မွန်ပြည်သစ်ပါတီနဲ့ တပ်မတော် ဆွေးနွေး

မွန်ပြည်သစ်ပါတီရဲ့ ပြည်တွင်းတာဝန်ခံ နိုင်ဝင်းလှ ကို တွေ့ရစဉ်။ Photo: Kyaw Lwin Oo/RFA
မွန်ပြည်သစ်ပါတီရဲ့ မော်လမြိုင်ခရိုင်စခန်းအနီးမှာ တပ်မတော်က စစ်ရေးလှုပ်ရှားတာတွေနဲ့ ပတ်သက်ပြီး မွန်ပြည်သစ်ပါတီ ဒုတိယဥက္ကဌ ဦးဆောင်တဲ့အဖွဲ့နဲ့ တပ်မတော်အမှတ် ၄ စစ်ဆင်ရေးအထူးအဖွဲ့(ကထစမှူး) ဦးဆောင်တဲ့အဖွဲ့တွေဟာ မနေ့က ရေးမြို့မှာ တွေ့ဆုံဆွေးနွေးခဲ့ပါတယ်။

ငြိမ်းချမ်းရေးအတွက် NCA လမ်းကြောင်းအတိုင်းသွားနေတဲ့အချိန်မှာ ယုံကြည်မှုကို ပျက်ပြားစေနိုင်တဲ့အတွက် မွန်ပြည်သစ်ပါတီရဲ့ စခန်းတွေနားကနေ တပ်မတော်ရဲ့ တပ်တွေပြန်ရုပ်သိမ်းဖို့အပါအဝင် နှစ်ဖက်အပြန် အလှန်ဆွေးနွေးခဲ့တာလို့ မွန်ပြည်သစ်ပါတီရဲ့ ပြည်တွင်းတာဝန်ခံ နိုင်ဝင်းလှက ပြောပါတယ်။

"နှစ်ဖက်ပြေလည်အောင် မနေ့က မွန်ပြည်နယ်ပါတီက ကိုယ်စားလှယ်အဖွဲ့နဲ့ တပ်မတော် တွေ့ဆုံညှိနှိုင်းခဲ့ပါတယ်"

မနေ့ကတွေဆုံပွဲမှာ မွန်ပြည်သစ်ပါတီဘက်က ဒုတိယဥက္ကဌ နိုင်ဟံသာ၊ အထွေထွေအတွင်းရေးမှူး နိုင်အောင်မင်း၊ စစ်ဦးစီးချုပ် ဗိုလ်ချုပ်လယီကောင်း၊ ပြည်တွင်းတာဝန်ခံ နိုင်ဝင်းလှ၊ နိုင်အောင်မငေးတို့ တတ်ရောက်ခဲ့ပြီး တပ်မတော် ဘက်က ဒုတိယဗိုလ်ချုပ်ကြီး မင်းနောင်၊ အရှေ့တောင်တိုင်းစစ်ဌာနချုပ် တိုင်းမှူး ဗိုလ်ချုပ်မျိုးဝင်း၊ စခက ၁၉ က ခေတ္တ စခကမှူး ဗိုလ်မှူးကြီး စိုးထွန်းတို့ တက်ရောက်ခဲ့ပါတယ်။

ပြီးခဲ့တဲ့ သြဂုတ်လ ၇ ရက်နေ့က မွန်တော်လှန်ရေးနေ့မှာ မွန်ပြည်သစ်ပါတီက စစ်ရေးပြ အခမ်းအနားတွေ ကျင်းပတာ သေနတ်ဖောက်တာတွေကြောင့် တပ်မတော်က မွန်ပြည်သစ်ပါတီ တပ်စခန်းတွေနားမှာ တပ်တွေ ချထားတာတွေရှိခဲ့ပြီး ခုချိန်ထိရှိနေတယ်လို့ သိရပါတယ်။

ပြီးခဲ့တဲ့ မွန်အမျိုးသားနေ့တုန်းကလည်း အခုလို စစ်ရေးပြတာ၊သေနတ်ဖောက်တာတွေကြောင့် စစ်ရေးတင်းမာ မှုတွေ ဖြစ်ခဲ့ပါတယ်။

ဒီနေ့လည်ပိုင်းမှာလည်း မွန်ပြည်သစ်ပါတီနဲ့ မွန်ပြည်နယ်အစိုးရအဖွဲ့တို့ တွေဆုံဖို့စီစဉ်ခဲ့ပေမယ့် အစိုးရဘက်က အကြောင်းမပြန်တာကြောင့် တွေ့ဆုံပွဲပျက်ခဲ့ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ