ဆက်သွယ်ရေး ဥပဒေပုဒ်မ ၆၆(ဃ)ကို အာမခံပေး ပြည်သူ့လွှတ်တော် အတည်ပြု

ပြည်သူ့လွှတ်တော် အစည်းအဝေးကျင်းပနေစဉ်
ဆက်သွယ်ရေး ဥပဒေကို ပြင်ဆင်တဲ့ ဥပဒေကြမ်းကို ဒီကနေ့ ပြည်သူ့လွှတ်တော် အစည်းအဝေးမှာ ဆွေးနွေး အတည်ပြုရာမှာ ပုဒ်မ ၆၆ ဃ နဲ့ တိုင်ကြားခံရသူကို အာမခံပေးဖို့၊ ပြစ်ဒဏ်ကို ထောက်ဒဏ် ၂ နှစ်အထိ လျှော့ချဖို့ စတဲ့အချက်တွေကို ပြင်ဆင်ပြီး အတည်ပြုလိုက်ပါတယ်။

အမျိုးသားလွှတ်တော်မှာ ဆွေးနွေးအတည်ပြုပြီး ပေးပို့လာတဲ့ ဆက်သွယ်ရေး ဥပဒေကို ပြင်ဆင်တဲ့ ဥပဒေကြမ်းကို ဒီကနေ့ ပြည်သူ့လွှတ်တော်မှာ တစ်ပိုဒ်ချင်းစီအလိုက် ဆွေးနွေးပြီး အတည်ပြုခဲ့တာဖြစ်ပါတယ်။

ပြည်သူ့လွှတ်တော်ဥပဒေကြမ်း ကော်မတီက ပုဒ်မ ၆၆ (ဃ) နဲ့ ပတ်သက်တဲ့ ပြစ်ဒဏ်ကို ထောင်ဒဏ် ၃ နှစ်အောက်နဲ့ အာမခံပေးဖို့ အဆိုပြုထားပေမယ့် ၃ နှစ်အောက်ဆိုတာ ဥပဒေရေးထုံးနဲ့ မညီဘူးလို့ ကိုယ်စား လှယ်အချို့က ဝေဖန်ကြပြီး ထောင်ဒဏ် ၂ နှစ်ထက်မပိုဖို့ ပြင်ဆင်လိုက်တာ ဖြစ်ပါတယ်။

ဒါ့အပြင် ပုဒ်မ ၆၆ ဃနဲ့ တရားစွဲမယ်ဆိုရင် သက်ဆိုင်ရာဝန်ကြီးဌာနရဲ့ ခွင့်ပြုချက်ရယူရမယ်လို့ ဒီကနေ့ ပြည်သူ့ လွှတ်တော်က အတည်ပြုလိုက်ပါတယ်။

အဲဒီလို ခွင့်ပြုချက်ယူရမယ်ဆိုတာဟာ တရားစီရင်ရေးကို အုပ်ချုပ်ရေးကဏ္ဍက လွှမ်းမိုးရာ ရောက်တယ် လို့ ပြည်သူ့လွှတ်တော်ကိုယ်စားလှယ်က ဝေဖန်တာတွေ ရှိပါတယ်။

ဆက်သွယ်ရေး ဥပဒေကို ပြင်ဆင်တဲ့ ဥပဒေကြမ်းနဲ့ ပတ်သက်ပြီး ဒီကနေ့ ပြည်သူ့လွှတ်တော်က အတည်ပြုထား တဲ့အချက်တွေကို အမျိုးသားလွှတ်တော်ကို ပေးပို့ပြီး သဘောထားကွဲလွဲမှုတွေရှိရင် ပြည်ထောင်စုလွှတ်တော်မှာ မဲခွဲဆုံးဖြတ်မှာဖြစ်ပါတယ်။

ဆက်သွယ်ရေး ဥပဒေကို ပြီးခဲ့တဲ့ အစိုးရလက်ထက် ၂၀၁၃ ခုနှစ်မှာ ပြဌာန်းခဲ့တာဖြစ်ပြီး လက်ရှိအချိန်အထိ ဆက်သွယ်ရေး ဥပဒေ ပုဒ်မ ၆၆ (ဃ) နဲ့ တရားစွဲခံရသူ ၇၀ ကျော် ရှိနေပြီဖြစ်ပါတယ်။ အဲဒီအထဲက အများစုဟာ အာမခံမရဘဲ အချုပ်ထောင်ထဲကနေ အမှုရင်ဆိုင်ကြရတာ ဖြစ်ပါတယ်။

RFA Burmese
http://www.rfa.org/burmese
ဆက်သွယ်ရေး ဥပဒေပုဒ်မ ၆၆(ဃ)ကို အာမခံပေး ပြည်သူ့လွှတ်တော် အတည်ပြု ဆက်သွယ်ရေး ဥပဒေပုဒ်မ ၆၆(ဃ)ကို အာမခံပေး ပြည်သူ့လွှတ်တော် အတည်ပြု Reviewed by THITHTOOLWIN on 17:31 Rating: 5
Powered by Blogger.