မူစယ်တဘက်ခြမ်း ရွှေလီမှာ မြန်မာနိုင်ငံသား အလုပ်သမားတွေကို တရုတ်အာဏာပိုင်များ အပြင်းအထန် စစ်ဆေးဖမ်းဆီး

ဓါတ်ပုံ- တရုတ်ဘက်ခြမ်းဝင်ရောက်အလုပ်လုပ်ကိုင်ရန် မြန်မာနိုင်ငံသားများကိုင်ဆောင်သည့် ပတ်စပို့စာအုပ်များ
သြဂတ်စ် ၉ ရက် ၂၀၁၇

သျှမ်းပြည်မြောက်ပိုင်း တရုတ်-မြန်မာနယ်စပ် ရွှေလီ(မိုင်းမောဝ်)ဒေသမှာ ခုတလော တရုတ်အာဏာပိုင်တွေကနေ တရားမ၀င်နေထိုင်အလုပ်လုပ်နေတဲ့မြန်မာနိုင်ငံသားတွေကို ဖမ်းဆီးစစ်ဆေးမှုတွေပြုလုပ်နေပါတယ်။

အခုလဆန်းကစပြီး တရုတ်အာဏာပိုင်တွေက ဖမ်းဆီးမှုတွေပြုလုပ်လာနေတာဖြစ်ပါတယ်။

တရက်ကို မြန်မာနိုင်ငံသား ၈၀ ကနေ ၁၀၀ အထိဖမ်း ဆီးနေပြီးတော့ တရုတ်ဘက်ခြမ်းက ထောင်ထဲမှာ ၃ လကနေ ၆ လအထိ ထောင်ချပြီးမှပြန်လွှတ်ပေးတယ်လို့ရွှေလီ ဘက်မှာနေထိုင်သူတွေကပြောပါတယ်။

"လုပ်ငန်းခွင်တွေမှာ ၊ လမ်းပေါ်မှာ ၊အလုပ်သမားတန်း လျားတွေမှာ ၀င်ရောက်စစ်ဆေးပြီးဖမ်းဆီးနေတာ။ မူးယစ်ဆေးဝါးမှုပါရင်ပိုဆိုးတယ်။ ၂ နှစ် ၃ နှစ်ထောင်ချပြီးမှ ပြန်လွတ်ပေးတာ။ "-လို့ ရွှေလီဒေသခံ စိုင်းခမ်းစက်ကပြော ပါတယ်။

ရွှေလီမှာနေထိုင်အလုပ်လုပ်ဖို့အတွက် မြန်မာနိုင်ငံသားတွေ ဟာ အစိမ်းရောင်ပတ်စပို့ကိုင်ဆောင်ရမှာဖြစ်ပြီး အဲဒီအတွက် တရုတ်ငွေ ယွမ် ၂၀၀ (မြန်မာငွေ ကျပ် ၅ သောင်း)လောက် ကုန်ကျရမှာဖြစ်ပါတယ်။ အဲဒီအစိမ်းရောင်ပတ်စပို့အတွက် တရုတ်သူဌေးကနေ အာမခံချက်ပေးရမှာဖြစ်ကြောင်း၊ တနှစ်ကို ၂ ကြိမ်သက်တမ်းတိုးရမှာဖြစ်ကြောင်း၊ သက်တမ်းတခါတိုးရင် ၆ လ နေထိုင်ခွင့်ရှိကြောင်း သိရပါတယ်။

"အဲ့အစိမ်းရောင်စာအုပ် ကိုင်ဆောင်ရင် သွားလာလို့ရတယ်။ အလုပ်လုပ်လို့ရတယ်။ အရင်ကတော့ ၇ ရက်သက်တမ်းရှိတဲ့ စာရွက်လုပ်ပေးတယ်။ ခုနောက်ပိုင်းတရုတ်ဘက်က လက်မခံတော့တာ။ မြန်မာဘက်ကအာဏာပိုင်တွေလုပ်ပေး တာက အဲဒီ ၇ ရက်သက်တမ်းက ဓါတ်ပုံလဲမကြည်ဘူး။ မြန်မာနိုင်ငံဘက်က နေရပ်လိပ်စာလဲမပါဘူး ဆိုပြီးတော့လေ။ အနီရောင်စာအုပ်တော့ရတယ်။ ၇ ရက်သက်တမ်း။ ဒါမယ့်တရုတ်ဘက်မှာအိပ်လို့မရဘူး။" - လို့ စိုင်းခမ်းစက်က သျှမ်းသံတော်ဆင့်ကိုရှင်းပြပါတယ်။

လုပ်အားခ ကတော့ အလုပ်အပေါ်မှာမူတည်ပြီးတော့ တရက်ကိုယွမ်ငွေ ၅၀ ကနေ ၈၀ အထိရရှိကြောင်း၊ လစားအလုပ်သမားတွေကတော့အနည်းဆုံး တလကိုယွမ်ငွေ ၁၅၀၀ ၀န်းကျင်ရရှိကြောင်း ဆိုပါတယ်။

မြန်မာနိုင်ငံဘက်ကနေသွားတဲ့ အလုပ်သမားတွေဟာ သစ်ဖြတ်စက် ၊ ဆောက်လုပ်ရေးလုပ်ငန်း၊ ကုန်တင်ကုန်ချ ၊ ကျောက်အရောင်းအ၀ယ် စတဲ့အလုပ်တွေမှာ သွားရောက်လုပ်ကိုင်ကြတယ်လို့လည်းသိရပါတယ်။

သျှမ်းသံတော်ဆင့်
Panglong(Burmese)
https://www.facebook.com/Panglong.burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ