ဗင်နီဇွဲလား ထောင်ဆူမှုဖြစ်ပွားရာ အကျဉ်းသား ၃၇ ဦးသေဆုံး

ဗင်နီဇွဲလားနိုင်ငံ၌ ထောင်ဆူမှု ဖြစ်ပွားနေသည်ကို လုံခြုံရေးတပ်ဖွဲ့ ဝင်များက ရှင်းလင်းနေစဉ် (ဓာတ်ပုံ-အင်တာနက်)
    ကာရာကပ်စ် ၊ သြဂုတ် ၁၇ ရက်(ဆင်ဟွာ)

    ဗင်နီဇွဲလားနိုင်ငံ တောင်ပိုင်း Amazonas ပြည်နယ်ရှိ အကျဉ်းထောင်တစ်ခုတွင် ထောင်ဆူမှုဖြစ်ပွားရာ အကျဉ်းသား ၃၇ ဦးထက်မနည်း သေဆုံးသွားကြောင်း အစိုးရရှေ့ နေချုပ်ရုံးက သြဂုတ်လ ၁၆ ရက်တွင် ပြောကြားခဲ့သည်။

အကျဉ်းသားများ နှင့် ရဲတပ်ဖွဲ့ ဝင်များအကြား အဓိကရုဏ်းဖြစ်ပွားရာမှ တဆင့် လူသေဆုံးမှုဖြစ်ပွားခဲ့ခြင်းဖြစ်ပြီး ယင်းဖြစ်စဉ်ကြောင့် ရဲအရာရှိ ၁၄ ဦးထိခိုက်ဒဏ်ရာရသွားကြောင်း တာဝန်ရှိသူများက ဆိုသည်။

Amazonas မြို့ တော်ဝန် Liborio Guarulla က တွစ်တာလူမှုကွန်ရက်ပေါ်မှတဆင့် ရေးသားရာတွင် သတ်ဖြတ်မှုများမှာ Puerto Ayacucho မြို့ ရှိ အကျဉ်းထောင်၌ ဖြစ်ပွားခဲ့ခြင်းဖြစ်ကြောင်း အတည်ပြုဖော်ပြထားသည်။

၎င်းက အဆိုပါ သေဆုံးမှုများအတွက် FAN အထူးရဲတပ်ဖွဲ့ ဝင်များ (သို့ မဟုတ်) အမျိုးသားလက်နက်ကိုင်တပ်ဖွဲ့ ဝင်များကို ပြစ်တင်ပြောကြားထားသည်။

အခင်းဖြစ်မှု နှင့်ပတ်သက်၍ အာဏာပိုင်များက စုံစမ်းစစ်ဆေးလျက်ရှိသည်။

လွန်ခဲ့သော နှစ်များအတွင်း ဗင်နီဇွဲလားနိုင်ငံ၌ လူအများအပြားသေဆုံးသည့် ထောင်ဆူမှုများ မကြာခဏ ဖြစ်ပွားခဲ့သည်။ ပြီးခဲ့သော ဧပြီလက Jose Antonio Anzoategui အကျဉ်းထောင် ဆူပူမှုအတွင်း အနည်းဆုံး လူပေါင်း ၁၂ ဦးသေဆုံးပြီး ၁၁ ဦးထိခိုက်ဒဏ်ရာရခဲ့ကြောင်း သိရသည်။

၂၀၁၃ ခုနှစ် ဇန်နဝါရီလက နိုင်ငံအနောက်မြောက်ပိုင်းရှိ Uribana အကျဉ်းထောင်၌ ဖြစ်ပွားခဲ့သော အကျဉ်းသား နှင့် ထောင်လုံခြုံရေးဝန်ထမ်းများအကြား ပဋိပက္ခအတွင်း လူပေါင်း ၆၁ ဦး သေဆုံးခဲ့ရသည်။

ရေနံပေါကြွယ်ဝသော ဗင်နီဇွဲလားနိုင်ငံ၌ ရေနံဈေးကျဆင်းမှု အကျပ်အတည်းကြောင့် စီးပွားရေးထိခိုက်လျက်ရှိရာ လုံခြုံရေးပြဿနာများလည်း ကြုံတွေ့ နေရသည်။

ဗင်နီဇွဲလားနိုင်ငံသမ္မတ Nicolas Maduro က အမျိုးသားညီလာခံကို ကျင်းပပြီး ဖွဲ့ စည်းပုံအခြေခံဥပဒေပြင်ဆင်ရေးကို လုပ်ဆောင်ရန် အမိန့် ပေးထားသည်။ သို့ သော်လည်း အတိုက်အခံပါတီများက ငြင်းပယ်ထားကြောင်း သိရသည်။

(Xinhua)
http://xinhuamyanmar.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ