သီပေါမြို့နယ် နမ့်ပျဉ်ရွာအနီး ယာဉ်တိုက်မှုမှ လူနာအား ကားဖြင့်တင်သွားပြီး လမ်းတွင် ပစ်ထားခဲ့သည့် အိမ်စီးကားအား ရဲတပ်ဖွဲ့ရှာဖွေနေ

ရှမ်းပြည်နယ်(မြောက်ပိုင်း) သီပေါမြို့နယ် နမ့်ပျဉ်ကျေးရွာအနီးတွင် သြဂုတ်လ(၂၆)ရက်နေ့ ညနေပိုင်းက ဆိုင်ကယ် တစ်စီးနှင့် အိမ်စီးကားတစ်စီး မတော်တဆမှု ဖြစ်ပွားခဲ့ရာ ဆိုင်ကယ်သမားအား ကားဖြင့် သယ်ဆောင်သွားကာ အခြားတစ်နေရာတွင် ပစ်ချထားခဲ့ပြီး သေဆုံးနေသည်ကို တွေ့ရသဖြင့် အဆိုပါ ကားအား ရဲတပ်ဖွဲ့ကရှာဖွေနေကြောင်း သိရသည်။

“အဓိက အဲဒီကားကို ကောင်းကောင်းမှတ်မိလိုက်တဲ့သူမရှိတဲ့အတွက် ဖြစ်နိုင်ချေရှိတာတွေကိုတော့ ရှာဖွေ စုံစမ်း မှုတွေ ပြုလုပ်နေပါတယ်။ လားရှိုးရဲတပ်ဖွဲ့နဲ့ မိုင်းရယ်ရဲတပ်ဖွဲ့တွေအထိ ချိတ်ဆက်ပြီးတော့ ရှာဖွေစုံစမ်းနေပါ တယ်”ဟု သီပေါမြို့မရဲစခန်းမှ နယ်ထိန်းခေါင်းဆောင် ရဲအုပ် ရဲမြင့်အောင်က တာချီလိတ်သတင်းအေဂျင်စီ သို့ပြောသည်။

သီပေါမြို့နယ် ပန်မိတ်ကျေးရွာအုပ်စု နမ့်ပျဉ်ကျေးရွာအနီးတွင် အသက် (၃၀)ခန့် အမျိုးသားတစ်ဦး စီးနင်းလာသည့် မော်တော်ဆိုင်ကယ်နှင့် အိမ်စီးကားတစ်စီးတိုက်မိခဲ့ရာ ဆိုင်ကယ်သမားအား ကားပေါ်မှ အမျိုးသားတစ်ဦးနှင့် အမျိုးသမီးတစ်ဦးတို့က တင်ဆောင်သွားခဲ့ပြီး လမ်းတွင်ပစ်ထားခဲ့ခြင်းဖြစ်ကြောင်း သိရသည်။

“မြင်လိုက်တဲ့သူတွေက လူနာကို သီပေါဆေးရုံကိုပို့တယ်ထင်လို့ ဒီတိုင်းနေတာ။ သီပေါဆေးရုံလည်း မရောက်လာ။ လားရှိုးဆေးရုံကို စုံစမ်းတော့လည်း မရောက်တာကို သိရတယ်။ ဒီမနက် သြဂုတ်(၂၇)ရက်နေ့ မနက်ကျမှ (၉)မိုင် လမ်းခွဲနားမှာ ဆိုင်ကယ်သမားရဲ့အလောင်းကို ပြန်တွေ့ရတာ။ သူ့ကိုသယ်သွားတဲ့ အိမ်စီးကားနဲ့ အမျိုးသား တစ်ဦး၊ အမျိုးသမီးတစ်ဦးကို မြင်လိုက်တဲ့သူတော့ရှိတယ်”ဟု သီပေါမြို့ရှိ နယ်စည်းမခြား ပရဟိတအသင်းမှ ကိုမျိုး( One More )က တာချီလိတ်သတင်းအေဂျင်စီသို့ ပြောသည်။

သေဆုံးသွားသည့်အမျိုးသားမှာ သီပေါမြို့နယ် နမ့်ပျဉ်ကျေးရွာမှဖြစ်ပြီး သီပေါမြို့ ပြည်သူ့ဆေးရုံသို့ နယ်စည်းမခြားပရဟိတအသင်းက သြဂုတ်လ(၂၇)ရက် နံနက်ပိုင်းတွင် ပို့ဆောင်ပေးထားကြောင်း သိရသည်။

အဆိုပါ အမှုနှင့်ပတ်သက်၍ သီပေါမြို့မရဲတပ်ဖွဲ့မှ ရှာဖွေစုံစမ်းမှုများပြုလုပ်လျက်ရှိပြီး အခြားမြို့နယ်များရှိ ရဲတပ်ဖွဲ့များနှင့်ချိတ်ဆက်ကာ အမြန်ဆုံးဖမ်းဆီးရမိရေး ဆောင်ရွက်လျက်ရှိကြောင်း သီပေါမြို့မရဲတပ်ဖွဲ့မှ သိရသည်။

ကားပေါ်ပါ အမျိုးသားတစ်ဦး နှင့်အမျိုးသမီးတစ်ဦးက သယ်ဆောင်သွားပြီး အခြားတစ်နေရာတွင် ပစ်ချထားခဲ့သည့်အတွက် ဆိုင်ကယ်သမား သေဆုံးသွားသဖြင့် ဖြစ်စဉ်ပါ ကားနှင့်ကျူးလွန်သူများအား သီပေါရဲတပ်ဖွဲ့မှ အပူတပြင်းရှာဖွေလျက်ရှိကြောင်း သိရှိရသည်။

သတင်း - နေဖြိုးမြင့်
ဓာတ်ပုံ - နယ်စည်းမခြားပရဟိတအသင်း
Tachileik News Agency
http://www.tachileik.net