နိုင်ငံတော်အစိုးရကို တရားစွဲတဲ့ အမှုတွဲ ဒက္ခိဏသီရိခရိုင်တရားရုံး လက်မခံ

နေပြည်တော် ဒက္ခိဏသီရိခရိုင် တရားရုံးကို တွေ့ရစဉ်။ Photo: Win Ko Ko Latt/RFA
၂၀၀၈ ဖွဲ့စည်းပုံအခြေခံဥပဒေကို ဖျက်သိမ်းပေးဖို့အတွက် နိုင်ငံတော်အစိုးရကို တရားစွဲဆိုတဲ့ အဖွဲ့ ၅ဖွဲ့ရဲ့ အမှုတွဲ တင်ပြချက်ကို နေပြည်တော် ဒက္ခိဏသီရိခရိုင်တရားရုံးက လက်မခံဘဲ ပြန်ပေးလိုက်တယ်လို့ သိရပါတယ်။

ပြည်ထောင်စုသမ္မတ မြန်မာနိုင်ငံတော်အစိုးရကို တရားစွဲဆိုထားတဲ့အမှုမျိုးဟာ သူတို့အနေနဲ့ စီရင်ပိုင်ခွင့်မရှိတဲ့ အမှုမျိုးဖြစ်ကြောင်း အကြောင်းပြန်ပြီး အမှုတွဲကို ပြန်ပေးလိုက်တာလို့ ၁၉၉၀ ပြည်သူ့ လွှတ်တော်ကိုယ်စားလှယ် များအဖွဲ့ ဦးဒေးဗစ်လှမြင့် က ပြောပါတယ်။

မှားယွင်းတဲ့ ကိန်းဂဏန်းတွေနဲ့ ပြည်သူ့ဆန္ဒခံယူပြီး ပြဌာန်းခဲ့တာကြောင့် ဖွဲ့စည်းပုံအခြေခံဥပဒေကို ဖျက်သိမ်းပေး ဖို့နဲ့ နိုင်ငံတော်အစိုးရကို တရားစွဲဆိုဖို့ ၁၉၉၀ ပြည်သူ့လွှတ်တော်ကိုယ်စားလှယ်အဖွဲ့ အပါအ၀င်အဖွဲ့ ၅ဖွဲ့က လူပုဂ္ဂိုလ် ၁၅ ဦးဟာ ဒီကနေ့ နေပြည်တော်၊ ဒက္ခိဏသီရိခရိုင်တရားရုံးထံ အမှုတွဲတင်သွင်းခဲ့တာဖြစ်ပါတယ်။

လက်ရှိ ၂၀၀၈ ဖွဲ့စည်းပုံအခြေခံဥပဒေကို အတည်ပြုတုန်းက မြန်မာနိုင်ငံသားလူဦးရေကို ၅၇ သန်းလို့ ဖော်ပြ ထားပြီး ၂၀၁၄ ခုနှစ်၊ သန်းခေါင်စာရင်းအရ ၅၁ သန်းသာရှိတဲ့အတွက် လူဦးရေ ၆ သန်း ကွာဟနေတယ်လို့ ၁၉၉၀ ပြည်သူ့လွှတ်တော် ကိုယ်စားလှယ်ဟောင်း ဦးဒေးဗစ်လှမြင့်က ပြောပါတယ်။

ဒါ့အပြင် ၂၀၀၈ ခုနှစ် ဖွဲ့စည်းပုံအခြေခံဥပဒေဟာ ပြင်ဆင်ဖို့ ခက်ခဲတာကြောင့် ဖွဲ့စည်းပုံ အခြေခံဥပဒေသစ် ရေး ဆွဲဖို့အတွက် ၁၉၉၀ ရွေးကောက်ပွဲ အနိုင်ရကိုယ်စားလှယ်အဖွဲ့က ဦးဆောင်ပြီး တိုင်းရင်းသားကိုယ်စားလှယ်တွေ ဒီမိုကရေစီအင်အားစုတွေ၊ အရပ်ဘက်အဖွဲ့အစည်းတွေက ကိုယ်စားလှယ်တွေ၊ ပါဝင်သင့်ပါဝင်ထိုက်သူတွေ၊ လူထုလူတန်းစားအသီးသီးကို ကိုယ်စားပြုသူတွေနဲ့ ဆွေးနွေးပြီး ဒီမုိုကရေစီစံနှုန်းနဲ့ကိုက်ညီတဲ့ ဖွဲ့စည်း ပုံဖြစ်အောင် ရေးဆွဲသွားမယ်လို့လည်း ဆိုပါတယ်။

တရားစွဲဆိုဖို့အတွက် ဒက္ခိဏသီရိခရိုင် တရားရုံးကို ပြီးခဲ့တဲ့ ဇူလိုင်က ၄ ရက်နေ့က ပထမအကြိမ် လာရောက်ခဲ့ပေ မယ့် ကိုယ်စားလှယ်လွှဲစာ ဆောင်ရွက်ပေးမယ့်ရှေ့နေက ကျန်းမာရေးကြောင့် မလာနိုင်တာကြောင့် တရားစွဲဆို မယ့်ရက်ကို ရွှေ့ဆိုင်းထားတာဖြစ်ပြီး ဒီကနေ့ ထပ်မံတင်သွားတာဖြစ်ပါတယ်။

နိုင်ငံတော်ကို တရားစွဲဆိုဖို့ ပြင်ဆင်နေတဲ့ အဖွဲ့ ၅ဖွဲ့မှာ ၁၉၉၀ ပြည်သူ့လွှတ်တော် ကိုယ်စားလှယ်များအဖွဲ့၊ ညီညွှတ်သောအမျိုးသား ဒီမိုကရေစီအဖွဲ့ UNDO၊ ပြည်ထောင်စုတိုင်းရင်းသား တောင်သူလယ်သမားသမဂ္ဂအဖွဲ့၊ လူ့အခွင့်ရေးချိုးဖောက်မှုဆိုင်ရာ စုံစမ်းစစ်ဆေးဖော်ထုတ်မှုကော်မတီ၊ ကရင်အမျိုးသမီးအစည်းအရုံး တို့ပါဝင်ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ