ကန်သမ္မတရဲ့ဗျူဟာမှူးချုပ် Bannon ရာထူးမှဖယ်ရှားခံရ

အမေရိကန်သမ္မတ Donald Trumpနဲ့ မဟာဗျူဟာဆိုင်ရာ အဓိကအကြံပေးပုဂ္ဂိုလ် Steve Bannon။

အမေရိကန်သမ္မတ Donald Trump ရဲ့ မဟာဗျူဟာဆိုင်ရာ အဓိကအကြံပေးပုဂ္ဂိုလ် Steve Bannon ကို ရာထူးကနေဖယ်ရှားလိုက်ပါတယ်။ သောကြာနေ့ဟာ သူ့ရဲ့တာဝန်နောက်ဆုံးထမ်းဆောင်တဲ့နေ့အဖြစ် အိမ်ဖြူတော်အရာရှိချုပ် John Kelly နဲ့ Steve Bannon တို့သဘောတူခဲ့ကြတယ်လို့ အိမ်ဖြူတော်ပြောခွင့်ရသူ Sarah Huckabee Sanders ကကြေညာချက်ထုတ်ပြန်ခဲ့ပါတယ်။

အမေရိကန် ပထမဦးစားပေး “America First” အမေရိကန် ပြန်လည် အင်အားကြီးအောင် လုပ်မယ်။“Make America Great Again” စတဲ့ကြွေးကြော်သံတွေနဲ့ Mr. Trump ရွေးကောက်ပွဲအနိုင်ရအောင် Steve Bannonအဓိကကူညီ လုပ်ပေးခဲ့တာဖြစ်ပါတယ်။

လက်ယာစွန်းအမျိုးသားရေးဝါဒီတယောက်ဖြစ်သလို Breitbart.com သတင်းကွန်ယက်ရဲ့ အကြီးအကဲဟောင်း တယောက်ဖြစ်တဲ့ Bannon ဟာ အငြင်းပွားစရာ သမ္မတရဲ့မဟာဗျူဟာ အကြံပေးတယောက်ဖြစ်ခဲ့ပါတယ်။ Trump အစိုးရအဖွဲ့ထဲက သြဇာညောင်တဲ့ အလယ်အလတ်ဝါဒီတွေနဲ့ Bannon တို့ကြား မပြေမလည်ဖြစ်နေတာ လနဲ့ချီရှိခဲ့ပြီးနောက် ရာထူးကနေဖယ်ရှားခံရတာဖြစ်ပါတယ်။

အိမ်ဖြူတော်နဲ့လမ်းခွဲဖို့ သူဆုံးဖြတ်ခဲ့တာဖြစ်ပြီး သမ္မတဆီမှာ နှုတ်ထွက်စာကို လွန်ခဲ့တဲ့ ၁၁ ရက်ထဲက ပေးထားတာဖြစ်တယ်လို့ Bannon ကပြောတဲ့အကြောင်း The New York Times သတင်းစာက ဖော်ပြပါတယ်။ သမ္မတ Trump ကိုအဓိကကြိုးကိုင်နေသူအဖြစ် Steve Bannon ကို အမေရိကန် TV အစီအစဉ်တွေမှာ မကြာခဏ လှောင်ပြောင် သရော်ခဲ့ကြပါတယ်။

Bannon ရဲ့လက်ယာစွန်းအမြင်တွေ သမ္မတအပေါ်လွှမ်းမိုးနေတယ်လို့ Democrat အမတ်တော်တော်များများကလည်း မြင်ကြပါတယ်။ Bannon ဟာလူကောင်း တယောက်ဖြစ်ပြီး လူမျိုးရေးခွဲခြားသူမဟုတ်ပါဘူးလို့ သမ္မတ Trump ကကြာသပတေးနေ့က ချီးကျူးပြောကြားခဲ့ပါတယ်။

ဗွီအိုအေ (မြန်မာပိုင်း)
https://burmese.voanews.com