ကလေးစစ်သားဖြစ်ဖူးသူ ပုဒ်မ ၅၀၅ (ခ) နဲ့ ဖမ်းဆီးခံရ

ကလေးစစ်သားဖြစ်ဖူးသူ ကိုအောင်ကိုထွေး ကို တွေ့ရစဉ်။ Photo: Aung Thain Kha/RFA
ကလေးစစ်သားအဖြစ် စုဆောင်းခံခဲ့ရဖူးတဲ့ ကိုအောင်ကိုထွေး အကြောင်းကို လွတ်လပ်တဲ့အာရှအသံ RFA က မေးမြန်းရာမှာ ဖြေကြားခဲ့တာကြောင့် ကာယကံရှင်ဖြစ်သူ ကိုအောင်ကိုထွေးကို မနေ့ညက နိုင်ငံတော် အကြည်ညိုပျက်စေမှု ပုဒ်မ ၅၀၅ (ခ) နဲ့ ဖမ်းဆီးလိုက်ပါတယ်။

RFA က ထုတ်လွှင့်ခဲ့တဲ့ သူ့အကြောင်းရုပ်သံတင်ပြချက်ကြောင့်လို့ လာရောက်ဖမ်းဆီးစဉ် ရဲတပ်ဖွဲ့က ပြောတယ်လို့ ကိုအောင်ကိုထွေးရဲ့ အစ်မဖြစ်သူ မနေဇာထွန်း က ပြောပါတယ်။

"တရားလိုက ဒုတိယဗိုလ်မှူးကြီး မျိုးမြင့်အောင် ကတရားလိုလုပ်ပြီးတော့ စခန်းမှူးက ည ၉ နာရီကျော်က လာဖမ်းတာ။ လူအင်အား ၂၀ ကျော်၊ ၃၀ လောက်တော့ရှိမယ်၊ သူတို့လာဖမ်းတဲ့ဟာက ၅၀၅ (ခ) နဲ့ နိုင်ငံတော်အကြည်ညိုပျက်အောင် RFA သတင်းမှာ လွှင့်ထားတယ်။ ဟုတ်ပါလားဆိုတော့ ဟုတ်တယ်။ အဲဒီအတွက် လာဖမ်းတာ။ ဒီမှာဖမ်းဝရမ်းပါတယ်ဆိုပြီး ဖမ်းဝရမ်းပြပြီး အစ်မမောင်လေးကို ညကခေါ် သွားတာ"
ပြီးခဲ့တဲ့ သြဂုတ်လ ၁၀ ရက်နေ့က လွတ်လပ်တဲ့အာရှအသံ RFA ကနေ ကလေးစစ်သားအဖြစ် စုဆောင်းခံရတဲ့ ကိုအောင်ကိုထွေး အကြောင်းကို ရုပ်သံတင်ပြချက် ထုတ်လွှင့်ခဲ့တာဖြစ်ပါတယ်။

ကိုအောင်ကိုထွေးကို ဒဂုံမြို့သစ်ဆိပ်ကမ်းမြို့နယ် ရဲစခန်းမှာ ဒီနေ့နေ့လည်ပိုင်းအထိ ထိန်းသိမ်းထားရာကနေ အင်းစိန်အကျဉ်းထောင်ကို ညနေပိုင်းမှာ ပို့ဆောင်လိုက်တယ်လို့ ကိုအောင်ကိုထွေးရဲ့ အစ်မက ပြောပါတယ်။

လာမယ့် စက်တင်ဘာလ ၁ ရက်နေ့မှာ ဒဂုံမြို့သစ်ဆိပ်ကမ်းမြို့နယ် တရားရုံးမှာ ရုံးထုတ်စစ်ဆေးသွားမှာဖြစ် ပါတယ်။

ကိုအောင်ကိုထွေးဟာ လွန်ခဲ့တဲ့ ၂၀၀၅ ခုနှစ်က သူငယ်ချင်းတစ်ဦးနဲအတူ ညဖက် နေပြည်တော်က ပြန်လာစဉ် ရန်ကုန်ဘူတာကြီးမှာ ကလေးစစ်သားအဖြစ် ခေါ်ဆောင်သွားခံရပါတယ်။

သူ့သူငယ်ချင်းက ထွက်ပြေးလွတ်မြောက်ခဲ့ပါတယ်။ သူဟာ တပ်မတော် တပ်ရင်းတစ်ခုမှာ ၂ နှစ်နီးပါးလောက်နေ ခဲ့ရပြီး ထွက်ပြေးစဉ် ဆိုင်ကယ်လုယက်ရင်း အတူပြေးလာသူထဲကတစ်ဦးက လူသတ်မိတာကြောင့် သူပါ လူသတ်မှုနဲ့ သေဒဏ်ကျခဲ့ပါတယ်။

နောက်ပိုင်း သေဒဏ်ကနေ တသက်တကျွန်း၊ တသက်တကျွန်းကနေ ထောင်ဒဏ် ၁၀ နှစ်ပြောင်းခံရပြီး ဒီနှစ် ဇူလိုင်လ ၇ ရက်နေ့မှာ မန္တလေး အိုးဘိုထောင်ကနေ လွတ်မြောက်လာခဲ့တာဖြစ်ပါတယ်။

ပုဒ်မ ၅၀၅ (ခ) ဟာ နိုင်ငံတော်အစိုးရနဲ့ နိုင်ငံတော်ငြိမ်ဝပ်ရေးကို ထိခိုက်သည့် ပြစ်မှုကို တစ်ဦးတယောက်သော သူက ကျူးလွန်ချင်လာအောင် အများပြည်သူကိုသော်လည်းကောင်း၊ အများပြည်သူ၏ သီးခြားလူစုကို သော် လည်းကောင်း၊ ကြောက်ခြင်း၊ ထိတ်လန့်ခြင်း တစ်ခုခုဖြစ်စေရန် အကြံရှိလျှင်၊ သို့တည်းမဟုတ် ထိုသို့ဖြစ်စေ တန်ရာသည့် အကြောင်းရှိလျှင် တရားစွဲဆိုနိုင်တယ်လို့ ပြဌာန်းထားပါတယ်။

ဒီပုဒ်မအရ ပြစ်မှုထင်ရှားရင် ထောင်ဒဏ် ၂ နှစ်အထိ ကျခံနိုင်ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ