ဘူးသီးတောင်မြို့ကို ထွက်ပြေးတိမ်းရှောင်လာတဲ့ ဒေသခံတွေကို သြဂုတ်လ ၂၇ ရက်နေ့က တွေ့ရစဉ်။ Photo: ကျော်သူရ(နွားရုံတောင်) |
လုံခြုံရေးအားနည်းတာကြောင့် အခုလိုရွာလုံးကျွတ်ထွက်ပြေးတိမ်းရှောင်လာကြတာလို့ ရွှေရင်အေး ကျေးရွာက ထွက်ပြေးတိမ်းရှောင်လာသူ ကိုအောင်အောင်ဦး က ပြောပါတယ်။
မောင်တောမြို့နယ် ရွှေရင်အေး၊ ကင်းချောင်း၊ ဗောဓိကုန်း၊ ခရေမြိုင် စတဲ့ကျေးရွာတွေက ဒေသခံတွေဟာ သုံးမိုင်၊ လေးမိုင်နဲ့ မြို့ပေါ်ဘုန်းတော်ကြီးကျောင်းတွေ မှာ ထွက်ပြေးခိုလှုံနေကြရသလို မြို့ပေါ်ရပ်ကွက် က ဒေသခံတိုင်းရင်းသားမိသားစုတွေလည်း ဘုန်းတော်ကြီးကျောင်းတွေကို ပြောင်းရွှေ့ခိုလှုံနေကြရတယ် လို့သိရပါတယ်။
မြို့နဲ့ အလှမ်းဝေးတဲ့ကျေးရွာတွေကတော့ နီးစပ်ရာကို ထွက်ပြေးခိုလှုံနေကြရတာဖြစ်ပါတယ်။
ဘူးသီးတောင်မြို့နယ်မှာတော့ ရွာလုံးကျွတ်ထွက်ပြေးတိမ်းရှောင်လာရတဲ့ကျေးရွာပေါင်းက ၄၀ နီးပါးရှိပြီး လုံခြုံနိုင်တဲ့ နီးစပ်ရာကျေးရွာတွေကို ထွက်ပြေး တိမ်းရှောင်လာကြတာလို့ ရခိုင်အမျိုးသားပါတီက ပြောပါတယ်။
နေရပ်စွန့်ခွာထွက်ပြေးတိမ်းရှောင်လာကြသူတွေအတွက် အရေးပေါ်စားနပ်ရိက္ခာအကူအညီတွေ လိုအပ်နေပြီး မောင်တောမြို့နယ်အတွင်းက ကျေးရွာပေါင်း ၉၀ ကျော်ကို စားနပ်ရိက္ခာအကူအညီပေးဖို့ ပြည်နယ် အစိုးရကိုတင်ပြထားတယ်လို့ မောင်တောမြို့အရေးပေါ်ကူညီကယ်ဆယ်ရေးအဖွဲ့က ပြောပါတယ်။
မနေ့ညက မောင်တောမြို့နယ် နံ့သာတောင်ကျေးရွာက တိုင်းရင်းသားတွေနေထိုင်တဲ့ နေအိမ်နဲ့ ဈေးဆိုင်ခန်းတွေ အပါအဝင် ဘုန်းကြီးကျောင်းကိုပါ အစွန်းရောက် အကြမ်းဖက်သမားတွေက မီးရှို့ဖျက်ဆီးခဲ့သလို ဒီနေ့မနက်ပိုင်းမှာ ဘူးသီးတောင်မြို့နယ် သင်္ဂနက်ကျေးရွာမှာ တပ်မတော်စစ်ကြောင်းတစ်ခု ကို ရှော့တိုက် မိုင်းတွေဖောက်ခွဲပြီး တိုက်ခိုက်ခဲ့တဲ့အတွက် အပြန်အလှန်တိုက်ခိုက်မှုတွေဖြစ်ပွားခဲ့တယ်လို့ တပ်မတော် ကာကွယ်ရေးဦးစီးချုပ်ရုံးရဲ့ ထုတ်ပြန်ချက် တစ်ခုမှာဖော်ပြထားပါတယ်။
ဒါ့အပြင် မနေ့ညက မောင်တောမြို့နယ် ရန်ကာစေတီကျေးရွာကနေ ထွက်ပြေးတိမ်းရှောင်လာကြတဲ့ တိုင်းရင်းသားတွေကို အကြမ်းဖက်သမားတွေက တိုက်ခိုက်ခဲ့တဲ့အတွက် လူ ၁၉ ဦး ပျောက်ဆုံးနေ သလို မြင်းလွတ်မြို့ကနေ မောင်တောမြို့ကိုလာရောက်တဲ့ ဟိန္ဒူမိသားစုဝင် ၁၂ ဦးကို မြို့သူကြီး ရပ်ကွက်အနီးမှာ အကြမ်းဖက်သမားတွေကတိုက်ခိုက်ခဲ့တဲ့အတွက် ကလေး ၃ ဦးအပါအ၀င် ၆ဦး သေဆုံးခဲ့တယ်လို့ သိရပါတယ်။
RFA Burmese
http://www.rfa.org/burmese
မောင်တောမြို့ပေါ်ထွက်ပြေးလာသူ ၃ ထောင်ကျော်ရှိ
Reviewed by THITHTOOLWIN
on
18:29
Rating: