စစ်ကိုင်းတိုင်းမှာ ရေဘေးကြောင့် လူဦးရေ ၈ ထောင်ကျော် ပြောင်းရွှေ့

ချင်းတွင်းမြစ်ရေမြင့်တက်နေရာ မြစ်ကမ်းတစ်လျှောက် စိုးရိမ်ရေမှတ်ထက် ကျော်လွန်နေတာ သြဂုတ်လ ၁၈ ရက်နေ့က တွေ့ရစဉ်။ Photo: MOI Webportal Myanmar
ချင်းတွင်းမြစ်ရေ မြင့်တက်လာမှုကြောင့် စစ်ကိုင်းတိုင်းဒေသကြီးအတွင်း မြို့နယ် ၈ မြို့နယ်က လူဦးရေ ၈ ထောင်ကျော်ဟာ ဘေးလွတ်ရာကို ပြောင်းရွှေ့နေထိုင်နေကြရပါတယ်။

အဲဒီ မြို့နယ် ၈ မြို့နယ်ထဲမှာ ခန္တီးမြို့နယ်က လူဦးရေ ၃၃၀၀ ကျော် ပြောင်းရွှေ့ထားရတဲ့အတွက် တိုင်းတစ်ခုလုံး မှာ ရေဘေးဒုက္ခကြောင့် ပြောင်းရွှေ့ရမှု အများဆုံးလည်းဖြစ်တယ်လို့ စစ်ကိုင်းတိုင်း ကယ်ဆယ်ရေးနဲ့ ပြန်လည်နေ ရာချထားရေး ဦးစီးဌာနထံကနေ သိရပါတယ်။

ရေကြီးရေလျှံမှုတွေကြောင့် လူဦးရေပြောင်းရွှေ့မှု ဒုတိယအများဆုံးက စစ်ကိုင်းနဲ့ တတိယအများဆုံးက ဟုမ္မလင်းမြို့နယ်တို့ ဖြစ်ပါတယ်။

ရေကြီးရေလျှံမှုတွေဖြစ်နေတဲ့ မြို့နယ် ၈ မြို့နယ်မှာ ခန္တီး၊ ဟုမ္မလင်း၊ ကလေး၊ ကသာ၊ ဖောင်းပြင်၊ မော်လိုက်၊ ထီးချိုင့်နဲ့ စစ်ကိုင်းတို့ ဖြစ်ပါတယ်။

အလားတူပဲ ဧရာဝတီမြစ်ရေ မြင့်တက်လာမှုကြောင့် ဗန်းမော်ခရိုင်အတွင်းက ဘုန်းတော်ကြီးကျောင်းတွေမှာ ခိုလှုံနေကြတဲ့ ရေဘေးဒုက္ခသည် အရေအတွက်ဟာ ဒီကနေ့အထိ ၁၆၀၀ ကျော် ရှိလာပြီလည်းဖြစ်ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ