ဗြိတိန်မော်ဒယ်လိင်ကျွန်အဖြစ် ရောင်းစားဖို့ ကြံစည်ခံခဲ့ရ

ဖမ်းဆီးခံနေရတဲ့ အချိန်အတွင်း ကြောက်လန့်ဖွယ် အခြေအနေတွေ ကြုံတွေ့ခဲ့ရ
အီတလီနိုင်ငံမှာ လူဆိုး ဂိုဏ်း တခု လက်ထဲကနေ လွတ်မြောက်လာခဲ့တဲ့ ဗြိတိန် ဖက်ရှင် အလှမယ်က သူ့ကို အရှေ့အလယ်ပိုင်း တိုင်းပြည်တွေဆီ လိင်ကျေးကျွန် အဖြစ် ရောင်းစားဖို့ ကြံစည်ခံခဲ့ရတယ်လို့ သူ့ ရှေ့နေက တဆင့်ပြောပါတယ်။

အသက် ၂၀ နှစ် အရွယ် မော်ဒယ် Chloe Ayling က သူ့ကို ဖမ်းထားသူတွေ အပေါ် ဘယ်လို လှည့်စားပြီး လွတ်မြောက်အောင် ကြိုးစားခဲ့ရတဲ့ အကြောင်းတွေကိုလည်း ရှေ့နေ ဖရန်ချက်စ္စကိုပက်ချီက ဘီဘီစီကို ပြောပါတယ်။

ပြီးခဲ့တဲ့ ဇူလိုင် ၁၁ ရက်နေ့တုန်းက အီတလီ နိုင်ငံ မီလန်မြို့မှာ ဓာတ်ပုံရိုက်ဖို့ ရောက်နေတဲ့ Chloe Ayling ကို Black Death အမည်နဲ့ လူဆိုး အဖွဲ့က ဖမ်းဆီးသွားပြီး ၅ ရက် အကြာမှ ပြန်လည် လွတ်မြောက်လာခဲ့တာပါ။

သူ့ကို ဖမ်းဆီးခဲ့တဲ့ သူတွေက အွန်လိုင်းမှာ Chloe Ayling ကို ပေါင် ၂၃၀,ဝ၀ဝ နဲ့ ရောင်းစားဖို့ ကြိုးစားခဲ့သလို သူ့ ကိုယ်စားလှယ်ကိုလည်း ပြန်ပေးကြေးတောင်းခဲ့တယ်လို့ အီတလီ ရဲတပ်ဖွဲ့က ပြောပါတယ်။

ရှေ့နေ ပက်ချီရဲ့ ပြောဆိုချက်မှာတော့ Chloe Ayling ကို အရှေ့အလယ်ပိုင်းဒေသက လူ တယောက် ဆီကို ရောင်းဖို့ စီစဉ်ခဲ့တယ်လို့ ဆိုပါတယ်။ ဒါ့အပြင် အသက် အန္တရာယ် ခြိမ်းခြောက် ခံနေရတဲ့ အတွက် သူ့ကို ဖမ်းထားတဲ့ သူနဲ့ အတူ ဈေးဝယ်ထွက်ခဲ့တယ်လို့လည်း ပြောပါတယ်။ ဖမ်းထားသူက သူ့ကို တချိန်ချိန်မှာ ပြန်လွှတ်ပေးမယ်လို့ ဆိုတဲ့ အတွက် ဖမ်းထားသူနဲ့ ဆက်ဆံရေး ပြေလည်အောင် ဟန်ဆောင် နေထိုင်တာက အကောင်းဆုံး ဖြစ်မယ်လို့ Chloe Ayling ယူဆခဲ့ကြောင်း ရှေ့နေက ပြောပါတယ်။

 ပြန်ပေးဆွဲမှုမှာ သံသယ တရားခံ အဖြစ် ဖမ်းဆီးခံထားရသူ ပိုလန်နိုင်ငံသား လူကပ်စ်ဗာဗာရဲ့ ဓာတ်ပုံကို အီတလီရဲက ထုတ်ပြန်ထား
Chloe Ayling လွတ်မြောက်လာပြီးနောက်မှာ အီတလီမှာ တရားရုံး အကြို ကြားနာတာတွေ လုပ်ခဲ့ရလို့ လန်ဒန်တောင်ပိုင်း ကူလ်စဒန် အရပ်က သူ့ နေအိမ်ကိုတော့ သူခရီးထွက်သွားပြီး ၂၆ ရက် အကြာ ပြီးခဲ့တဲ့ တနင်္ဂနွေနေ့ကမှ ပြန်လည်ရောက်ရှိခဲ့ပါတယ်။

ဒီ အမှုနဲ့ ပတ်သက်ပြီး အင်္ဂလန် အနောက်အလယ်ပိုင်း အိုးလ်ဘူရီ မှာ နေထိုင်နေတဲ့ ပိုလန် နိုင်ငံသား လူကပ်စ်ဟာဗာကို ရဲက ဖမ်းဆီးထားပြီး အီတလီ၊ ပိုလန်နဲ့ ယူကေနိုင်ငံတွေမှာ ဆက်လက် စုံစမ်းစစ်ဆေးတာတွေ ပြုလုပ်နေပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ