HIV/AIDS နဲ့ သေဆုံးသူ၊ ကူးစက် ခံရသူ နည်းသွား

HIV/AIDS တိုက်ဖျက်ရေး အမှတ်တံဆိပ်
မြန်မာနိုင်ငံမှာ ပြီးခဲ့တဲ့ ၆ နှစ် အတွင်း HIV/AIDS နဲ့ ဆက်စပ်ပြီး သေဆုံးသူတွေ ၅၂% ကျဆင်းပြီး ၊ အသစ် ကူးစက် ခံရသူ အရေအတွက်လည်း သိသိသာသာ နည်းသွားတယ်လို့ UNAIDS အဖွဲ့က ထုတ်ပြန်လိုက် ပါတယ်။

အာရှ-ပစ္စဖိတ် ဒေသတွင်း ရလာဒ် အကောင်းဆုံး ထွက်ပေါ် ခဲ့တဲ့ မြန်မာနိုင်ငံမှာ ART ဆိုတဲ့ ပိုးထိန်းဆေး ရရှိမှု ပိုလာပြီး တဖက်ကလည်း တိုက်ဖျက်ရေး လုပ်ဆောင်ရာမှာ ပညာပေး အသိပေးမှုတွေ ထိရောက်အောင် လုပ်နိုင်ခဲ့တဲ့ အပြင် ရောဂါ ရှိပြီးသား လူတွေက တိုက်ဖျက်ရေးမှာ ပါဝင်မှု ပိုလာတဲ့ အတွက် အခုလို ရလဒ်ကောင်းတွေ မြင်ရတာလို့ HIV/AIDS တိုက်ဖျက်ရေး အမျိုးသား စီမံကိန်းရဲ့ အကြီးတန်း အကြံပေး ဒေါက်တာမျိုးကျော်လွင် က ပြောပါတယ်။

ဒီရလာဒ်ကောင်းတွေကို ဆက်လက် ထိန်းထားနိုင်ဖို့ အတွက် ငွေအင်အား ၊ လူအင်အားနဲ့ လုပ်နိုင်စွမ်း ရှိမယ် ဆိုရင်တော့ ဖြစ်လာမှာပါလို့ ဒေါက်တာမျိုးကျော်လွင် က ဆိုပါတယ်။

HIV/AIDS တိုက်ဖျက်ရေး အစီအစဉ်တွေဟာ အားလုံးနဲ့ အချိတ်အဆက် မိမိနဲ့ လုပ်ဆောင်တာကြောင့် တနိုင်ငံလုံး လွှမ်းခြုံမိပါတယ်လို့ သူက အတည်ပြု ပြောကြားခဲ့ပါတယ်။

လက်ရှိတော့ ၂၀၂၀ အထိ ပြည်ပက ထည့်ဝင်တဲ့ ရန်ပုံငွေ အလုံအလောက် ရထားပြီး အစိုးရကလည်း ကျန်းမာရေး ကဏ္ဍမှာ ဘတ်ဂျတ် ပိုသုံးလာတဲ့ အတွက် ပြည်ပ အလှူရှင်တွေရဲ့ လှူဒါန်းမှု လျော့ကျလာတဲ့ ဂယက်ကို စိုးရိမ်စရာ မလိုသေးတဲ့ အနေအထားမှာ ရှိတယ်လို့ ဆိုပါတယ်။

UNAIDS ရဲ့ ထုတ်ပြန်ချက်တွေ အရ မြန်မာနိုင်ငံမှာ ၂၀၀၅ ခုနှစ်တုန်းက အရွယ်ရောက်သူတွေဆီ HIV ပိုးတွေ့ရမှု ၁.၃ ရာနှုန်း ရှိခဲ့ပြီး ဒါဟာ အရေအတွက် အားဖြင့် ခြောက်သိန်း နီးပါး ရှိပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ