ကလေးခိုးယူပြီး ခြိမ်းခြောက်ငွေတောင်းသော ပြန်ပေးဆွဲလင်မယားအား ရွှေဘို၌ ဖမ်းဆီးရမိ


ရွှေဘို ဇူလိုင်(၂၃) ရက်

စစ်ကိုင်းတိုင်းဒေသကြီး မုံရွာမြို့ မှ အသက် (၂) နှစ် (၅) လ အရွယ်ရှိ ကလေး(ကျား)အား ခိုးယူပြီး ခြိမ်းခြောက်ငွေတောင်းသော ပြန်ပေးဆွဲ လင်မယားအား ရွှေဘိုမြို့ ၌ ၂၃.၇.၂၀၁၇ နေ့ ညနေ (၁၇: ၁၀) အချိန်က ဖမ်းဆီးရမိခဲ့ကြောင်း ရွှေဘိုမြို့ မရဲစခန်းမှ စခန်းမှူး ဒုရဲမှူးမြင့်မောင် ထံမှသိရသည်။

ဖြစ်စဉ်မှာ မုံရွာနယ်မြေစခန်း မှ လူပျောက်အမှတ်စဉ် ၁၉/၂၀၁၇ မှ ပျောက်ဆုံးသွားသူ
မောင်ပိုင်ဇေဖြိုး (သ) (၂) နှစ် (၅) လ (ဘ)ဦးကျော်ဇေယျ (မိ) ဒေါ်အိအိဖြိုး နန္ဒဝန်ရပ်ကွက် မုံရွာမြို့ နေသူပျောက်ဆုံးမှုနှင့်ပါတ်သက်၍ ရွှေဘိုမြို့ မရဲစခန်းမှ စခန်းမှူး ဒုရဲမှူးမြင့်မောင် ဦးစီး၍ နယ်ထိန်းခေါင်းဆောင် ဒုရဲအုပ်ကိုလတ် ခေါင်းဆောင်သော နယ်ထိန်းတပ်ဖွဲ့ဝင်များမှ နယ်မြေ အတွင်း စုံစမ်းရှာဖွေခဲ့ရာ ပျောက်ဆုံးနေသူ မောင်ပိုင်ဇေဖြိုးအား မိဘများမသိရှိပဲခေါ်ဆောင်
သွားခဲ့သည့် မမိုးသီရိနိုင် (ခ) မသီရိမေ (သ) ၂၇ နှစ် (ဘ) ဦးနိုင်ဝင်း အား အိမ်ဌားနေထိုင်ရာ အမှတ်(၁၀) ရပ်ကွက် နွားလေးကုန်းရပ် ရွှေဘိုမြို့  နှင့် ၎င်း၏ ခင်ပွန်းဖြစ်သူ နေလင်းဦး (ခ) နေထက်ဦး (သ) ၂၀ နှစ် (ဘ) ဦးခေတ်ထူး ဆိုင်ကယ်ဝပ်ရှော့ ရှားတောကျေးရွာ ရွှေဘိုမြို့ နယ်
နေသူတို့ နှစ်ဦးအား ကလေးခိုးယူ သွားစဉ်က ယူဆောင် သွားခဲ့သော ၅၅ယ/ ၇**** နံပါတ်ပါ CANDA-125 (အနက်ရောင်) ဆိုင်ကယ်နှင့်အတူ ဖမ်းဆီးရမိခဲ့ကြောင်း သိရသည်။

စစ်ဆေးချက်အရ ကလေးခိုးယူသွားခဲ့သော လင်မယားမှာ ယခင်ကတည်းက ခင်မင်ရင်းနှီးခဲ့ပြီး
ကလေးမိခင် မအိအိဖြိုး တို့ အိမ်၌အဝင်အထွက် ပြုလုပ်နေသူများဖြစ်ပြီး ၁၅.၇.၂၀၁၇ နေ့ ၌ မိဘများမသိရှိပဲ ကလေး နှင့် ဆိုင်ကယ်အားခိုးယူသွားခဲ့ပြီး ၁၆.၇.၂၀၁၇ နေ့ ည (၁၀) နာရီအချိန်၌ ကလေးခိုးယူသွားသော မမိုးသီရိနိုင်(ခ) မသီရိမေ ၏ ခင်ပွန်းဖြစ်သူ နေလင်းဦး (ခ) နေထက်ဦး မှ ကလေးအားပြန်လိုချင်လျှင် ငွေ (၂) သိန်း ယူဆောင်၍ ဇီးတောကျေးရွာ တံတားထိပ် ရွှေဘိုမြို့ နယ်သို့ လာရောက်ရန် အခြားမည်သူကိုမျှ သတင်းမပို့ ရန် နှင့် သက်ဆိုင်ရာသို့ သတင်းပို့ ခဲ့ပါက ကလေးအားသတ်ပစ်မည်ဟု ဖုန်းဆက်ကာ ခြိမ်းခြောက်ငွေတောင်း၍ ပြန်ပေးဆွဲခဲ့ကြောင်းဖြစ်စဉ်အား ရွှေဘိုမြို့ မရဲစခန်းမှ နယ်ထိန်းခေါင်းဆောင် ဒုရဲအုပ်ကိုလတ် ထံမှသိရသည်။

သို့ ဖြစ်ပါ၍ ပျောက်ဆုံးနေသူ မောင်ပိုင်ဇေဖြိုး အား ရွှေဘိုမြို့ တွင်ရောက်ရှိနေသော ၎င်း၏ မိဘများထံ အပ်နှံထားရှိပြီးဖြစ်ကာ မိဘများမသိရှိပဲ ကလေး နှင့် ဆိုင်ကယ်အား ခိုးယူကာ ခြိမ်းခြောက် ငွေတောင်း၍ ပြန်ပေးဆွဲခဲ့သူ မမိုးသီရိနိုင်(ခ) မသီရိမေ နှင့် ၎င်း၏ ခင်ပွန်းဖြစ်သူ နေလင်းဦး(ခ) နေထက်ဦး တို့ အား သက်သေခံဆိုင်ကယ်နှင့်အတူ မုံရွာနယ်မြေရဲစခန်းသို့ အပ်နှံရန် အကြောင်းကြားထားရှိပြီးဖြစ်ကြောင်း ရွှေဘိုမြို့ မရဲစခန်းမှ သတင်းရရှိသည်။

သတင်း ---- ဓာတ်ပုံ -- မိုးသောက် (ရွှေဘို)
Moe Thu Win (fb)
ကလေးခိုးယူပြီး ခြိမ်းခြောက်ငွေတောင်းသော ပြန်ပေးဆွဲလင်မယားအား ရွှေဘို၌ ဖမ်းဆီးရမိ ကလေးခိုးယူပြီး ခြိမ်းခြောက်ငွေတောင်းသော ပြန်ပေးဆွဲလင်မယားအား ရွှေဘို၌ ဖမ်းဆီးရမိ Reviewed by THITHTOOLWIN on 08:09 Rating: 5
Powered by Blogger.