအဖွဲ့ဝင်တွေကလာရောက်ကူညီပေးခဲ့ကြပြီးရထားလမ်း၊ကားလမ်းအမြန်ပွင့်ရေးကိုကူညီဆောင်ရွက်ခဲ့တယ်လို့သိရပါတယ်။

လက်ရှိအချိန်မှာယာဉ်မောင်းဖြစ်သူကိုဖမ်းဆီးထိန်သိမ်းထားကာတွဲယာဉ်တိမ်းမှောက်မှုနဲ့ပတ်သက်ပြီးအမှတ်(၁၂၀)ယာဉ်ထိန်းရဲတပ်ဖွဲ့စုမှူးရုံးနဲ့ ကျောက်မဲမြို့မရဲစခန်းတို့က စုံစမ်းစစ်ဆေးနေတယ်လို့ သိရပါတယ်။ ဒီသတင်းကိုသီပေါကိုလတ်က ပေးပို့ထားတာဖြစ်ပါတယ်။။

Central News Bureau
https://www.facebook.com/skynetcnb