အကြမ်းဖက်သမားတွေကို ကူညီရင် ဥပဒေအရ အရေးယူမည်

ARSA အကြမ်းဖက်အုပ်စုမှ အစွန်းရောက် အကြမ်းဖက်သမားတချို့ကို တွေ့ရစဉ်။ Photo: Arakan Rohingya Salvation Army/ Facebook
အစွန်းရောက် အကြမ်းဖက်သမားတွေနဲ့ ARSA အကြမ်းဖက်အုပ်စုကို ထောက်ခံတာ၊ အားပေးကူညီရာ ရောက်စေ တဲ့ အပြုအမူတွေ လုပ်ဆောင်တာ၊ ထောက်ပံ့ တာ၊ မီဒီယာတွေကနေ ထောက်ခံရေးသားတာတွေ တွေ့ရှိရင် အကြမ်းဖက်တိုက်ဖျက်ရေးဥပဒေနဲ့အညီ အရေးယူသွားမှာဖြစ်ကြောင်း နိုင်ငံတော်အတိုင်ပင်ခံရုံးသတင်း ထုတ်ပြန်ရေးကော်မတီက ဒီနေ့ ကြေညာချက်ထုတ်လိုက်ပါတယ်။

အကြမ်းဖက်အားပေးတဲ့ လုပ်ဆောင်ချက်တွေကို ပြည်ပကနေ လုပ်ဆောင်တာ တွေ့ရှိရင်လည်း နိုင်ငံတကာ ရဲတပ်ဖွဲ့ထံ အသိပေး ဆောင်ရွက်သွား မှာဖြစ်ကြောင်း ပါရှိပါတယ်။

မနေ့က တောင်ဘဇာကျေးရွာမှာ အစွန်းရောက်အကြမ်းဖက်သမားတွေက ပိတ်ဆို့ဝိုင်းထားစဉ် တချို့ INGO နိုင်ငံတကာအကူအညီပေးရေးအဖွဲ့ ၀န်ထမ်းတွေ ပါဝင်နေတယ်လို့ သတင်းတွေထွက်ပေါ်နေတာနဲ့ ပတ်သက်ပြီးတော့လည်း စုံစမ်းစစ်ဆေးနေကြောင်း ဖော်ပြထားပါတယ်။

မောင်တောဒေသမှာ အကြမ်းဖက်မှုတွေ လုပ်ဆောင်နေတဲ့ ARSA အဖွဲ့ကိုလည်း အစိုးရက အကြမ်းဖက်အုပ်စု အဖြစ် ကြေညာထားပြီး ဖြစ်ပါတယ်။

အစွန်းရောက် အကြမ်းဖက်သမားတွေ၊ ARSA အကြမ်းဖက်အုပ်စုနဲ့ ပတ်သက်ဆက်နွယ်တဲ့ ပြည်ပနိုင်ငံတွေ က ငွေကြေးထောက်ပံ့မှုတွေ၊ ဆက်သွယ်ဆောင် ရွက်နေတဲ့ လူပုဂ္ဂိုလ်တွေ၊ အားပေးကူညီမှုတွေကို လိုအပ်သလို အရေးယူဆောင်ရွက်ပေးဖို့ နိုင်ငံတကာရဲတပ်ဖွဲ့ကတစ်ဆင့် နိုင်ငံတကာ အစိုးရတွေထံ အသိပေးအကြောင်းကြား ဖို့ ဆောင်ရွက်နေတယ်လို့ သိရပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ