တိုင်းနဲ့ ပြည်နယ် ၆ ခုမှာ မိုးကြီးနိုင်

ဧရာဝတီမြစ်ရေတက်လာတာကို တွေ့ရစဉ်။ Photo: Kyaw Myo Min/RFA
ကပ္ပလီပင်လယ်နဲ့ ဘင်္ဂလားပင်လယ်အော်မှာ မုတ်သုံလေအားကောင်းနေတာကြောင့် တိုင်းဒေသကြီးနဲ့ ပြည်နယ် ၆ ခုတို့မှာ နောက် ၂ ရက်လောက်အထိ မိုးကြီးနိုင်တယ်လို့ မိုးလေ၀သနဲ့ ဇလဗေဒညွှန်ကြားမှု ဦးစီးဌာနက သတင်းထုတ်ပြန်ပါတယ်။

ပင်လယ်ပြင်မှာလည်း မိုးသည်းပြီး လေပြင်းထန်နိုင်တဲ့အတွက် ပင်လယ်ခရီးသွားမယ့်သူတွေအနေနဲ့ သတိထားဖို့ လိုအပ်တယ်လို့လည်း မိုးလေ၀နဲ့ ဇလဗေဒညွှန်ကြားမှု ဦးစီးဌာန ဒုတိယ ညွှန်ကြားရေးမှူးချုပ် ဦးကျော်မိုးဦးက ပြော ပါတယ်။

"မုတ်သုန်အင်အား ကောင်းနေတယ်။ ကောင်းနေပြီးတော့မှ တိမ်ကတော့ များသောအားဖြင့် ဒီပင်လယ်ထဲ မှာ များတယ်ပေါ့နော်။ ပင်လယ်ပြင်မှာပဲ အဓိက မိုးသည်းထန်နိုင်ပြီးတော့မှ လေပြင်းတိုက်မှုဖြစ်စဉ်တွေ ပင်လယ်မှာတော့ ဖြစ်နိုင်တယ်ပေါ့နော်။ ကုန်းပေါ်မှာတော့ နေရာကွက်မိုးကြီးမှု ဖြစ်စဉ်တွေ ဖြစ်နိုင် တယ်ပေါ့နော်။ အထူးသဖြင့်တော့ မြစ်ဝကျွန်းပေါ်၊ မွန်၊ တနင်္သာရီကမ်းရိုးတစ်လျှောက်သွားနေ တဲ့ ပြည်သူတွေအနေနဲ့ ပင်လယ်ထဲမှာလည်း ခုနကပြောသလို မိုးသက်လေပြင်းကျနိုင်တဲ့ အနေထားလေးတွေ ရှိတဲ့အတွက်ကြောင့်မို့လို့ ပင်လယ်ပြင်ခရီးသွားမယ်ဆိုရင်တော့ သတိပြုသွားလာဖို့ လိုပါတယ်"

စစ်ကိုင်းတိုင်းအထက်ပိုင်း၊ ပဲခူးတိုင်း၊ တနင်္သာရီတိုင်း၊ ရခိုင်ပြည်နယ်၊ ကရင်ပြည်နယ်နဲ့ မွန်ပြည်နယ်တွေ မှာ နေရာကွက်ပြီး မိုးကြီးနိုင်တယ်လို့ မိုးလေ၀သနှင့် ဇလဗေဒ ညွှန်ကြားမှု ဦးစီးဌာန ကထုတ်ပြန်ထားတာပါ။

ဒါ့အပြင် မကွေးတိုင်း၊ နေပြည်တော်၊ မန္တလေးတိုင်း၊ ရှမ်းပြည်နယ်၊ ရန်ကုန်တိုင်း၊ ဧရာဝတီတိုင်း၊ ကချင်ပြည်နယ်နဲ့ ကယားပြည်နယ်တွေမှာလည်း မိုးရွာနိုင်တယ်လို့လည်း ထုတ်ပြန်ချက်မှာ ပါရှိပါတယ်။

မိုးလေ၀သပညာရှင် ဒေါက်တာထွန်းလွင်ကလည်း ဧရာဝတီမြစ်ရေဟာ ရွှေကူနဲ့ ကသာမြို့၊ ချင်းတွင်းမြစ်ရေဟာ ခန္တီး၊ ဟုမ္မလင်း၊ ဖောင်းပြင်၊ မော်လိုက်မြို့တွေမှာ စိုးရိမ်ရေမှတ်အထက် ရောက်ရှိနေတယ်လို့ သတိပေးထား ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ