 |
| NLD ပါတီ ဥက္ကဌဟောင်း ဦးအောင်ရွှေ ပုံ |
နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို တက်ရောက် စကားပြောကြားဖို့ ဖိတ်ကြားထားပြီး ကွယ်လွန်သူ ဦးအောင်ရွှေရဲ့ဘ၀ဖြတ်သန်းမှု ကိုလည်း ဖတ်ကြားသွားဖို့ စီစဉ်ထားတယ်လို့ ဈာပနကျင်းပရေး ကော်မတီ ဥက္ကဌ NLD ပါတီ ဗဟိုအလုပ်အမှုဆောင် ကော်မတီဝင် ဒေါက်တာမျိုးညွန့် က ပြောပါတယ်။
"အဖွဲ့ချုပ်က တာဝန်အရှိဆုံးပုဂ္ဂိုလ်တစ်ဦးကနေပြီးတော့ အမှတ်တရ စကားပြောပါမယ်၊ နောက်ပြီးတော့ ၈၈ ပွင့်လင်းအဖွဲ့အစည်းက ဦးမင်းကိုနိုင် ဖြစ်ဖို့များ တယ်ထင်ပါတယ်၊ အမှတ်ရစကားပြောပါမယ်။ ဒီ ဘဘရဲ့ဈာပနအတွက်ပေးပို့တဲ့ သ၀ဏ်လွှာတွေကိုလည်း မှတ်တမ်းတင်တဲ့အနေနဲ့ ဖတ်ကြားပါမယ်။ ဘဘရဲ့ကိုယ်ရေးအတ္ထုပ္ပတ္တိနဲ့ နိုင်ငံတော်အတွက် ဆောင်ရွက်ခဲ့တဲ့ လုပ်ငန်းတွေကိုလည်း ပရိသတ်သိရှိအောင် ဖတ်ကြားပါမယ်"
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အမှတ်တရ စကားပြောဖို့စီစဉ်ထားပေမယ့် တကယ်တမ်းတက်ရောက်နိုင်မလားဆိုတာ အတိအကျမပြောနိုင်သေးဘူးလို့ ဒေါက်တာ မျိုးညွန့်ကပြောပါတယ်။
NLD ပါတီ ဥက္ကဌဟောင်း ဦးအောင်ရွှေ၊ အသက် (၁၀၀) နှစ်ဟာ ပြီးခဲ့တဲ့ သြဂုတ်လ ၁၃ရက်၊ တနင်္ဂနွေနေ့ည ၉ နာရီ ၃၆ မိနစ်အချိန်မှာ ရန်ကုန်မြို့ ဝိတိုရိယဆေးရုံ မှာ ကွယ်လွန်သွားခဲ့တာဖြစ်ပါတယ်။
သြဂုတ်လ ၁၇ ရက်နေ့ မနက်၇ နာရီ ကွယ်လွန်သူ ဦးအောင်ရွှေရဲ့နေအိမ်မှာ သရဏဂုံတင်ဖို့ သီတဂူဆရာတော် အရှင် ဦးဥာဏိဿရကို ပင့်လျှောက်လွှာပေးပို့ ထားတယ်လို့ ပြောပါတယ်။
မနက်ဖြန် မနက် ၁၀ နာရီ ရေဝေးသုသာန်မှာ ဈာပနအခမ်းအနား စတင်ကျင်းပမှာဖြစ်ပြီး ၁၁ နာရီမှာ မီးသဂြိုင်္လ်မှာဖြစ်ပါတယ်။
ကွယ်လွန်သူ ဦးအောင်ရွှေဟာ ဒေါ်အောင်ဆန်းစုကြည်နဲ့ တခြားခေါင်းဆောင်တွေ ဖမ်းဆီးထိန်းသိမ်းထားခံရစဉ် နှစ်ပေါင်းများစွာအတွင်း ပါတီဆက်လက်ရှင်သန်နိုင်ရေးအတွက် ဦးဆောင်ခဲ့သူဖြစ်တယ်လို့ သိရပါတယ်။
ဦးအောင်ရွှေ ဆေးရုံတက်ရောက်ကုသနေချိန်မှာ နိုင်ငံတော်သမ္မတ ဦးထင်ကျော်နဲ့ဇနီး၊ ဒုသမ္မတ ဦးဗန်ထီးယူနဲ့ ပြည်သူ့လွှတ်တော်ဥက္ကဌ ဦးဝင်းမြင့် တို့ လာရောက်ကြည့်ရှုခဲ့ကြပါတယ်။
ဦးအောင်ရွှေဟာ ကိုလိုနီနယ်ချဲ့ဆန့်ကျင်ရေးလှုပ်ရှားမှုတွေမှာ ပါဝင်ခဲ့ပြီး ဗမာ့လွတ်လပ်ရေး တပ်မတော်နဲ့ တပ်မတော်မှာ နောက်ဆုံးတာဝန်ထမ်းဆောင်ခဲ့စဉ်က ဗိုလ်မှူးချုပ်အဆင့်အထိ တာဝန်ယူခဲ့သူဖြစ်ပါတယ်။
RFA Burmese
http://www.rfa.org/burmese
ဈာပနအခမ်းအနား ပါတီကတာဝန်ယူကျင်းပမည်
Reviewed by THITHTOOLWIN
on
16:25
Rating:
Reviewed by THITHTOOLWIN
on
16:25
Rating:
