သွေးလွန်တုပ်ကွေးဖြစ်ပွားသူ တစ်သောင်းနှစ်ထောင် နီးပါးရှိ

သွေးလွန်တုပ်ကွေးရောဂါကြောင့် ဆေးရုံတက်ရောက်ကုသနေတဲ့ ကလေးငယ်တစ်ဦးကို တွေ့ရစဉ်။ Photo: Kan Thar/ RFA

တစ်ပြည်လုံးမှာ ၇ လ တာကာလအတွင်း သွေးလွန်တုပ်ကွေးဖြစ်ပွားသူ တစ်သောင်းနှစ်ထောင်နီးပါး ရှိပြီး သေဆုံးသူ ၆၆ ဦးရှိနေတယ်လို့ ကျန်းမာရေးနဲ့ အားကစားဝန်ကြီးဌာန သွေးလွန်တုပ်ကွေး တိုက်ဖျက်ရေးဌာန စီမံချက်မန်နေဂျာ ဒေါက်တာ ဇော်လင်းက ပြောပါတယ်။

မိုးတွင်းရဲ့ အလယ်ကာလဖြစ်တဲ့ လက်ရှိ ဇူလိုင်လဟာ အဖြစ်အများဆုံးဖြစ်နိုင်တာမို့ အထူးသတိထား ကြဖို့ သွေးလွန်တုပ်ကွေးတိုက်ဖျက်ရေးဌာန စီမံချက်မန်နေဂျာ ဒေါက်တာဇော်လင်းက ပြောပါတယ်။

"အရင်တုန်းကဆိုရင်တော့ ၁၀ လ ၊ ၁၁ လ ၊ ၁၂ လ ပေါ့ ၊ လွယ်အောင်ပြောရင် အေးတဲ့ရာသီဥတု ပေါ့ ၊ အေးတဲ့ရာသီဥတုဆိုရင် ခြင်ရဲ့လှုပ်ရှားမှု ကနှေးကွေးသွားတယ်၊ Temprature ကလည်း ကျသွား တာ ဖြစ်တဲ့အတွက် ခြင်ကျားပေါက်ဖွားမှုက နည်းသွားတယ် ၊ အန္တရာယ်အထိုက် အလျောက်နည်းသွားတယ် အရင်ကပေါ့နော်၊ အခုတော့ တစ်နှစ်ပတ်လုံး အန္တရာယ်နည်းသွားတဲ့အခြေအနေလို့ပြောဖို့က ခက်သွားပြီပေါ့နော်၊ အန္တရာယ်အများဆုံးကတော့ ဇူလိုင်လပေါ့နော်’’

ပြီးခဲ့တဲ့ ၂၀၁၇ ခုနှစ်နဝါရီလကနေ ဇူလိုင်လ ၈ ရက်နေ့အထိ တစ်ပြည်လုံးမှာ သွေးလွန်တုပ်ကွေးဖြစ် ပွားမှု စာရင်းတွေအရ ရန်ကုန်တိုင်းမှာ လက်ရှိအချိန်ထိ ၂၆၀၀ ကျော်ဖြစ်ပွားခဲ့ပြီး သေဆုံးသူ ၁၅ ဦး ရှိကာ ဧရာဝတီတိုင်းမှာလည်း ၁၆၀၀ ကျော်ရှိကာ ၁၉ ဦးသေဆုံးခဲ့ပါတယ်။

ရခိုင်ပြည်နယ်မှာဆိုရင် ၁၄၀၀ ကျော်ရှိပြီး သေဆုံးသူ ၁၁ ဦးရှိကာ ၊ ပဲခူးတိုင်းမှာ ၁၂၀၀ နီးပါးရှိပြီး သေဆုံးသူ ၁၀ ဦးရှိပါတယ်။

မွန်ပြည်နယ်မှာတော့ ၁၂၀၀ ကျာ်ရှိပြီး သေဆုံးသူ မရှိသေးဘူးလို့ သိရပါတယ်။

လွန်ခဲ့တဲ့ ၂၀၁၅ ခုနှစ်တုန်းက တစ်ပြည်လုံးမှာ သွေးလွန်တုပ်ကွေးရောဂါဖြစ်ပွားသူ လေးသောင်းကျော် အထိရှိခဲ့ပြီး သေဆုံးသူ ၁၄၀ ဦးထိ ရှိခဲ့ပါတယ်။
ပြီးခဲ့တဲ့နှစ် တစ်နှစ်လုံးမှာ ဖြစ်ပွားသူ ၁၀၇၇၀ (တစ်သောင်းနဲ့ ခုနှစ်ရာ့ခုနှစ်ဆယ်) ဦး ၊ သေဆုံးသူ ၅၈ ဦးထိရှိခဲ့ရာ လက်ရှိဒီနှစ် ၂၀၁၇ ခုနှစ် ဇူလိုင်လအထိ မှာတော့ တစ်သောင်းတစ်ထောင်ကျော်နေပြီ ဖြစ်ပြီး သေဆုံးသူကလည်း ၆၆ ဦးထိ ရှိနေတာဖြစ်ပါတယ်။

RFA Burmese
http://www.rfa.org/burmese