အကျဉ်းထောင်အသစ် ၃ခု တည်ဆောက်

ရန်ကုန်မြို့ အင်းစိန်အကျဉ်းထောင်ကို တွေ့ရစဉ်
အကျဉ်းသားဦးရေ ၁၀၀၀ ဆံ့တဲ့ အကျဉ်းထောင် ၃ ခုကို ဒိုက်ဦး၊ ကျိုက်မရော နဲ့ မိုးညှင်းတို့မှာ တည်ဆောက်နေတယ်လို့  အကျဉ်းဦးစီးဌာန ဒုတိယညွှန်ကြားရေး မှူး ဦးမင်းထွန်းစိုး က ပြောပါတယ်။

ဒီနှစ်ကုန်မှာ ဒိုက်ဦးထောင်နဲ့ ကျိုက်မရောထောင်ကို စတင်အသုံးပြုသွားမှာဖြစ်ပြီး မိုးညှင်းထောင်ကို ဒီနေ့ သန့်ရှင်းရေးစတင်လုပ်ဆောင်နေတယ်လို့ ဒုတိယညွှန်ကြားရေးမှူး ဦးမင်းထွန်းစိုး က ပြောပါတယ်။

"အင်းစိန်ထောင် လူကျပ်နေတယ်ဆိုရင် ဒိုက်ဦးကိုပို့မှာ လောလောဆယ်ကျတော်တို့ ဒိုက်ဦးထောင်တော့ ဖွင့်ပါပြီ ဖွင့်ခွင့်တော့ ရထားပြီးသွား ပြီ မြစ်ကြီးနားက အဖွဲ့တွေ လူကျပ်လို့ မိုးညှင်းကိုပြောင်းထားတယ် အခုလောလောဆယ်တော့ သန့်ရှင်းရေးလုပ်တာ လူ ၁၀၀ ဘဲ ရှိပါသေးတယ် လူ ၁၀၀ ကဒီနေ့ စပို့တာပေါ့ ဒီနှစ်ကုန်လောက်ဆိုရင်တော့ အကုန်ထားနိုင်မှာပါ ဒိုက်ဦးနဲ့ ကျိုက်မရောထောင်ဘဲ"

အရင်ရှိနေတဲ့အကျဉ်းထောင်တွေဟာ အကျဉ်းသား ၅၀၀ ကိုသာ ထားရှိဖို့ ဆောက်လုပ်ထားတာ ဖြစ်ပေမယ့် လူ ၁၀၀၀ လောက် ထားနေရတဲ့အတွက် အခုလိုတိုးချဲ့ဆောက်လုပ်တာ ဖြစ်တယ်လို့လည်း ပြောပါတယ်။

ဆောက်လုပ်ပြီးသွားတဲ့ အကျဉ်းထောင် ၃ ခုအပါအဝင် လက်ရှိမြန်မာနိုင်ငံမှာ အကျဉ်းထောင် ၄၀ ကျော် ရှိနေပြီး အကျဉ်းသား ဦးရေ ၈ သောင်းကျော် ရှိနေပါ တယ်။ လိုအပ်တဲ့ အကျဉ်းဦးစီးဝန်ထမ်း ခန့်အပ်ဖို့အတွက်လည်း ဆက်လက်ဆောင်ရွက်သွားဖို့ ရှိတယ်လို့ ပြောပါတယ်။

မကွေးတိုင်းဒေသကြီးမှာလည်း အကျဉ်းထောင် တစ်ခု တည်ဆောက်နေပြီး နောက်ထပ် ၃ နှစ်နေမှသာ ပြီးစီးနိုင်မယ်လို့ ဆိုပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ