မူးယစ်တိုက်ဖျက်ရေးနဲ့ တရားဥပဒေစိုးမိုးရေး အမေရိကန် ကူညီမည်

ဖမ်းဆီးရမိတဲ့ မူးယစ်ဆေးဝါးများကို ရန်ကုန်မှာ မီးရှို့ဖျက်ဆီးနေစဉ်။ Photo: RFA
မြန်မာနိုင်ငံရဲ့ မူးယစ်ဆေးဝါး တိုက်ဖျက်ရေးနဲ့ တရားဥပဒေစိုးမိုးရေးမှာ အမေရိကန်အစိုးရက အကူအညီပေးဖို့ အတွက် မြန်မာနိုင်ငံဆိုင်ရာ အမေရိကန်သံအမတ်ကြီး စကော့မာစီရယ်လ်နဲ့ ယာယီရဲချုပ် ရဲမှူးချုပ် အောင်ဝင်းဦးတို့ ဒီနေ့ နေပြည်တော်မှာ သဘောတူလက်မှတ်ရေးထိုးခဲ့ပါတယ်။

အရပ်ဘက်အဖွဲ့အစည်းတွေ၊ တရားရုံးတွေ၊ ဥပဒေအရာရှိတွေနဲ့ ရဲတွေအပါအဝင် တရားဥပဒေစိုးမိုးရေးကဏ္ဍတွေ မှာ နည်းပညာလေ့ကျင့်သင်တန်းပေးတာ ရုပ်ဝတ္ထု အကူအညီပေးတာတွေမှာ အသုံးပြုဖို့အတွက် အမေရိကန် အစိုးရက ဒေါ်လာ ၁၁ သန်းကျော် ပေးအပ်ခဲ့တယ်လို့ ဒီနေ့ သဘောတူလက်မှတ်ရေးထိုးတာနဲ့ ပတ်သက်ပြီး အမေရိကန်သံရုံးရဲ့ သတင်းထုတ်ပြန်ချက်မှာ ပါရှိပါတယ်။

ဒါ့အပြင် အမေရိကန်ပြည်ထောင်စုဟာ မြန်မာ့တရားရေးကဏ္ဍ ခိုင်မာစေဖို့ ရှေ့နေချုပ်ရုံးနဲ့ ပိုပြီး လက်တွဲဆောင် ရွက်သွားမယ်လို့လည်း သတင်းထုတ်ပြန်ချက်မှာ ပါရှိပါတယ်။

နိုင်ငံဖြတ်ကျော် မှုခင်းတွေနဲ့ အပြည်ပြည်ဆိုင်ရာ လုံခြုံရေးခြိမ်းခြောက်မှုတွေကို တိုက်ဖျက်ဖို့ အစိုးရအင်စတီကျူး ရှင်းတွေနဲ့ လက်တွဲဆောင်ရွက်သွားရေးဟာ အမေရိကန်အစိုးရ ကိုယ်စားပြုတဲ့  အမေရိကန်သံရုံးရဲ့ အဓိက ရည်မှန်းချက်ဖြစ်တယ်လို့ သံအမတ်ကြီး စကော့မာစီရယ်လ်က ပြောကြားခဲ့ကြောင်းလည်း ပါရှိပါတယ်။

ဒါ့အပြင် မြန်မာနိုင်ငံမှာ ထိရောက်ပြီး တရားမျှတတဲ့ တရားဥပဒေစိုးမိုးရေးအဖွဲ့အစည်းတွေ ဖံွ့ဖြိုးလာစေဖို့ အမေရိကန်ပြည်ထောင်စုက အကူအညီတွေပေးသွားမှာဖြစ်ကြောင်းလည်း သံအမတ်ကြီးက ပြောခဲ့တယ်လို့ သိရပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ