သာစည်တွင် မောင်းပြန်သေနတ်များ ဖမ်းဆီးရမိ


မန္တလေးတိုင်းဒေသကြီး၊ သာစည်မြို့နယ်မှာ ဇူလိုင်(၁၉)ရက် ည(၁၀)နာရီခွဲ အချိန်ခန့်က မန္တလေးကို ပို့ဆောင်မယ့် ထိုင်းနိုင်ငံနဲ့ ဂျာမဏီနိုင်ငံ လုပ်မောင်းပြန်သေနတ်(၂၂)လက်ဖမ်းဆီးရမိခဲ့တယ်လို့ သာစည်မြို့မ ရဲစခန်း တာဝန်ရှိသူတစ်ဦးဆီက သိရပါတယ်။

 ဖြစ်စဉ်မှာ မူးယစ်တပ်တပ်ဖွဲ့စု(၁၈) မန္တလေးတောင်ပိုင်းအဖွဲ့နဲ့ သာစည်မြို့နယ်ရဲတပ်ဖွဲ့မှူးရုံးက တပ်ဖွဲ့ဝင်တွေဟာ သတင်းအရသက်သေတွေနဲ့အတူ တောင်ကြီး-မီတ္ထီလာ ကားလမ်းမကျွဲတပ်ဆုံတိုးဂိတ်အနီး စောင့်ဆိုင်းနေတုန်းမှာ လွိုင်ကော်ကနေ မန္တလေးဘက်ကို သွားမယ့် ယာဉ်အမှတ် 2D/5608 မော်တော်ယာဉ်ကို သက်သေတွေရှေ့မှောက်မှာ ရပ်တန့်ရှာဖွေစစ်ဆေးခဲ့ပါတယ်။
အဲဒီလို ရှာဖွေရာမှာ ယာဉ်ရဲ့ နောက်ခန်းအတွင်းကနေ အဖြူရောင်ဆာလာအိပ်အတွင်း မွေ့ယာနဲ့ ပတ်ထားပြီး သိုဝှက်သယ်ဆောင်လာတဲ့ ထိုင်းနိုင်ငံလုပ်ကိုယ်ထည်မှာ ထိုင်းစာတမ်းတွေပါတဲ့ မောင်းပြန်သေနတ် အလက်(၂၀)နဲ့ ဂျာမနီနိုင်ငံလုပ် ကျည်အိမ်မပါ AK-47(၂)လက်၊ ထိုင်းနိုင်ငံလုပ် ကျည်အိမ် အခု(၂၀)၊ ငွေစက္ကူ (၈)သိန်းခန့်နဲ့ လက်ကိုင်ဖုန်း(၃)လုံးတို့ကို သက်သေတွေ ရှေ့မှောက်မှာ သိမ်းဆည်းရမိခဲ့ပါတယ်။

 အဲဒီလက်နက်တွေကို ကလေးမြို့တာတန်းရပ်ကွက်နေသူက ဝယ်ယူ သယ်ဆောင်းခိုင်းတဲ့ ပစ္စည်းတွေဖြစ်တယ်လို့ သိရပါတယ်။


 ဖြစ်စဉ်နဲ့ပတ်သက်ပြီး လက်နက်တွေကို တရားမဝင်သယ်ဆောင်ယူပြီး လက်ဝယ်ထားရှိသူတွေ ဖြစ်ကြတဲ့ နေစိုးထွေး၊ မြတ်ဆုနှင်းတို့နဲ့ သယ်ဆောင်ခိုင်းသူ ကလေးမြို့က မောရ(ခ) ကျုံးရန်ဆန်တို့ကို သာစည်မြို့မ ရဲစခန်းမှာ အမှုဖွင့်လှစ်အရေးယူဆောင်ရွက်သွားမယ်လို့ သိရပါတယ်။ ဒီသတင်းကို ဖြိုးကိုလင်း(ညောင်ဝိုင်း) က ပေးပို့တာဖြစ်ပါတယ်။

Central News Bureau
https://www.facebook.com/skynetcnb/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ