မကွေးတိုင်းဒေသကြီးဝန်ကြီးချုပ် ဒေါက်တာ အောင်မိုးညို ကို တွေ့ရစဉ်။ Photo: RFA |
အဲဒီကိစ္စကို မနေ့က နေပြည်တော်က နိုင်ငံတော်အတိုင်ပင်ခံပုဂ္ဂိုလ်နဲ့ ဝန်ကြီးချုပ်တို့ Video Conferencing Meeting လုပ်ရာမှာ တင်ပြထားတယ်လို့ မကွေးတိုင်းဝန်ကြီးချုပ် ဒေါက်တာအောင်မိုးညိုက ပြောပါတယ်။
"အကွက်နှစ်ကွက်တွေ့တာ၊ ပထမတစ်ကွက်က အလျားမိုင် ၂၀ နဲ့ အနံ ၃ မိုင်လောက်ရှိတယ်၊ နောက်တစ်ကွက် က အလျား ၉ မိုင်နဲ့ အနံ ၃ မိုင်လောက်ရှိတယ်၊ ဒီနေရာမှာ သေချာပေါက်ရှိနိုင်တယ်၊ တည်ဆဲရေနံမြေနဲ့လည်း တဆက်တစပ်တည်းဖြစ်တဲ့အတွက်ကြောင့် စမ်းပြီးတော့ တူးစေချင်တယ်ပေ့ါ၊ လုပ်ထုံးလုပ်နည်းအရတော့ ဘူမိဗေဒ ဆာဗေးလုပ်ပြီးတော့ တွက်တာချက်တာလုပ်မယ်၊ ဒေါ်အောင်ဆန်းစုကြည်ကိုလည်း တင်ပြခဲ့ပြီးပြီ၊ တရားဝင်အားဖြင့် ဒီနေ့ ကျနော်တို့က ဒါတွေ Video Conferencing မှာ နိုင်ငံတော်၏အတိုင်ပင်ခံပုဂ္ဂိုလ်နဲ့ ပြောခဲ့ပါတယ်၊ ဒါတွေဆောင်ရွက်ပေးပါဆိုပြီး စာတင်လိုက်ပြီ"
အဲဒီ ရေနံမြေအကွက်သစ် နှစ်ကွက်ဟာ အလျား မိုင် ၂၀၊ အနံ ၃ မိုင် ရှိတဲ့ တစ်ကွက်နဲ့ အလျား ၉ မိုင်နဲ့ အနံ ၃ မိုင် လောက်ရှိတဲ့ အကွက်တစ်ကွက်ဖြစ်တယ်လို့ ဝန်ကြီးချုပ်က ပြောပါတယ်။
အဲဒီရေနံမြေအသစ်ကို အရင်က မြန်မာ့ရေနံဌာနမှာ တာဝန်ထမ်းဆောင်ခဲ့တဲ့ ဦးအောင်မင်းဆိုတဲ့ ဘူမိဗေဒပညာရှင် တစ်ဦးက လွန်ခဲ့တဲ့ ၂၀၀၉ ခုနှစ်ကတည်းက တွေ့ရှိခဲ့တာဖြစ်ပြီး အခုအစိုးရ လက်ထက်မှ ထုတ်ဖော်ပြောတာလို့ ပြောပါတယ်။
အဲဒီ ရေနံမြေကွက်သစ်တွေကို ပြည်ထောင်စုအစိုးရကို တရားဝင်တင်ပြပြီးပါက သက်ဆိုင်ရာဝန်ကြီးဌာနနဲ့ လာမယ့် ၆ လတာကာလအတွင်း စမ်းသပ်တူးဖော်တာတွေလုပ်မယ်လို့ ပြောပါတယ်။
ဒါ့အပြင် မကွေးတိုင်း စေတုတ္တရာနဲ့ ချင်းပြည်နယ် ကန်ပက်လက်မြို့နယ်အစပ်နားက သတ္တုသိုက် ကျောက်တောင် တစ်ခုကိုလည်း ရှာဖွေတွေ့ရှိထားတယ်လို့ ပြောပါတယ်။
အဲဒီကျောက်တောင်က ကျောက်တုံးနမူနာကိုလည်း နိုင်ငံတော်အတိုင်ပင်ခံရုံးကို ပို့ထားပြီးဖြစ်သလို သက်ဆိုင်ရာ ပြည်ထောင်စုဝန်ကြီးဌာနဆီလည်း အကြောင်းကြားထားတယ်လို့ ပြောပါတယ်။
RFA Burmese
http://www.rfa.org/burmese
မကွေးမှာ ရေနံမြေအသစ် နှစ်ခု တွေ့ရှိ
Reviewed by THITHTOOLWIN
on
01:05
Rating: