ALD ပါတီဗဟိုဌာနချုပ် ကျောက်တော်မှာ ဖွင့်လှစ်

ALD ခေါင်းဆောင်တချို့ ရန်ကုန်မြို့ တော်ဝင်နှင်းဆီခန်းမမှာ ၂ဝ၁၆ ခုနှစ် မတ်လ ၆ ရက်နေ့က တွေ့ရစဉ်။ Photo: Aung Thain Kha/ RFA
ရခိုင်ဒီမိုကရေစီအဖွဲ့ချုပ် ALD ပါတီ ဗဟိုဌာနချုပ်ကို ဒီနေ့ ရခိုင်ပြည်နယ်၊ ကျောက်တော်မြို့မှာ ဖွင့်လှစ်ခဲ့ပြီး ဗဟိုအလုပ်အမှုဆောင် ၁၇ ဦးနဲ့ အလုပ်အမှုဆောင် အယောက် ၃၀ ကို ရွေးချယ် ဖွဲ့စည်းလိုက်ပါတယ်။

ကျောက်တော်မြို့နယ်မှာ ပါတီကိုထောက်ခံသူများတဲ့အတွက် ရုံးချုပ်ကို ကျောက်တော်မြို့မှာ ဖွင့်လှစ်ခဲ့တာဖြစ် တယ်လို့ ပါတီဥက္ကဌ ဦးကျော်မြင့် ကပြောပါတယ်။

"သမိုင်းအရလည်း ကျောက်တော်ဒေသဆိုတာ တကယ့် အထင်ကရနေရာတစ်ခုဖြစ်တယ်။ နောက်ပြီးတော့ ဦးတို့ရဲ့ ALD ကိုထောက်ခံတဲ့သူတွေက အဲ့ဒီမှာ ရှိတော့လေ ဦးတို့က အဲ့ဒီမှာပဲ ဗဟိုကို ဖွင့်လိုက် တာပေါ့နော်"

ရခိုင်ဒီမိုကရေစီအဖွဲ့ချုပ်ဥက္ကဌအဖြစ် ဦးကျော်မြင့်က တာဝန်ယူထားပြီး ဒုတိယဥက္ကဌနှစ်ဦး အဖြစ်  ကျောက်တော် မြို့နယ်က ဦးကျော်အေးနဲ့ ရမ်းဗြဲမြို့နယ်က ဦးအောင်စိုးတို့ကိုရွေးချယ်ခဲ့ပြီး ပါတီအထွေထွေအတွင်းရေးမှူးအဖြစ် ဦးမျိုးကျော်က တာဝန်ယူဆောင်ရွက်သွားမှာဖြစ်ပါတယ်။

ရခိုင်ဒီမိုကရေစီအဖွဲ့ချုပ်ALD ပါတီဟာ ၁၉၉၀ ခုနှစ်ရွေးကောက်ပွဲမှာ ၀င်ရောက်ယှဉ်ပြိုင်ခဲ့ပြီး ရခိုင်ပြည်နယ်မှာ ကိုယ်စားလှယ်အများဆုံးအနိုင်ရရှိခဲ့တဲ့ပါတီဖြစ်ပါ တယ်။ ၂၀၁၄ ခုနှစ်မှာ ရခိုင်တိုင်းရင်းသားများတိုးတက်ရေးပါတီ RNDP နဲ့ ပေါင်းစည်းပြီး ရခိုင်အမျိုးသားပါတီ ANP အဖြစ် တည်ထောင်ခဲ့တာဖြစ်ပါတယ်။

လက်ရှိ ALD ပါတီကို ပြန်လည်ဖွဲ့စည်းရာမှာ အရင်က ALD ပါတီခေါင်းဆောင်ဟောင်း ဦးအေးသာအောင် ပါဝင်ဆောင်ရွက်လိုပါက ပါတီဘက်က ကြိုဆိုသွား မှာ ဖြစ်တယ်လို့ ပြောပါတယ်။

လာမယ့် သြဂုတ်လ ၂၇ ရက်နေ့မှာ ရခိုင်ပြည်နယ် ရမ်းဗြဲမြို့နယ်မှာ ရခိုင်ဒီမိုကရေစီအဖွဲ့ချုပ် ရမ်းဗြဲ မြို့နယ် ညီလာခံကို ကျင်းပသွားမှာဖြစ်တယ်လို့ပြောပါတယ်။

မကြာခင်မှာ  ပြည်ထောင်စုရွေးကောက်ပွဲကော်မရှင်ထံ ပါတီဝင်အင်အား တစ်ထောင်စာရင်းကို တင်သွင်းသွား ဖို့လည်း ပြင်ဆင်နေတယ်လို့ ပြောပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ